السلام عليكم ورحمة الله وبركاته ...
خواتي انا في كلام في خاطري من بديت الحمل وودي افجره .. وماادري كيف تحملت .. وياما ايام نمت ومخدتي غرقتها دموعي بسبب قصص ولاداتكم ..
لاني خلاص مليت من مبالغات الحريم .. اسمحوا لي بس مبالغااات ..
كلنا سمعنا عن آلالام الولادة .. وعن قوتها وشدتها واسأله الله ان يجعلها في ميزان حسناتنا ..
لكن كلما قريت قصة غصب عني اقول حسبي الله ونعم الوكيل على كاتبة القصة .. مو الكل طبعا ..
لأن البعض تحسب حساب البكريات ..
لكن حرام والله الرعب اللي تسونه فيها ...
يعني من امثال الرعب اللي نسمعه احنا البكرياات ..
كثرة استخدام كلمة (عذااااب ) واتوقع لو الوحدة فينا لو تأخرت في الحمل كم سنة تمنت الموت بس تشوف الضنا مو بس العذاااب ...
والقهر ما يصير سنتين إلا الوحدة تبغي تحمل مرة ثانية ... ونست العذاب ..
الشيء الثاني الوصف الدقيق ... لكل شيء تسويه الدكتورة من كشف .. ومن فحص كم سانتي مفتوح الرحم ..
احس تحسسنا كانه تلفزيون ونشوفه .. واكيد طبعا وصف الالم الشديد مع الفحص .. والعذاب طبعا
ولكن مع احترامي الفحص يعتمد على كذا شيء واحد .. كثرة الشد .. وكثرة الخوف ..
وكلنا نعرف ان حتى الجماع الطبيعي واللي هو متعة مع الشد يصير الم و (عذااااااااب ) طبعا هالكلمة يحبونها الحريم لازم احطها كل شوي ..
واللي تقول المستشفى مثل سجن اوبو غريب ... واللي تقول حسبي الله على الدكتورة .. وتدعي على الدكتورة والممرضة والقابلة و و وو
والشيء الثالث ..
اللي استخدموا الشفط لخروج الطفل .. الله يسهل على كل المسلمات ..
تقول وحدة منهم .. شفطوا الجنين وشفطوا مخي معاااااااه ؟؟ بالله هذا وصف ؟؟؟ ولا هذا ارهاب لكل قارئة ؟؟
والرابع اللي تقول صراخي ملأ المستشفى ؟؟؟ او كل الناس سمعوا صراخي ؟؟ او تقول طحت من على السرير من كثر الصراااااااااااخ ... الله اكبر كل هذا مبالغة ؟؟؟ المعروف والكل يدري وقت الالم والدفع ما تقدرين تصارخين .. بالعكس صكي حلقك وان شاء الله ما عليج شر ...
والخامس
اللي تحط لنا صور الجنين ميت .,. الله يعوض على كل مسلم يارب فيما فقد ..
راعوا نفسية كل وحدة حامل ؟؟ والله كلما قريت عن جنين توفى والله احط ايدي على بطني واخاف على جنيني ..واهوجس في نومي ...
واللي تقول فلانة ماتت في الولادة .. وفلانة ماتت وهو في النفاس ..
الموت حق .. والله كاتبه علينا كلنا .. لكن دخيل والديكم احنا داخلين ناخذ معلومات وبكريات مو متخيلين اي شيء .. دخيلكم كفاااية تخويف ..
والطامة الكبرى اللي تقول ؟؟ انتي رايحه للموت لا تحطين روج ولا تحطين كحل وانتي تولدين ..
او تقول داخلة للموت وممكن تموتي وانتي حاطة رووج .. واحمرو اخضر وازرق .. او لابسة عباه مزركشة
الله اعلم بالضروف .. محد يدري شو المناسبة اللي كانت عندها ولا شو خلاها تلبس هذا ؟؟
وكل شوي تقول انا ناصحه لكم لن الوحدة في الولادة داخله للموت ..
احب اذكركم .. لو كل وحدة سألت امها او جدتها عن العذاااااااااااب كانوا وصفوه بكل سهولة ..
وكل وحدة جابت سبعة وعشرة .. ما غير تقول الحمد لله ..
واللي تقول ما كان في كشف وشفط وقيصرية قبل ..
أقول .. والكلام من جدتي الله يرحمها كانت داية ... بس لألأسف ما لحقت على كل معلوماتها ..
أيامهم كانت الولادة تتعسر أيااام .. مو بس يوم واحد .. وتوصل للست أيام او اربع ايااام ..
ثانية كانت القابلة تدخل ايدها وبكل هدوء تقيس وتساعد في التوسع ..
ثالثا كانت الوحدة لما تولد والطفل يكون مقعدي .. كانت الداية تدخل ايدها وترتب وضع وطريقة خروجه وينولد بالسلامة ..
ورابعا .. لما كان الطفل ميت في الرحم لها طريقتها في اخراج الطفل الميت ..
شو اقول وشو اخلي ؟؟؟؟؟
كل الرعب اللي كتبته فوق . ؟؟؟
هذا مختصر قصص ولاداتكم ..
مع احترامي لكم وللعذاااااااااب الشديد اللي شفتوا .. سألت كثير من اللي ولدوا .. وقالوا لي مبالغااات حريم ..
واكيد في ولادات متعسرة بس لا تزيدين تعسر على غيرك بالوصف وسوء النفسية .. ومب كل شيء صار لك راح يصيرلغيرك ..
وغصب عنا احنا البكريات نقرأ المواضيع هذا .. على قولتكم علشان نستفيد ..
وأشكر كل وحدة راعت البكريات في كتابتها ..
الله يسهل علي وعلى كل حامل ..
العضوة: 14789 , 9 years ago
والله صحححح👌🏽👌🏽👌🏽 طلعتي كل اللي بقلبيالعضوة: 18776 , 9 years ago
طيب لاتقري يختي وانتهينا شفتي قصه مااعجبتك لا تكمليها والوحده مابتجي تكتب الا اللي عاشته وفعلا الولاده كذا تعب والوصف بالكلام مايكفي ولا ماكان الجنه تحت اقدام الامهات ومجرد تولد الوحده تنسى كل شي بقدرة اللهالعضوة: 37924 , 9 years ago
بالعكس انا كنت مابعرف شي وكان تفكيري متلك بس لما اتعذبت بولادتي اتمنيت لو حدا حكالي انو مو كلشي تمام وفي شغلات طوارئ ومو كل الولادات سهلة انا هلا بحكي ميشان الوحدة ما تنصدم احنا مانا ولاد ميشان تخبي الحقيقة انتي غلطانة إذا مو مستحملة تقري كيف لكن إذا صار معك لازم الوحدة تكون جاهزة لكلشي مو فلم كوميدي وبيخلص ونوهم حالنا بنهاية سعيدةالعضوة: 31564 , 9 years ago
بالعكس كلامهم جدا مفيد والتفاصيل الدقيقية مهمة واتفيدنة احنة البكريات وحتى اذا وحدة كالت عذااااب او موووت انتي لازم ايكون ايمانج قوي وولادة عن ولادة تختلف والله يسهل عالجميعالعضوة: 29507 , 9 years ago
شموخ عنزيه. انا معك بكل كلمه 👌قلتيها صحالعضوة: 40027 , 9 years ago
الولاده مو سهله صعبه ودليل ذلك أن اللي تموت فيها شهيده عند الله بسبب ماتجده من العذاب وتزداد نكد بسبب الدكتورات أو الممرضات اللي مايراعون هذي المريضه بعضهم توصل لدرجة الإهمال فطبيعي نفسيتها تتعب لكن التوكل على الله والدعاء ان الله يسهلها تتسهل بإذن الله بنت خالي تقول ولدت من غير الم لدرجة اني اصطنع الصياح الله هو المسهل واللي ترجع تحمل لازم تحمل المرأه طبعها تنسى الألم والتعب على العموم كلامك صحيح بس كل وحده تحكي اللي صار لها من واقع هي عاشته والله يسهل لنا ولك 💖العضوة: 36463 , 9 years ago
في كثير بيولدو سريع وسهل وكيف كانو ايام زمان بيولدو في البيت لادكتوره ولاشي وتجيهم ولاده سهله بعون من الله من توكل على الله فهو حسبه لاتخوفو البنت تقولكم تشبع بكاء من الخوف وانتم تقولو مو فلم كوميدي 😐صلو على النبيالعضوة: 16785 , 9 years ago
انا اتابع فيديوهات ولادات احس الولادة مو ذاك العذاب اصلا بس يطلع راس الجنين خلاص يجرون الطفل وهاي الام طبيعيه قبل الولادة انا مخايفه من الولادة لان مااقرا قصص ولادات اروح اشوف بعيني الولادة بالفيديو افضلالعضوة: 15120 , 9 years ago
@user-40338 طيب دامك تتأثرين للهدرجة يااختي لاتقرين بعض الحريم من طبعهن المبالغه وبعضهم تكتب للفايده علشان نستفيد من تجاربهم ومانكرر اخطاءهم وبالاخير تاكدي اي قصة قريته وازعجتك مو شرط تصير لك وكل وحده لها تجربتها اللي تختلف عن الثانيه واحنا ماننكر ان الحمل والولادة تعب في تعب يعني ماقدر اقولك سهلات بس متوكلين على الله يسهل علينا .. وسبحان الله ان الله اعطانا نعمة النسيان ونحمل مرة ومرتين وثلاثة ونتحمل التعب والالم علشان بالاخير نشوف فلذات اكبادنا ونفرح بهم وننسي كل تعب من نسمع صوتهم ويطلعون للدنيا بتحسين انك ملكتي العالمالعضوة: 10311 , 9 years ago
حبيبتي كلامك صح واصلا الألم نسبي حسب قوه تحمل الواحده يعني ممكن ألم واحده معتبراه موت وواحده غيرها يكون بالنسبة لها شي طبيعي وعلى قدر تحملها انا بكريه ولوحدي بالغربه معرفش حد ومسلمه أمري لله هو عالم بيا وما بفكر في وصف الألمالعضوة: 22519 , 9 years ago
كلامك 👌 احسنتي 😌❤العضوة: 23674 , 9 years ago
كل كلمة صحيييييحة يعتيك الصحة اختيالعضوة: 45175 , 9 years ago
انا بكريه واي وحده يبداء في القصص اسحب عليه ناقصه انا واحس انها سهالات صح مل اللي كتبتيه بس والدكتوره تعرف شغلها وكيف تشفط هوا الشفط صح يلين الراس مره بس هي تعرف شلون تستخدمه في، بس صراحه في مبالغه اوكي في الم بس مو لدرجه الوحده ماتحط ميك اب ابغا اتلم وانا جميله شوي مايكون وجهي تعبان ومتهالك 😤العضوة: 45516 , 9 years ago
في مبالغات كثير وهذا طبع اغلب الحريم انا سمعت الكشف الداخلي يعور والم ومدري ايش وبديت اقرا كيف اخفف التوتر اثناء الكشف حسيت بالم بس محتمل مو الالم الي يبالغون فيه الله يهون علينا ويقومنا بالسلامة