اول ماتزوجت مافكرت في الحمل كان عادي عندي دام زوجي راضي وعدت السنه الاولى وحملت وانا ما ادري وسافرنا في السياره تعب واجهضت وبعدها تعلق قلبي في الحمل والأطفال وبعدها ب٤شهور حملت الحمدلله وكنت حيل حريصه وخايفه عليه وعدت شهور الحمل الاولى بخير والشهور الوسطى كنت خايفه حيل لان الرحم ضعيف عندي والحمل في خطر وبحكم زوجي يقرب لي خفت اكثر من زواج الاقارب والحمدلله عدت الشهور الوسطى ونجي للشهور الاخيرة كشفت وعرفت انه ولد كان خاطري في بنت بس قلت الحمدلله وبديت من السهر السابع اشتري أغراض النونو وكنت متحمسه حيل وحددت ولادتي في في ٩رمضان وكان على أساس بولد عند امي بحكم انه البكر وكذا وأول ما دخل رمضان قلت لامي بروح أصوم مع زوجي يومين وارجع ورحت وصمت اول يوم رمضان واسوي الفطور والحمدلله ماصار عندي أعراض ولا شي وافطرنا وكله تمام واسوي سحور وما اكلت ماكان لي نفس وبعد الفجر بدا الالم وانا ماكنت اعرف الطلق ولا اي شي عنه كنت احس حشرانه وأروح الحمام وأنتو بكرامه مافيه شي وكان فيني الم أسفل ظهري كنت مفكره انه الكلى تعبت عشان الصيام والحمل وكذا بس الحمدلله على كل حال وزوجي قام من نومه من كثر ماقمت رحت الحمام ورجعت وقال اشبك قلت الكلى تعبانه عندي ماكنت ادري انه الطلق قال ي الله نروح الطورائ ونروح وادخل وي الله كشف من تحت وكنت خايفه حيل قالت مفتوح ٣سم وادق على امي وانا ابكي وجت امي وأبوي فديتهم وتعرفون الحكومي مايدخلون احد وقالت امي ننقلها العسكري قالت الدكتوره الرحم ضعيف وينفتح بسرعه ورجعت فحص قالت ٥سم ويطلعوني فوق وزوجي مسكين ماسك الشنطة ويلحقني ويمسكه ابوي وهو يبكي مثل الطفل في الممرات وتاخذ امي الشنطه وتلحقني بس مادخلوها وترجع تأخذ زوجي ويروحون البيت وهو يقول ليه نخليها لحالها وادخل الغرفه الولاده ولبسوني حق الولاده واجلس على السرير من الساعه ٤الفجر وانا ابكي وأصيح وأقول خلاص معاد ابغاه ولا سوو لي عمليه وجتني دكتوره طيوبه حيل وقالت بفك لك المويه عشان تولدين بسرعه وفكتها واجلس بعدها أصيح وأبكي وادعي امي وينها وجت دكتوره ثانيه معصبه عطتني أبره العجان وقصت ودخلت اله السحب وسحبت النونو وماحسيت بشي لانه جاء وقت الدفع معاد فيني حيل ونظفوني وخيطو وماحسيت بشي الحمدلله وأعطوني أكسجين واسمع ولدي يبكي فديته وجت توريني انه ولد وانا دايخه واناظر الساعه ٤العصر وجلس ولدي في العنايه ٨ساعات لان وزنه كان صغير والحمدلله ولدي الحين عمره سنتين وثلاث أشهر والحمدلله حامل في الشهر الثامن واسال الله لي ولجميع الحوامل الخراج ي رب ويرزق كل من تتمنى ويكتب لنا الأجر ويخلي امهاتنا جميعا منقووووله للفائده ..