للضحك😂😂 😂😂😂😂😂😂 من يومين بعتت ولادي ع مدارسهم دوامهم الضهر 😊 مبسوطة وهيك😀 مشتهية اشرب فنجان قهوة على رواق من غير ما يتمرجحوا عليه ولادي 😀 لسا من أول شفة قهوة !!! دق جوزي وقلي : باعتلك شوية فواكه وقالب كاتو ومكسرات .. مع الولد . انتي زبطي الوضع جايبلك مفاجئة رح تصدمك صدمة ثلاثية الأبعاد 😅 بس سكر الخط قلت يالله اليوم شو ؟؟ 🤔 مو عيد ميلادي .ولاحتى عيد ميلادو ..ومو عيد زواجنا .. ولا عيد الحب .. لكن شو في ؟؟ فتحت الفيس الكل محتفل بيوم المرآة العالمي 🤗 قلت هااااااد هوي 👍 شكلو جوزي كتير حابب يهتم بهاد اليوم العظيم للمرأة . ويحتفل 😌 وانا كمان رح جهز كلشي طلبه .. وزيّن حالي والبيت😍 عملت أحلى سفرة .. واحلى ضيافة .. وحطيت وردة حمرة على شعري .. أندق الباب وعلى فوتته فورا"جهزت اغنية ((طلوا حبابنا طلوا نسّم يا هوى بلادي )) فات بابتسامة عريضة تملأ وجهه 😀 قلي : ليكا المفاجأة تيررراااارااااام😀 تفضلي أمي نورتي ونوّر البيت 😀 حماتي😱 ويلااااه ويلي😱 ابتسمت ابتسامة مبطّنة😅 وقلتلا: هلا تنطح هلا لتعبي الفلا .. تفضلي الله يسعدك إلهي (( صح انصدمت وكنت متوقعة غير هالمفاجأة بس يله😅 أهلا وسهلا فيها .بكفي أنها جابت جوزي😍)) قالتلي :كيفك يا كنتي ؟؟ لك ليش هيك نحفانة وصايرة متل الختايرة !!! وعيونك غايرة !!! ورموشك طايرة !!! وشو هاد يلي حاطتيه على راسك بعد الكبرة وردة حمرة😏😂😂 ياسلام كل هاد مزبطينو كرمالي 😎 وفاتت فوتتها بقالب الكاتو بثواني عملتلو مسح ضوئي 😑 وكل هاد ومو عاجبها شي لا طبخ ولانفخ ..مع انو دللتها 😔 .. الها 4 أشهر مو زايرتنا .. بس خلصنا غدا .. عملت شاي واجيت اقعد معها .. قلا جوزي: والله نورتي يامو .. شبك بارمة بوز وكأنو ما عاجبك شي.. أمانة يامو .. ولادي زعلوكي شي ؟؟؟ + لا يامو مافي شي زاعجني إلا شغلة وحدة .. بس هلق الأرض مسكونة (( وزمّت تمها )) 😏 (( انا فهمتا لحالي وانسحبت تكتيكيا" ع المطبخ وعملت حجة جلي الجليات )) وحطيت أدني ع الحيط لحتى اسمع كلشي 👀👂 قالتلو حماتي : لك ليش هيك صايرة مرتك معصمصة وكتير نحيفة بتشبه عصاية السيلفي😂 لك بزمتي ما تاخدا لعند اللحمام وتجرمها ما بيطلع منها وقية لحمة😂 ياربي دخيلك وهية لابسة بنطلون البيجامة وعم تمشي طالعة بتشبه ملقط_الحواجب😂😂 لك تضرب على هالتنقاية لو رديت عليي وتزوجت بنت خالتك زهور .. مو احسن من هالهيكل العظمي المتحرك يلي عندك 💀 بدي زوجك غيرها وعلى كيفي هالمرة وهاه هي قعدة😒 ............... رد جوزي وقلا : بس والله أم رضوان طيبة .. وحبابة .. ونضايفية .. ومدللتني وبتحبني .. والله من التعب والركض فينا عم تنحف وانا بحبها مارح اتزوج عليها وزعلها 😔 ردت حماتي وقالتلو : لكن تزاعل أمك يا طرطور كرمال مرتك .. الشرع محللك 4 .. وحطت أربع أصابع على وجهه😑 ودخيلك تزوج واذا ما عجبها تتطلق 😏 برادبيت طلق أنجلينا جولي وما إسف عليها .. بالآخر مرجوعها لجوزها .. المرة الحردانة بتروح قملة وبترجع صيبانة .. شو قلت لك يامووو ؟؟ والله حلوة المرة تكون عجعوجة وكربوجة وفروجة .. مطجطجة ومبجبجةواللحم عم يرجرج فيها رجرجة 😂 متل كيم كردشيان شي من ورى وشي من قدام 😂 زهور بنت خالتك هيك بقى شو قلت يامووو .. بغضب عليك اذا زعلتني 😡 جوزي صفن وهز براسو وقال حسبي الله ونعم الوكيل .. (( انا بس سمعت انهبلت الله لا يوفقك يا حماتي رح تخربيلي حياتي .. لك يخرب بيتا رجل بالدنيا ورجل بالقبر .. وعزرائيل كل فترة بيعلكها علكتين وبيبزقها 😭 والزلم بينلعب بعقلهم فورا" ومالهم أمان اذا مرقت قدامهم سحلية باخّة عطر بيلحقوها😭 بس خلصوا حكي فتت ع الصالون والدمعة كاتمتها بقلبي .. ورحت عالغرفة زعلانة .. قالتلو : شايفها كيف كاتّة خلقتها على أمك 😠 روح تجوز عليها ... نط ابني رضوان الله يرضى عليه .. وقال تيتة حاج تحكي على ماما .. لسا من وقت ما اجيتي مبلشة شلي عليها .. حرام عليكي .. والله بتحبك ... ليش عم تحكي عليها هيك .. شلفتو بالشحاطة قالتلو روح ولك يلعن تربايتك ..لمين رح تطلع غير لأمك😖 لحقني رضوان عالغرفة وقلي لا تبكي يا أمي تركي ستي عليي وانا بلاقيلا حل 😏💪 قلتلو : لا يا أمي هي ستك ..ولازم تحترمها.. .......................... فات جوزي عالغرفة وقلي شبك عم تبكي ؟؟ _سمعت كل يلي حكتو أمك .. وسمعت كيف قالتلك رح أغضب عليك اذا ما تزوجت علي 😭 ÷ قلي ومين قلك رح رد عليها واتزوج عليها _ بس انا نحيفة وبشعة وكخّة ونيعّة على قولة أمك 😔 ÷ بس بعيوني أجمل نساء الأرض تعي احكيلك شغلة _ تفضل سامعتك ÷ سألوا قيس ابن الملوح عن سبب حبه ل ليلى وهي ليست جميلة ؟؟ !!!! جاوبهم وقال : ومن منكم رأى ليلى بعين قيس 😍 انا شايفك أجمل نساء الكون .. ضحك و لعب بشعراتي وشد أنفي وقلي أومي طلعي معي قبل ما تزعل .. مرة كبيرة وهي امي تحمليها كرمالي 😅 وانا كالعادة متل الحوبة فورا" بينضحك عليي بكلمتين وبرضى 😍😅 طلعت وسهرت معها وقت اجينا بدنا ننام ... أصرت تنام بالصالون لانو ابني رضوان الله يصلحه مفهمها انو الغرفة تبعو مسكونه وفيها جن وعفاريت 👻💀 .............................. فقت الصبح وفتحت باب غرفتي مالقيت غير حماتي عم تقول : أويهااااا يا صباح الورد والريحان أويهااااا يا احلى كنة أم رضوان أويهااااا يؤبرني هالجسم يلي متل المالكان وهالخدود واللغاليغ كمان .. وللليييييييشششششسسس تعي تؤبريني تعي عدي مشئيتي يا احلى كنة يلي ريحتها من ريحة الجنة 😍 (( فركت عيوني فكرت حالي عم احلم .. العمش شو صاير مع حماتي وشو يلي قلبها 180 درجة . مبارح كانت ريحتي عندا متل الصنّة كيف اليوم صارت ريحتي من الجنة 😂😂😂 لك شو صاير 😂😂 مو اتاري ابني رضوان الله يصلحو كل الليل لابس شرشف التخت الأبيض وحاطط لزقين سود عند عيونه..وعم يحوم حولين ستو على اساس هدول اخوات الجن تبعوتي وعم يهددوها ...و اذا عاد تجيب سيرة الجوازة التانية رح يجننوها.ويتلبسوها😂😂😂 #الله_عليك_يارضوان😂 #اذا_جوزك_معك_بتحركي_العالم_بأصبعك #عزيزتي_الحماية_الله_يرضى_عليكي_ابنك_اذا_هوي_اختار_زوجته_اعتقيه #هية_من_ضلعه_لاتكرهيه_فيها #نصيبه_الله_يلي_بيعطيه_موانتي_يلي_بتقرريه #كنتك_متل_بنتك تفاعل ب 10 ملصقات