السلام عليكم جيت اقولكم قصة ولادتي مثل ماوعدتكم طبعا انت كنت بأول يوم بالاسبوع ٤٠ وبكريه من دخلت التاسع وانا كل يوم كنت اشرب اليانسون او حليب وفلفل اسود وسبحان الله كنت ناويه من دخلت التاسع اكل الاناناس بس انسى وجا ذاك اليوم يوم الثلاثاء الاسبوع اللي راح واكلت الاناناس علبه كامله وشربت مويتها لأني كنت واصله معي خلاص ابي اولد 😂 وبعدها نمت وحطيت المنبه على دوامي الساعه ٨ وصحيت مافيني الا العافيه ماحس بشي بس قلت ماراح اداوم مالي نفس بس كنت وانا نايمه كل نص ساعه اقوم لدورة المياه يوم جت عالساعه ٩ حسيت بألم بظهري والألم طول معي ماراح انا خفت وقلت شكلها ولاده بس بنتظر شوي ورحت شربت يانسون وحلبه وزنجبيل وفلفل اسود قلت عشانه اذا كان طلق يستمر وهذا اكبر غلط سويته وانا كنت عند اهلي يوم جا عالساعه١٢ خلاص الألم بدى يزيد معي وشافتني امي اصيح قالت تحسين بشي قلت ايه قالت يالله اجل عالمستشفى البيت كله قام يخترش من الحماس لأنه اول حفيد راحت امي معي وخوااتي ثنتين واخوي 😂