واحد قام بجريمة قتل مع سبق الآصرار والترصد فسلم نفسه للشرطة وآعترف بكلشي ؟ صعدوه محكمة وسأله القاضي : آبني ليش كتلت الرجال ؟؟ القاتل گله : سيدي صلِ على محمد . القاضي : اللهم صلِ على محمد وال محمد وكل اللي گاعدين بالمحكمه هم صلوا وراه.. رجع سأله القاضي : إي بابا ليش كتلته ؟؟ القاتل : سيدي صلِ على محمد .. القاضي شيسوي هم صلى على محمد ووراه كل الگاعدين بالمحكمة . رجع القاضي گال :هسه إبني جاوبني لتعطلني.. ليش كتلته ؟؟ القاتل هالمره صفن صفنه طويلة وجر حسرة وگال : سيدي دصلِ على محمد.. القاضي زهگ وطلعت روحه ماسيطر على أعصابه ونزل من المنصة وگاله :ولك تگولي ليش كتلته لا انعل ابو الجابك عليه ؟ آبتسم القاتل وگال : شوف سيدي كتلك صلِ على محمد 3 مرات ضجت وطلعت روحك وآني صارلي 10سنوات أطلبه فلوس كلما أروح أداعيه يگولي صلِ على محمد ... شسوي كتلته ؟ 😁😁 صلوا على محمد 😁😁