اتوقع اغلب الحوامل شافوا هذا الجهاز عند دكتوراتهم👩🏻‍⚕️ هو الي يستخدمونه عشان يسمعون نبض الجنين💕 فحملي الاول كان عندي مشاكل ولاني انسانه موسوسه واحب اتطمن ومنها اتسلى بسماع نبضات البيبي بحثت عن اجهزه مشابهه وجربت كم واحد لقيته يباع عندنا بمذركير وهذي المحلات لكن للامانه فاشله 👎🏻 او انا ماعرفت لها كنت اتابع بلوقر اجنبيه تكلمت عن هذا الجهاز وانه يباع بموقع ايباي ebay وشفته قريب بامازون هم كاتبين انك ممكن تسمعين النبضات من الاسبوع ١٠ وانه نفس المستخدم في المستشفيات تحمست وطلبته للامانه ماقدرت اسمع النبضات الا بالاسبوع ٢٠ اتوقع لاني ماعرفت او مالقيت مكان البيبي وجلست امتر بطني ولا طلع معي شي 😂 بس بعد ماكبر البيبي صار اسهل انك تلقين النبض وتسمعينه 😍😍😍 انصح فيه كل ام عندها مشاكل بحملها وحابه تتطمن او ام حابه تستمتع بنبضات طفلها فبيتها مع زوجها او اهلها او صديقاتها الجهاز يشتغل بالبطاريه ويجي معه علبه جيل صغيره عشان تحركين السماعه على بطنك واذا خلصت ممكن تجيبين غيرها من الصيدليه اسم الجهاز pocket fetal doppler سعره بدون الشحن حوالي ١٦٠ ريال