العضوة: 88423 , 9 years ago

😔😔 ذكرتيني بحالتي بدي احكيلك لحتى اخفف عنك، انا بحملي هاد (بنوتة) شفت الموت بعيوني قيء لدرجة الموت، ودخلت مستشفى وزني نقص كثير وصرت مثل المقعدة على كرسي متحرك، زوجي وامي يحملوني للحمام وانتي بكرامة اخ اخ بس اتذكر بدمعوا عيوني، والحمدلله بنص الشهر الخامس اختفى الغثيان والقيء نهائي ، وحاليا بالشهر السابع تعب وارهاق وضيق تنفس والحمدلله عكل شي والله يفرحني بشوفة بنتي بالسلامة ويتمملك عخير

العضوة: 96204 , 9 years ago

em kuku الله يقومك بالسلامة انت والبنوتة ويبشرك بالخير والله جاييني احساس اني مارح يخف هالوحام كمان انا ناقص وزني 8 كيلو وتعبانة كتير نفسيتي عدم ،الله يكتبلنا الاجر..

العضوة: 88799 , 9 years ago

بقى اسبوعين ويخف الالم والقي الله يثبته وتفرحين بشوفته

العضوة: 96204 , 9 years ago

Maram الله يسمع منك وينولك اللي بنفسك

العضوة: 96075 , 9 years ago

@user-96204 انا كمان اختي وانا بلأسبوع 12 وعم عاني من الوحام الله يسهلنه جميعآ انا بحملي الاول بنوته بس كان لوحام مو كتير قوي بس هذا حملي تعبني ولااقدر اشتغل شغل البيت

العضوة: 88423 , 9 years ago

@user-96204 لا صدقيني بكرا بتشوفي سبحان الله فجأة بيوقف الوحام واحمدي ربك ليل نهار وضلي اتذكري انه في نسوان ربنا حارمهن الخلفة والاطفال ايا اهون؟ تتعذبي شوي بالوحام او لا سمح الله تنحرمي من هالنعمة؟ زوجي هيك كان يضل يواسيني 😂😂 وانا حاسة فيكي والله انا ضليت تلات شهور متواصل عايشة عالمحلول والفيتامينات والابر كنت حقل تجارب بالمستشفى وما نفع شي بكرا كلو بينتهي وبتقومي بالسلامة باذن الله

العضوة: 96204 , 9 years ago

شكرا بنوتات الله يقومكون بالسلامة ومزبوط كلامك طبعا الحمد لله دائما وابدا خاصة اني قبل هلا مأجهضة مرتين الله لا يدوقا لحدا

العضوة: 88423 , 9 years ago

@user-96204 حبيبتي الله يثبت حملك ويتمملك عخير وتقومي بالسلامة يااااا رب وطالما انك عم تشكي من وحام مستعصي معناها هالمرة حملك ثابت وقوي هيك حكالي بروفسور جابولي ياه لما كنت عم بموت بالوحام 😂🤣 حكالي انه الوحام القوي يعني حمل ثابت وقوي الله يهونها عليكي يا رب

العضوة: 96204 , 9 years ago

صحيح كلامه البروفيسور لانه للاسف المرة الماضية كان نفس الشي الوحام والحمل كان جدا ثابت بس المشكلة انه كان حمل عنقودي جزئي واضطريت اعمل كورتاج بالاسبوع 18 لهيك بضل قلقانة من انه يتكرر هالشي، الله يعافينا ولا يبتلينا يااا رب

العضوة: 78800 , 9 years ago

الموز و الخيار والاهم اللبنان الحجر ممتازين خففوا علي وحامي مره

العضوة: 88423 , 9 years ago

@user-96204 لا خلص ان شاء الله باذن الله هالمرة كلو تمام وبتجيبي البيبي بالسلامة حبيبتي شيلي من بالك هالافكار وانبسطي انك حامل والحمدلله عكل شي الله يقويني انا وانتي ويتمملنا عخير 😉

العضوة: 86703 , 9 years ago

انا بدا يخف وقلت الحمدلله والحين رجع اقوى انا في بدايه الاسبوع ال١٤ ووحمي مرره صعب ما اقدر اكل ولا اشرب وغثيان نهار وليل وروايح ما استحمل والقي ورا بعض واجلس على الجوع ما اقدر اكل زوجي يقولي انا طفشان خلاص من حالتك نفسيتي تتأزم اكثر واكثر هو مو صابر على حالتي ولا كأنه اللي في بطني ابنه مدري بنته وبيفرح فيه لو طلع الحمدلله على كل حال يارب ارزقنا الصبر والعافيه يارب

العضوة: 96204 , 9 years ago

@user-86703 حبيبتي الله يهون علي وعليك وعكل ذات حمل يا رب وان كان عزوجك الله يكون بعونكون الوضع صعب عليك وعليه والله انا حاسة اني كتير ظالمة زوجي بس ما باليد حيلة احسن شي اذا امك او اختك قراب عليكي روحي زوري عندهم بتريحوا شوي