بسم الله 🌸
اولاً اشكر كل من بارك لي الله يسعدكم ويرزقكم الساعه الطيبة يارب ❤️❤️
صحيت يوم السبت ٢٥/٣ ع موعدي للمستشفى وتفاجات ان دكتورتي عندها عمليات وبتتطول فدخلت ع طبيبة ثانيه لاني كنت احس ب اوجاع الفجرية بس ماعلمتها كنت خايفة من الفحص .. طلبت مني اسوي سونار بما اني بالشهر التاسع سويته وقالتلي ان الموية زايدة ويفترض ان بهالفترة تنقص ماتزيد فسالتني متى بالعادة انجب اطفالي قلتلها بالاسبوع ٣٨ قالت اجل نصبر عليك وسوت لي تخطيط لقت عندي طلق وقالتلي ابي اسويلك كشف وفعلا سوت كشف وقالت لي مفتوح من ٢-٣ سم وولادتتك بتكون قريبة لكن طلقك جداً بارد .. طلعت من عندها خايفة جداً ومتوترة ماكنت مرتبة لهالولادة بهالاسبوع .. وسويت موعد عند دكتورتي الاساسيه بعدها بيومين ..
يوم الاثنين الموافق ٢٧/٣
رحت لطبيبتي الصباح وحكيت لها كل شي وقلتلها اني خلال يومين احس بطلوق وقت النوم فقط وكثرت علي المويات بس بشكل خفيف جداً وقبلها بليلة كنت ماكلة حبة اناناس طازج .. طلبت مني تسويلي كشف داخلي رفضت وعدتني ماتوجعني وفعلا الحمدلله قالت لي رحمك رقيق جدا ومفتوحة ٢ سم وراح اكتب لك ع دخول بعد الساعة ١٢ لطوارئ الولادة ويحطولك تحميلة صناعي قلتلها ليش انا ابي ولادة من ربي مابي طلق صناعي رفضت وقالت موياتك زايدة وانتي بكرة اول يوم لك بال٣٨ نبي نريحك .. وفعلاً رجعت لبيتي تركت بناتي عند اهلي حاولت انام ما قدرت كنت ججداً خايفة ومتوتررة نمت من ٥ العصر ل ٧ العشاء فقط وصحيت اجهز اغراضي واغراض اطفالي 💔☹️
الساعه ١ تحركت من بيتي ورحت ودعت بناتي وكنت طول الخط احوقل واستغفر بنية ان ربي ييسر لي ولادتي لاني كنت خايفة مرة 😭
واكثر من مرة بالطريق اقول لزوجي خلاص مو لازم متى ماجتني الولادة بروح مو لازم طلق صناعي .. وكان يقولي خلصي وارتاحي
وصلت .. دخلت .. وركبولي تخطيط الطلق لقو طلق خفيف جدا غير منتظم .. حطولي اول تحميلة الساعه ٥ الفجر .. طلبت ابرة الظهر ع طول لاني كنت خوافة مرررررررة قالولي صبرك لين يفتح شوي او نشوف طلق منتظم وبديت احس ب الام وفعلاً صار طلق منتظم وناديتهم وجاء الاستشاري وركبها لي الله يسعده الساعة ٦ بديت اتخدر وماحس بشي .. لحد م قوت الالام شوي ع الساعه ٧ جاتني طلوق جهة اليسار وكنت ابكي لان رجلي اليمين تخدرت بس اليسار لا ؛ يعني الابرة ماجاء مفعولها باليسار ورجعو نادو الاستشاري وعدل لي ليّ الابرة وقالي اصبري شوي .. جت الساعه ٨ ومازلت احس بطلق جهة اليسار فقط بس ع خفيف وقتها كشفو علي قالو مفتوح ٦ سم وفتحو لي موية الراس 🤐
سألتهم احتاج تحميلة ثانية ؟ قالو لا طلقك منتظم
رجعو نادو الاستشاري وضبط لي الابرة وتخدرت جهة اليسار الحمدلله وزاد لي الجرعة شوي لانهم كانو خايفين ينخفض ضغطي فبالتالي ما استفيد من الابرة
الساعه ٩ صرت احس ب الام بس خفيفة او محتملة وطلبتهم يفحصوني وجت طبيبتي اللي ح تولدني وقالت مفتوح ماشاء الله ١٠ سم اصبري ع نفسك لحد مانشوف الراس وطلعت
وبديت اتالم وكل دقيقتين احس ب الم واصيح واقول يارب يارب ..
خففو جرعة الابرة عشان اقدر ادفع ..
وكل دقيقتين اتالم واقول نادوها خلاص
ويقولون لي صبرك
وادعي لي ولبناتي بين الطلوق ولطفلي الجاي
..
الساعه ١٠ و ٥٠ صباحاً بديت ادفع ادفع بعد م جت طبيبتي والحمدلله طلع ب السلامة بعد خمس دفعات
..
هذي قصتي ب اختصار /
اكثرو ممن التوكل ع الله والاستغفار والصدقة وصدقوني الولادة تساهيل من ربي وكل وححدة تختلف عن الثانيه ..
الان ادعولي ان ربي يخفف عني الم الشق واقدر ارضع طفلي كويس 🌷
تمت ولادتي بتاريخ ٢٨ مارس -٢٠١٧..
وكان وقت الولادة المتوقع ١٨ ابريل -٢٠١٧..
اخر دورة لي ١٢ يوليو -٢٠١٦
العضوة: 59555 , 9 years ago
ماشا الله .. الحمدلله على سلامتك ومبرووك الييبي ..والحمدلله على التيسير عقبالنا يارب 💔العضوة: 17362 , 9 years ago
@user-59555 الله يبارك فيك يارب وييسر لك 🌸🌸العضوة: 47778 , 9 years ago
@user-17362 الف الف مبروك والحمدالله ع سلامتك ادعي لي امانه عندي اوجاع تجي وتروح ونزلت عليه السداده من ثلاث ايام وتكرمي اليوم إسهال ووجع في بطني يجي ويروح مو منتظم والبارحه العصر كشفت قالت موسعه اصبع ونص شنو تنصحوني أبقى بلبيت الحد مايزيد الوجع لو اروح المستشفى للامان اني بكريهالعضوة: 43222 , 9 years ago
مبرووك عليكيي يتربى ف عز والديه تقصدي12 يوليوالعضوة: 39948 , 9 years ago
@user-17362 مبروك ياعمري كيفو هلق البيبي.العضوة: 17362 , 9 years ago
@user-47778 كثري مشي واسترخي وخذي شاور بموية دافية اذا انتظم معك الطلق روحي .. الله يهونها عليك يارب وتفرحي بشوفة ضناك بصحة وعافية ❤️العضوة: 17362 , 9 years ago
@user-43222 الله يبارك فيك 🌷 صح تم التعديل 👍🏻العضوة: 17362 , 9 years ago
@user-39948 الله يبارك فيك يارب .. الحمدلله بصحة وعافية 🌸العضوة: 28103 , 9 years ago
الحمد لله رب العالمين الحمد لله على السلامةالعضوة: 17362 , 9 years ago
@user-28103 الله يسلمك يارب 💙العضوة: 62329 , 9 years ago
مبروك دعواتكم لنا بسلامه التامه وصلاح شاني كلهالعضوة: 17362 , 9 years ago
@user-62329 الله يبارك فيك واللهم امينالعضوة: 17362 , 9 years ago
🌸💙💙العضوة: 51093 , 9 years ago
@user-17362 الف الحمدلله على السلامة... ⚘ ومبرووك المولود الجديد يتربى في عزكم ان شاء الله... وربي يجعله من الذرية الصالحه ان شاء الله 🖐🖑 ومثل ما قلتي اختي الولادة تساهيل من الله .. الله يجعل لي ولكل اخواتي ساعة سهله ان شاء الله... شكرا على مشاركتنا التجربة المشوقه ..⚘العضوة: 26070 , 9 years ago
ماشاء الله تبارك الله والف الف مبروك المولود والحمدلله ع سلامتكم