السلام عليكم البنات
والله يكمل على كلشي وان شاء الله تشوفوا وليداتكم بين يديكم
انا كنت مشاركة فهاد المجموعة وولدت وليد فشهر فبراير ولكن مات ليا فالكرش على تسعة اشهر شحال صعيبة ولكن لله ما اعطى ولله مااخد
ودابا كرمني الله بهاد الحمل انا فالشهر الثالت 9 اسابيع بعد الحيض
البارح تشهيت الرفيسة حيت اختي صيفطات ليا التصوية دارتها شهااااااتني
ودرتها ولكن بالحلبة:
درت معلقة كبيرة حلية
وراس الحانوت درت راس معلقة صغيرة
قولولي واش كحلتها على راسي
من البارح متننعسش
حيت الحاجة مني تتجي من عند الله مرحبا بيها ولكن مني تنديروها بيدينا خاصنا نتحملو العواقب
العضوة: 166301 , 8 years ago
@user-186025 واختي مالك على حالتك .آش بغيتي بشي رفيسة.ولا مساخن.الله يجيب ليك لفيها لخير. نتمتالك الخير.العضوة: 200608 , 8 years ago
شنو سبب باش مات لك اختي خوفتيتيالعضوة: 186025 , 8 years ago
تعميت مني سيفطات حتي ديك التصويرة وانا فمي تياكلني والام ديالي تتقول لخواتاتي ميسيفطو ليا والوا ومع دالك الليارت شي طبلة توريها وحتى كليت وساليت ومشيت كملت المرقة اللي بقات فالبرمة عاد بديت كنفيق من هادي نعذر هادوك اللي تياكلوا الفاخر رآه العقل مكيكونش فبلاصتوالعضوة: 186025 , 8 years ago
مشاكل فالمشيمة من الاول متكوناتش مزيان وكانت صغيرة وهدوك الأوردة اللي كانو تيعطيو لولدي الماكة فالاصل كيكونوا جوج انا كان غير واحد ولكن هادي ماشي حالة نادرة حيت بزاف وليدات تزادوة بنفس الضروف ومزيانين ولكن انا مكتابش الحمد لله نلقاوه فالجنةالعضوة: 202174 , 8 years ago
حتى انا كليتها عادي مصرا والو وكناكل عند عمتي كطيب براس الحانوت متوسوسيش راسكالعضوة: 153486 , 8 years ago
@user-186025 اختي انا وقع لي بحالك فشهر 4 دابا شهرين و 10 أيام باش ولدت وكناخد كينة خفت من الحمل داباالعضوة: 153486 , 8 years ago
@user-186025 شحال جلستي عاد حملتي.واشنو قالت لك طبيبة من بعد ولادةالعضوة: 204000 , 8 years ago
عادي مايطرا واالو شحاال من حاجة تايكولك خايبة للحاملة كليناها و ماطرا والوالعضوة: 204007 , 8 years ago
@user-186025 سلام ختي متخافي والو ان شاء الله خير دبا كليتيها ولي عطا الله عطاه الله اجعلها صحة ونفع عليك وعلى لبيبي وحاولي تبعدي مرة خرى على لمساخن والحلبة راه تتسبب اجهاض لاقدر اللهالعضوة: 186025 , 8 years ago
انا اصلا مكنتش على الحمل بهاد السرعة حيت الحمل الاول عامين عاد باش كتاب وعمري فحياتي خديت الكينة ودوزت قالو ليا معندي والوا من بعد النفاس جاتني الحيض الاولى ومن بعد الحيض التانية اصلا فهاد الفترة مكانتش محاولات للحمل ابدا نفسيتنا مكانتش مزيانة من بعد الحيض التانية قلنا نبداو نجربوا ربمى ياخد وقت بزاف ولكن سبحان الله الخلق كيعلم بيه غير هو من اول مرة غير توكلي على اللي ربي كيدير اللي فيها الخير وبعدي على الكينة هدوك الهرمونات ممزيانينش للصحةالعضوة: 186025 , 8 years ago
غادي نحاول منفكرش بزاف واخا من البارح وانا تنقلب فالانترنت الى بقى بالي مشغول نمشي ندير ecographie والله المستعانالعضوة: 178124 , 8 years ago
ماتخافي والو والله كليت فيها حتى عيت راه لي ولد دنيا ولد دنياالعضوة: 161629 , 8 years ago
Salam lebenat kidayerat labas 3elikom 😙العضوة: 182560 , 8 years ago
اختي مدام كليتيها ومحسيتي والو ومجاكش لا وجع لا والو فا ان شاء الله خير و ربي لطف والله يرزقك ويرزقنا جميع الذرية الصالحةالعضوة: 182560 , 8 years ago
@user-161629 Salam khti