تعو صبايا تعو شوفو شو جبتلكون بس مو متذكرة من وين سرقتا 😂😂😂
من الاخر 😂😂
"سمعت طحبشة ع درج البناية وحكي متل الوشوشة فتحت الباب عالهسي سمعتو عما يحكي مع عشيقته 😑
وعما يقلا : حبيبتي هي وصلتي عالبيت أوعك تدقي هلق بتحس علينا ((داعش)) .. يله باي باي .. وزتلا بوسة😑
انا يلي تحملت شخيرو 5 سنين مسميني (( داعش ))؟؟
انا يلي قعدت 3 سنين مع بيت حماي .. اتحمل اهلو واخواتو النكاشات مسميني (( داعش )) ؟؟
انا يلي الي راكضة 5 سنين ورا كرشو يلي نبق على وجودي وكان عص مص. مسميني (( داعش )) ؟؟
العمش ما اقعد عندو كمان خمس سنين تانيات ليسميني ((الموساد))😂
مابعرف كيف سكرت الباب كمان عالهسي وقعدت لملم دموعي وأبلعهم😞
طلع عالبيت عادي ولا كأنو عامل شي 😑 فوق عيبو مبتسم و قلي عالسريع جهزيلي غداء وشغليلي الصوبيا بدي نام ساعتين عالدفيات. مزنطر من برد ونعسان 😴
بس نام سرقت جاكيتو وسلحبت على غرفة النوم . طلعت جوالو وفتحتو شفت العجايب والغرايب 😢 مو اتاري عامل عاشق ومعشوق 😢 يالله شو اعمل؟؟ شو ساوي؟؟😢
وانا عم قول كل حالات هالواتس الغرامية والرومانسية لشوو؟؟. وأنا الخوتة مفكرتون الي😅😒
اطلعت عالمراية وحكيت مع حالي وقلت : (( ابتسام لا تنهاري .. ابتسام خليكي قوية.. ولا تنكسري .. ابتسام انتي حلوة .. وهديك سحلية .. ابتسام شغلي طنجرة البخار يلي بين كتافك وجهزي طبخة تخليه يندم عالساعة يلي تمعشق فيها .. ابتسام اوعك تضعفي هلق جيرانك المغاضيب ام عصمت والشلة بيشمتو فيكي .. وبيت حماكي الكرانيب بيعملوكي سيرة .. ابتسام شغلي مخك اوعك تحردي .. المرة الحردانة بتروح قملة بترجع سيبانة 😑 ابتسام بحبشي على حل تنتصري فيه 🤔))
رجعت دوّر بجاكيتو شوف شو مخبي ... كان فيه باكيت دخان وقداحة .. سحبت سيجارة وشغلتا مع انو انا ما بدخن.
بس حبيت جرب هداك الشعور تبع السيجارة . كيف بنشوفون بالمسلسلات بحطوا بتمهم سيجارة وهنة زعلانين وبشغلوها وبيقعدو يفكرو ومكتئبين وبلاقوا حل 🤔 أعدت وسحبت كم سحبة .. وأخدت وضعية المنهارة المصعوقة 🙃
صفنت .. وصفنت .. وصفنت لطلع معي حل ☻
أخدت الرقم تبع الصبية وحكيت معا عالواتس
قلتلا : السلام عليكم
قالتلي : أهلا مين معي
قلتلا: اختي انا زوجة سعيد .. انا عرفت انو في علاقة بيناتكون .. يا اختي الرجل متزوج .. وانتي هيك عما تهدمي علاقة مبنية على الحب والتفاهم ..
قالتلي: والله يا اختي بالغلط دقيت لرقمو ومن وقتا دبقني متل اللزقة الافرنجية .. وقال انا لو ما بحبو وما بدقلو .. صار كل يوم يبعتلي مسج ووحدات 😅.. وأنا لقيت 🐴 ليش لاء😅
وبعدين جاييني عريس ورح انخطب حطي ايديكي ورجليكي بمي باردة
(( الحمدلله طلعت المخلوقة مابتحبو. صلبطجية فقط .. ما من تبعوت ما بتزوجك لتطلق مرتك.. وفرت علي كتير شغل وصرنا صحبة😁))
قلتلا : الله يتمم على خير .. معناتا بدك تساعديني بهالشغلة .. وبتوعديني انك تعملي متل مابدي علمك عليه هلق 😉 أوك
قالتلي : اوك .. بوعدك 🤗
رجعت كلشي مكانه .. واخدت اخر سحبتين من السجارة وطفيتا .. وفتحت الشبابيك وبلشت افتل جاكيتو بالهوا كرمال طالع الدخان من الغرفة (( اكيد مجربينا😜)) أطلعت عالمراية زبطت شعراتي وحطيت حمرا وبست حالي عالمراية 💋 وطلعت برى غرفة النوم . عما غني غنية نجوى كرم (( لو ما بتكذب لو لو لو ما كان عندي بحبك لو 😁 ))
فز على أنغام هالاغنية وكل شوي بضل عيدها و وارفع حواجبي وحركهون تلات مرات 😁
صراحة صرت حسو متلبك وبخبي وجهو مني وبيتهرب ..
وأنا غني (( لا مابدي تدللني وتنساني ع طلوع الضو .. لو ما بتكذب لو لو لو )) رح يجن ويفقع ..
ركض عالغرفة دقلا وقلا لعشيقته : حدا حكا معك شي؟؟
قالتلو: لا ابدا ""
قلا : حاسس مرتي انو شاكة بعلاقتنا 😱
قالتلو : روح ع السريع اشتريلا شي خاتم دهب تقيل .. هيك بتلهي مرتك عنك
والله ما كذب خبر غاب ساعة وجايبلي معو خاتم كنت احلم البس متلو 😍💍 كان ع طول مأنشح والليرة ما بتطلع منو
سكتت يومين ورجعت غني (( لو ما تكذب لو لو لو ))
دق لعشيقتو قلا لك رجعت تغني نفس الغنية .. وك اكيد ومافي مجال.. اكيد عرفت بعلاقتنا 😱
قالتلو: ع السريع جبلاا سنسلة دهب بتلتهي فيه عنك 😑..
كمان جبلي سنسلة 😁بس ماسكتت ضليت غني وطلباتي أوامر والهداية والتياب والعطورات كفت عليي. .
العمش شو كنت حارمة حالي .. كرمال كون الزوجة الإقتصاديه يلي هية وجوزها عالدهر ..
بس الزلم هيك بس يصير معو مصاري يا بجن ... يا بيتزوج 😥
المهم ....
هلق جاي مبللبل من المطرات يلي نزلت بالشام .. مكشر ..وعلامات وجههه تتأبض شرا"" .. وكأنه آكل كريك عاطفي تازة😅
قلتلو :شبك متدايق كتير
قال : متخانق مع مدير الشركة ((ينعل أخت الكش😁))
ركضت عالسريع حاكيها واتس لقيتا حاطة صورة خاتم خطبة ومكتوب عليه قريبا"" رح البسو😗 👏
وكاتبة عالحالة (( يا سعيد شخ بعيد ))
😂😂😂😂
حس حالو أكل كم مرتب 😁
بس مابعرف ليش من وقت اجا وشايفني لابسة كلشي دهب جبلي ياه ومهندسة حالي على 24🤔
دقتو البردية وصابو سخونة .. وعما يهدس ويهلوس ويطلع فيني ويغنيلي ((انتا معلم واحنا منك نتعلم 💃💃💃💃💃))
بقلمي المكيود ... 😂
#عزيزتي_الزوجة
#وفري_عليه_حد_المعقول_بس_اوعك_تحرمي_حالك_من_ابسط_حقوقك_كرمال_تعبي_جيابه_مصاري
#وبالآخر_بس_يكترو_مصرياته_بطقها_جوازة
#منقول
العضوة: 26363 , 9 years ago
ههههههههههه😂العضوة: 36463 , 9 years ago
😂😂😂😂العضوة: 6306 , 9 years ago
😂😂😂العضوة: 24230 , 9 years ago
ههههههههههههههههههههههههہالعضوة: 472 , 9 years ago
هههههههههههالعضوة: 37924 , 9 years ago
😂😂😂😂😂😂العضوة: 39784 , 9 years ago
هههههههههههه ربي يسعدك عالنقل الجميلالعضوة: 39329 , 9 years ago
هههههه حبيتها 😂