السلام عليكم ورحمة الله.. قرأت ف أحد المنتديات موضوع جميل ومفيد جدااا .. طبعا ميعاد وكيفية الولاده كله بأمر الله وماعلينا الا الدعاء بالاصلح لينا ولاطفالنا... بس احدى العضوات كتبت عن خطة الولاده وتقول ان فيه استمارة المفروض المستسفيات تديها للام الحامل بتسجل فيها رغباتها تحت اى ظرف يعنى .. لو اراد الله لينا الولاده الطبيعيه لازم نسأل عن انواع البنج الموضعى والكلى وحقنة الضهر (وانا ضدها ) ولو بكريه زى حالاتى هل الدكتورة تستعجل ف عملية شق منطقة العجان واله تصبر شويه علينا.. القيصري طبعا اما لظروف خارجيه او استسهال للحامل اللى تخاف او استسهال للطبيب لاغراض ماليه .. انا طبعا اخاااااف من ان يتعمل الفتح من تحت (اكرمكم الله ) اشوفه عذاااب عن القيصري .. ناس كتير حوليا منهم اختى الله يحفظها واولادها كلهم ولادات قيصريه والجرح عندها رغم عذابه بس مش ف عذاب الطبيعى .. بالنسبه للى نفسهم ف الطبيعى زيي من غير لا فتح ولا غيره فقرأت كتيييير عن طرق استعداد تبدأ من التاسع لتسهيل الولاده ولتجنب الفتح ومنها طرق تنفس وطرق التحكم ف مراكز الالم ف الجسم وبإذن الرحمن لو فيه اخوات فى نفس فترة حملى ونفسهم ف الطبيعى ياريت نشجع بعض وننزل مواضيع تكون عون لينا فى اجمل فتره ف حياتنا فى انتظار قرة اعيننا .. واهم شيئ ذكر الله وكثرة الاستغفار وقرآءة القرآن .. والله انى حملى دا وهوه الاول جه بكثرة الاستغفار وقراءة القرآن .. وربي يتمم لكل حامل على خير