قبل ولادتي بيوم : كان عندي موعد عند دكتورتي و فحصتني و سوت تحريض و قالت رحمي فاتح ٢و نص بس ما معاي طلق ابدا و قالت كيس الماي مشدود و راح تبدى ولادتي هاليومين بإنفجار الكيس😅 طبعا ما صدقت كلامها لان عبالي اني بكريه و راح اخلص التاسع كله وانا للحين ما ولدت، رجعت البيت و شربت كوب قرفه على امل يجيني طلق و سوينا جماع و نمت .. قعدت من النوم الظهر على شي دافي ينزل بين رجولي😫 قلت شكله دم من التحريض مثل كل مره، قمت من السرير بتأكد الا احس بشي قوي و دااافي كنه صنبور ماي مفتوح انكب بين رجولي قعدت اصيح لزوجي ينزل ماي ينزل ماي قام المسكين يهديني و يقول يلا يلا لا تخافين لازم نروح الطبيب😩 و قلت له لحظه لحظه اول شي باخذ شور بعدين نروح😂 خذيت شور على السريع و لبست بسرررعه و رحت المسشتفى مع زوجي، كتبوا لي دخول ولاده مع طلق صناعي بالوريد😢 رحت جناح الولاده وكان زوجي معاي بكل لحظه الله يخليه لي😢 ركبوا لي الطلق الساعه ٢:١٥ الظهر و بعد نص ساعه من تركبيه صارت تجيني الام خفيفه محتمله صرت احط الكمام على خشمي و ادش عالم ثاااااني كني بالاحلام بعدين على الساعه ٧ زاد الطلق علي لدرجة احس بالالم حتى وانا حاطه الكمام بس الم محتمل و كنت طول الوقت احاول اقوي نفسي و ما اصرخ و الحمدلله ما صرخت بس كنت اون .. و بعد الساعه ٩ صار الالم جدا جدا قوي لدرجة الكمام ما عاد ينفع قعدت اتلوى بسريري و احذف الكمام و زوجي يرجع يحطه على فمي😭 وكنت احس بكل الالم بس متخدره من الكمام ما اقدر اصارخ و قعدت اضرب زوجي و اصارخ و اشد شعري و اهو يوخر ايدي عن شعري و اضرب بالسرير ضرب💔 و بعدين جت الساعه ١١:٤٠ و قالوا يلا ولاده فاتح ١٠ سانتي وانا هني استانست قلت خلاص فرجت الحمدلله .. جت الدكتوره و جا معاها ٦ سسترات و كلهم كانوا واقفين علي و قعدوا يحاولون ادفع بس ما قدرت طريقة دفعي غلط لاني كنت بعالم ثاني بسبب الكمام كل ما تجي الطلقه اقعد من النوم و ادفع غلط و اذا راحت الطلقه ارجع انام و اهم يصايحون ماما مافي نوم شلون بيبي يطلع اذا انتي نوم😅 و قعدوا يضغطون على بطني عشان ينزل البيبي و انا بنفس الوقت اسوي دفع و مرت نص ساعه بالدفع و طلعت بنتي حبيبتي😭 حطوها على صدري كان لونها بنفسجي و مسكتها من ظهرها و قعدت اسمي عليها بعدين خذوها مني لانها ما كان تبكي و انا دخلت بغيبوووووووبه خيوطني و نظفوني ولا حسيت