قصة ولادتي انا اول حاجة اتزوجت وجلست سنتين ما حملت بحكم دراستي وعمل زوجي بعيد عني ورحنا حللنا وكشفنا وقالو مافي شي بس قلت ربنا لسا ما اراد وجلست ادعي في رمضان باخلاص وفي الليالي القدرية ربي لاتذرني فردا وانت خير الوارثين وما يأست من الدعاء ابدا لانو ربنا كريم راح يكرمني ولو طال الانتظار ومر شهر القعدة وفي الحج اتاخرت عليا الدورة عشرة ايام وكنت مو مهتمة ابدا وزوجي قلي حللي وحللت وطلع خطين ومرة حسيت بفرحة غريبة اول مرة بحس بيها ومرت الشهور وكان سهل الحمل ومااتوحمت واستفرغت الا كم مرة وجاء الشهر المنتظر الشهر التاسع وبدأ العد التنازلي واستنى الولادة مو راضية تجي ولا فيه اي بوادر وجلست امشي في الشهر التاسع برضو ما جا شي الين ما خلصت الشهر وسرت اراجع وكل مين سار يخوفني انو الجنين يتبرز في بطني ورحت للدكتورة قالتلي حنعطيكي موعد لو ما جاكي طلق نكتبلك طلق صناعي واخدت قرفة وكف مريم واتدهنت بجوزة الطيب ونمت وصحيت قبل صلاة الجمعة بشويا الا حسيت اني ما كنت مرتاحة ابدا وقلت خليني ارجع انام ان شاء الله مافي شي ونمت وحسيت كان بحاجة كأن الكيس انفتح وقمت مشيت لقيت مويا دافية بدات تنزل طبعا وصحيت ماما وقامت مفجوعة ورحنا للمستشفى قالنلهم نزلت مويا بس كان طلق بارد مافي طلق سبحان الله وطلعوني للكشك وجات الدكتورة كشفت لقت بس واحد سانتي وانا جلست اشرب قرفة كتير وجلسنا يمكن ستة ساعات مافي طلق في الجهاز قالت الدكتورة كدا راح تطولي حنعطيكي طلق صناعي واعطوني التحميلة الاولى مااستجبت ومرت ستة ساعات اعطوني التحميلة التانية وبدا الطلق يحمى ويحمى والرحم مو مفتوح غير اتنين سانتي ونص بس واستنيت كم ساعة وكل ما يجي الطلق اجلس اصرخ وامسك يد ماما واقلها انا بحتضر حولوني عملية قوليلهم يحولوني عملية وكلهم رافضين عشني بكرية قالو نستني عليكي وانا خلاص دخلت في عالم تاني كل ما يجي طلق تحطلي الكمامة واشيلها وتحطلي هيا بالقوة وادخل في عالم كأني سكرانة ما سرت حاسة باحد وازعق اقلهم ابا عملية خلاص وتجي تكشف تقول لسا 2 سانتي وبعدين السستر قالت لماما هيا اتنين سانتي وكدا سوت كيف لو فتح اكتر ايش راح يسير فيها وجات الدكتورة قالت بتسوي اخر حاجة ودخلت يدها ولفتها وقالت بس اتنين سانتي وقعو على اوراق العملية ودخلوني العملية وكنت احسب اني راح ارتاح خلاص وسارت العملية ووروني بنتي ومرة فرحت ونسيت كل شي وجا الدكتور سألني كم ساعة جلست بعد ما نزلت المويا قلتلو من بعد صلاة الجمعة وسرت اسالو بنتي فيها شي قلي لا وبعدين قالولي بنتك في العناية المتوسطة جاتها عدوة وخرجت من المستشفى وبنتي مهي معايا وبعدين خرجت لمن اتاكدو من التحاليل سليمة وكان معايا صداع قوي ماسكني حتى مع المسكنات لدرجة ما كنت اقدر ارفع راسي من المخدة والناس يجو يزوروني وانا شكلي تعبان وحالتي حالة من الصداع القوي استمر معايا لمدة اسبوع وبعدين بدا يروح عني الحمدلله لدرجة كنت احس اني مراح اتعافى وحفضل طول عمري وكنت كرهانة بنتي وجاتني حالة اكتئاب لانو جربت الولادتين الطلق والقيصري الحمدلله والين الان الي سرلي الحمدلله ربنا كتبلي حياة جديدة وساعات اافكر يمكن لو ولدت في حكومي وسمعت كلام زوجي كان ولودوني طبيعي بأي طريقة بس الحمدلله وبنتي جنبي عمرها شهرين ونص الله يبارك فيها ويجعلني اربيها احسن تربية امين ويهون على كل حامل يارب ولادتها سرت كل حامل احزن عليها يمكن من الي مريت فيه 😄 _ منقوووووله للفائده ..