هذه تجربة غريبة لحامل مع الاختبارت المنزلية للحمل 😅🤔 (القصة مع فتاة من المنتديات) السلام عليكن جميعا راح ابدأ لكم القصة من البداية انا ساكنة في قرية والمستشفى الحكومي الوحيد فيها ما يقولون فيه على نوع الجنين وماصار فرصة انزل للمدينة القريبة مننا نزلت في بداية حملي الى اول الشهر الثالث وبديت اطلع لمعرفة جنس الجنين بعد دخولي الشهر الخامس ومن هنا بدأت رحلة البحث في المنتديات عن الطرق المنزلية المجربة في تحديد جنس الجنين بس في البدايه بقولكم شي ....قبل لا احمل كنت اخذ حبوب حمض الفوليك تقريبا شهر وكان عندي التهابات وكنت اتعالج بتحاميل البوثيل ومن المنتدى والتجمعات اللي فيه عرفت ان اللي تاخذ حمض الفوليك وتحمل تجيب ولد واللي تتعالج بتحاميل البوثيل وتحمل فى الاغلب تجيب بنت وزادت حيرتي 😓 وبديت افر بها المنتدى وغيره ادور على طريقة ومثل ماانتم عارفين الطرق كثيرة اولا /تجربة الملح واللي ماتعرفها هي انك تجيبين كوب وتضعين فيه ملح وتتبولين عليه اذا فار قالوا يكون الجنين ولد واذا طلع منه مثل القطن الجنين بنت وماراح تصدقون طبعا انا جربتها كثير والنتيجة مرة فار ومره ثانيه وثالثة ورابعه طلع زي القطن يطير وفي مرة لا فار ولا طلع قطن ؟؟؟؟ بس طلع مثل السحابه بنص الكوب 😂 ثانيا / تجربة الخاتم وهذي اخذتها من اليوتيوب وهي انك تجيبينن خاتم وتحطينه بسلسله وتخلينها باتجاه البطن اذا اتحركت على قدام يعني من الشمال الى الجنوب يكون الجنين ولد واذا صارت تتحرك بشكل دائرى معناته الجنين بنت وفعلا سويتها وكذا مرررره مع اني في البدايه قلت وش ذا الخرابيط ودفعني الفضول لتجربتها وطلع لي في مرات الحركة من الشمال للجنوب ومرررررات كثير من الشرق للغرب اتمنى انكم فهمتوني وبصراحة كنت اخاف من هالطريقة لا ني اكون مثبته يدى والسلسله تتحرك وتكون بطيئة وبعدين تزيد السرعة بس لما قريت قالوا انها تعتمد على جاذبية الجنين ثالثا/ الشعر ونموه في المنتدى قالو ا اذا زاد نمو شعرك (شعر الجسم )فالجنين ذكر واذا قل معنانته الجنين انثي وانا كنت قبل الحمل اشيل شعر جسمي كل 3 اسابيع وبعد الحمل اشيل كل 5 اسابيع يعني شعر جسمي قل وصار خفيف رابعا / حركة الجنين قريت كثير عن حركة الجنين المهم انا جنيني كان يتحرك اكثر شي جهة اليسار والاغلب كان يقول اليسار بنت خامسا / شكل البطن كان بطني فوق ومن قراتي البطن اللي فوق بنت هذى كل تجاربي اللي سويتها لتحديد جنس الجنين واكيد انكم احترتوا مثلي ولا عرفت بايش حامل بس كان عندي احساس كبير ان حامل في بنت لان حملي قريب جدا من حملي في بنتي الله يحفظها وخصوصا ان حملى كان فوق بالضلوع المهم طبعا اتاكدت بعد الولادة على جنس الجنين وانا الحمدالله ولدت من شهر تقريبا وش تتوقعون جبت ؟؟؟؟؟ 🤔 🤔 م م م 🤔 🤔 🤔 🤔 جبت ولد الله يحفظة ويصلحة 👶🏻🤩😅😅😅😅😅