بنات بدي إسألكم اذا فيني اعرف جنس الجنين من الشوكولا ، بيقولو يلي بتاكل شوكولا بدها تجيب بنت 🍫🍫🍫🍫👩👩👩👩👩 جلست أبكي وحيدة ، ترى ما الحل ؟ لا أهل ولا زوج و لا أصدقاء ، كل شيء ضدي ، ما هذا الجحيم الذي أعيشه ؟ وكي لا أتمادى في حزني فتحت الفيسبوك عليي أحادث ( بسمة ) وتخفف عني ، وفعلا" كانت قد أرسلت لي رسالة تسأل بها عن حالي ، وهي التي لا تعرف عن حياتي الخاصة أي شيء ، ( انا مني منيحة انا مني بخير ) أرسلت لها ، بعد قليل جاء الرد ( خير شو في احكيلي ؟) قالت ، ترى هل أخبرها بكامل قصتي ، فهي فتاة ذكية ولربما تفيدني بشيء ، أليس الصديق وقت الضيق ، نعم سأخبرها الآن ، سأقص عليها كامل قصتي وحتما" ستساعدني ، ( متضايقة من كل شي ) أجبتها ، ( قبل ما تحكيلي بدي ناقشك ( بالغيمة رقم 55 ) ) قالت ، ( لفتتني كتير وبدي إسألك عن سبب كتابتك إلها ) أضافت ، ( ايه طيب لحظة لشوف شو كانت ) قلت لها ، دخلت صفحتي لأبحث عن ( الغيمة 55 ) لأقرأها من جديد و أعطيها سبب كتابتي لها ، فوجدت بأنها تتحدث عن علاقتي بأهلي ، طبعا" كتابتي على الفيسبوك رغم انها كانت حقيقية وعن حياتي الخاصة ، الا أني كنت أدخل فيها الكثير من الخيال كي لا يفهم أحد بأنها تخصني ، و بالمجمل كنت أكتبها بصيغة الغائب ( هي ) ، ( ما بعرف ليش كتبت هالغيمة ، هيك طلعت معي ) أجبتها ولم أتجرؤ بأن أخبرها بأن تلك ( الغيمة ) تتحدث عن علاقتي بأهلي ، ( وجعتلي قلبي كتير هالغيمة ) قالت ، ( حسيت انها بتحكي عنك ) أضافت ، ( ييي ليش عني انا مثلا" شو انتي بتعرفيني ) أجبتها بغضب وكنت قد شعرت بخوف إكتشافها لي ، وهي الذكية التي لا يخفى عليها خافية ، ( لاء ما بعرفك بس ما معقول حدا يكتب هيك شي الا يكون عاشو ، فيها احساس رهيب هالغيمة ) أجابت ، مهما قلت لن تصدقني ، حتى لو تظاهرت بذلك ، بات إحساسي يفضحني ، رحت أحدث نفسي و أنا أفكر عما إذا كنت قادرة على مصارحتها ، ( عشتي قصة حب قبل هلاء ؟ ) سألتني ، ( حب ؟ ههههههههه ) أجبتها ، ( ليش عم تضحكي ) أضافت ، ( ليش عم تسألي أسئلة خاصة اليوم ) قلت لها ، ( طيب شو مواصفات زوجك المستقبلي ، هاد مش سؤال خاص بس مجرد دردشة ) قالت ، سؤالها هذا آلمني ، زوجي المستقبلي !! ، هل فعلا" حلمت يوما" بزوج ؟ ، هل حلمت بعائلة وبيت ؟ ، لم أذكر بإني إمتلكت يوما" سوى حلمين : ( فيروز ) و بأن أصبح ( معلمة رياضيات ) ، وهل في بيوت الفقراء متسع للأحلام ؟ ، ( ما بعرف ما فكرت بالموضوع ) أجبتها ، ( ييي في بنت بعمرك ما فكرت بالموضوع ؟) قالت ، ( ايه في كتير انا كل همي درسي ) قلت لها ، ( والله شكلك عم تخبي عليي شي ، قولي شو في ) سألتني ، ( ما في شي بس مشغولة في غيمة شاغلة بالي بدي اكتبها هلاء بعدين منحكي ) أجبتها وحاولت التهرب من الإجابة ، يتبع ...