صباح لخير يابنات موضوع جدا مهم للعانون من خربطة الهرمونات واكياس على المبايض وتكيس المبايض وكلنا منعرف انو هي لمشاكل بتسبب بتأخر الحمل ويلزمها علاج واحيانا بهددو بالعملية رح احكي قصتي للكل يستفاد مشكلتي بلشت من أول ما ابلغت دورتي غير منتظمة ابدا مره تجي منتظمة ومرة كل شهرين ومرة كل 3 شهور واحيانا تغيب 6 شهور كلوهم يقولوا عادي كل لبنات هيك وبتنظم بعدين رحت ع دكتورة بسن ل 17 عملتلي ايكو قالتلي مافي شي وبتنتظم لحالها هيك لصار عمري 19 بلشت معي مشاكل هدتلي نفسيتي صارت بلارض شعري يهر مو بالعقل ما استرجي اتحمم رحت قصيت شعري بعد ما كان طويل ويجنن ونحرق قلبي عليه بعدها ما وقف لهر ابدا رحت ع دكتورة جلدية شافت كيف شعري عم يهر سألتني عندك أشعار بالجسم بأماكن غير محببة متل (بين لفخدين وتحت لصرة وحول حلمه لثدي ودقن وسوالف) طبعا انا هاد كلو كان عندي منن فورا طلبت مني ايكو وتحاليل هرمونات لغدة وهرمون لزكورة وهرمون لحليب رحت عملتهم وطلع عندي اكياس عل مبيض وزياده بهرمون لزكورة وبدي علاج مشان يوقف تساقط شعري لمرعب في ناس بتشكي من اعراض تانية متل حب لشباب وسمنة لزائدة بدل تساقط الشعر لمهم عطتني علاج لهو مانع حمل اجنبي ودواء تنظيم لسكر يلي هو بساعد ع حرق لاكياس على المبيض ومانع لحمل بنظم لدورة وبعد شهر لقيت لنتيجة خف تساقط شعري ضليت اخد لعلاج 6 شعور بعدها رحت ع دكتورة لاطمن قالتلي وضعك تمام وحتى عندك اباضة ولبيضة بقطر 22 ممتازه للحمل هي بدون منشطات او شي غيرو لاني لسا كنت بنت وبعدها علاجي صار عبارة عن 3 شهور باخد لدوا و3 شهور لا لان كلنا منعرف انو هاد دائم مدى لعمر وكنت اتحسن كتير ع دوا بعدين نخطبت استمريت بلعلاج فترة لخطبة كلا وانا عم اخد مانع حمل ودوا لسكر وع فكره (دوا لسكر بنحف) ضليت عم اخدهم 9 شهور متواصلات واول ما تزوجت وقفتهم مشان احمل فورا وفعلا مو اول شهر لتاني حملت وحاليا صرت برابع لحمدلله طبعا بنصح لكل اذا شاف حدا اصغر منو عندو لاعراض ينصحو يروح ع طبيب لاعراض مابتخبي حالها ( عدم انتظام لدورة لشعرانية تساقط شعر سمنة حب شباب بالوجة ولجسم) وكمان بحب انصح بعشبة ممتازة ساعدتني بكتير اوقات انو ما اخد لدوا وقت كنت بنت ( ميرمية وبرقدوش) كتير مناح للرحم ولمبابيض ولميرمية بتنشط لمبايض بشكل طبيعي أن شاء الله كون فدتكم من تجربتي ولاتنسوني من صالح دعائكم الله يقومني بسلامة وشوف الطفل بصحة وعافية بس عندي سؤال؟ يلي عانة من هي لمشكلة وجاب اطفال بعد لانجاب نحلت وتنطمت لهرمونات او لا متل ماهي وضلو تاخدو علاج؟ كيف تمنعو لحمل؟ وكيف تنظموها؟