رجع من الشغل مبسوط ورايق غير العادة ابو الزين بالعادة بيجي مكشر وفاتح معلاقو عالخناق وما همو غير كرشو وفوق عيبو ريحة جراباتو طالعة 👞 قلتلو شو يارجال اليوم غيرشكل و رايق 😁 قلي لك سكتي اخدت اجازة يومين عطلة غير جو .. شو رأيك بما انو في هدنة نطلع سيران يا مرة 😃 انا طار عقلي من الفرحة من اول الاحداث ما شميت ريحة هوا نضيف وماعاد طلعت برا البيت 😃😍 قلتلو اي والله يا ابن عمي زين ما عملت والله انتا ع طول بشغلك ومابترجع لنصاص الليالي وع طول الكهربا مقطوعة😪 لك نسينا ملامح بعض من العتمة ... لك عفن قلبي من السهرة على ضو اللدة وعلى ضو الشمعات 😩😩 بدي شوفك ع ضو الشمس بين الشجر والخضار والعصافير 🐦🐤🌳🌲🍀🌴 😍 _وين بدنا نعمل السيران ؟؟؟ بالكفرون او بمشتى الحلو ؟؟؟ قلي لك طولي بالك ياحرمة هلق بحياة يلي خلقك عما تحكي جد !! شو ناوية تروحيني و يسحبوني احتياط 😡 لك جدبة السيران هون بالبستان يلي مقابيلنا 😠 _طيب طيب امرك يارجال انت بس خليك رايق ياعمري😙😘 (( والله جهزت هالكلابية الفوشي يلي جبتا ع جهازي المشكشكة خرز والماس قلت يله خليني وج وج عالشمسات ويطير عقلو فيني ابن عمي👠👘 وتمكيجت وتغاويت وتشكشكت وعبيت هالخدود ئصب من هون .. ولمعة من هون 💫💫ولبست القمطة اللميع والحلقات الليرات💄👑 صرت عما اشرق وابرق 😎 بس شافني ابن عمي طار عقلو اطلع فيني وقلي لك وين كان مخبى كل هاااااااد ام الزين بزمتي طالعة نانسي عجرم 😍😍 انا هون نفشت ريشاتي وشنكتون وبينت السن اللولو المخبا 😁 وقلت للولاد يلا ماما عالسريع روح لبسو تيابكن وجهزو حالكن للسيران والله اخد جوزي هالفحمات والمنقل وزين حمل هالدربكة وانا حطيت سياخ الشوي تحت باطي و ركبت بالهونداية من قدام وتصدرت ورفعت مناخيري لفوق مشان جيراني ام مستو وام عبدو يطقوا قهر 😛😛 وصلنا عالبستان وفردنا العدة وانا شمرت الكلابية لفوق الركبة وشمرت للكوع وبلشت بشوي اللحمة 🍖🍖🍖🍗 وبلشت اغني لنانسي عجرم ( مافيش حاجة تجي كدة اهدى حبيبي كدة ) وفايتة بمود نانسي وخوووود على دلع 💃💃💃 وعيون جوزية يقبر قلبي ما شالا عني 😍😍 قربت منو وقعدنا نترومس والله جاية عبالي يسمعني كم كلمة حلوة ...بس هوي طول الوقت صافن فيني _قلتلو : شبك يا قلبي كتيييير عما تتصفن فيني وبوجهي💋 _قام قلي: عما اتصفن فيكي لانو اول مرة بنتبه _اي شوووو انتبهت يا روحي ؟؟؟ ( اكيد انتبه عالقصبات ولمعة عيوني عالشمس او على خصري يلي قالب نسرين طافش😍 ) _يلا احكي حبيبي نطفتلي قلبي 😍😍 _ قرب عليي وقلي : اي اول مرة بنتبه انو بالشمس طالعلك تجاعيد وشعر شايب ولك مرتي 😂😂 ( تجاعيد وشعر شايب ) 😭😭😭 جوزي ابو الزين مو بس قصف الجبهة خرق الهدنة كمان 😭😭😭 لعن ام اللحظة الرومنسية ومن لما رجعنا سلمتو على اقرب حاجز وسحبوه احتياط وهلق عما يخدم خط اول ع حدود الرقة 😂😂😂😂😂😂😂😂 كون مع المرة صريح بكلشي الا جمالا لا حدا يقرب منو 😉😉