#الحامل - مو مستنية حدا يعلًق على وزنها - مزاجها متقلًب، غصب عنها. -ملت من جملة " الحقي ناميلك شوي " لانها اصلا مو عرفانة تنام هلق من الحموضة و التقل و التعب والوجع.. - ماحدا يستهتر بتعبها...لو الحمل سهل ماكان ربنا عز و جل قال " #وهناً_على_وهن ".. و " #حملته_كرهاً_ووضعته_كرهاً ".... - هي بتعرف انو مناخيرها منفوش و مفنشرة ووجها مخربط.. - بتعرف ان وشها و جسمها منفًخ - الحامل خصوصاً لأول مرة بتفرح بكل لحظة بطنها بتكبر فيها و لو نتوفة...تركوها تعيش الفرحة هي من غير مسخره من اللي حواليها.. - هي بتعرف ان مقاس رجلها نطً 3 نمر...شكراً على الاضافة... - بتزعل لو حدا لقاها بتاكل و علًق على اكلها او كميته.. - جملة " يي شوهاد بتصدقي ماعرفتك و انتي حامل " بفور دمها !! هي ماتحولت لديناصور مشان ماتعرفيها يا ظريفة!!! - بتكون حساسة بزيادة..هاد شغل هرمونات مو ذنبها. - فرحانة بالبيبي متل ما حضرتك كنتي مستنية طفلك بلهفة فا ماتكسري فرحتها بإن اللي جاي سواد و سهر و مرمطة!! - عم تستنى كلام ايجابي مو كلام يرعبها. - " انت شوية و بصير وزنك مية كيلو ....انت ناقص تاكلينا...." كل هاد قلة ذوق مو مزح... - "وشك اصفر ليش هيك و ملامح وشك متغيره ووشك مغمق كمان قمة قلة الذوق...اتطمني عليها من غير ما ترعبيها. - الولادة بالنسبة الها ررعب ، ياريت تهديها و تطمنيها. مو كل كلامك معها عن كوارث الولادات و مصايب بتشيب.. - في المرحلة هي اختيار " اسم البيبي" اهم شغله بحياتها يا تشاركيها بحب يا تسكتي.... الموضوع مو هبل وجدبنة متل ما بتقوليلها هي غريزة أمومة... - ماحدا الو حق يحاسب الحامل اذا رح تولد طبيعي ولا قيصري و يعطيها محاضرة تسم بدنها...هاد قرار دكتور و قرارها.. - الحامل مو مستنية حدا يقلها رح تنحفي كل هاد كيف بعد الولادة..كل حمل و الو ظروفه.. - الحامل بتكون مكتئبه و تعبانة و كل ساعة بحال..قدّري هاد و بطلي تحسسيها انها مقصرة طول الوقت معك، انت بحملك ماحدا كان بيشوفك.. - لو أم و اب مقتنعين بإسم اختاروه ياريت ما تكرهيهم في الاسم...هاد ابنهم هنن مو ابنك...باركي من تم ساكت طالما ماحدا طلب رأيك. _الاهـم هي مو فارق معها صبي او بنت فما في داعي لدعوتك اللطيفة يارب يكون صبي✋🏻 وإذا طلعت بنت مافي داعي تطمئنها إنّو ممكن يتغير يمكن فعلا هي بدها بنت ما ع بالها تجيب ولي العهد🤐 - بلااااااااااهاااا للمرة المليون جملة " انت لسه ما شفتي شي "... الاطفال نعمة و رزق و مهما تعبنا معهم بضلو زينة الحياة الدنيا.. - و اخيراً القاعدة الذهبية " عندك كلمة حلوة كتر خيرك...ما عندك لسانك مكانه جوه تمك و متشكرين جدااااااااا"....