مرحبـا خواتي حبيت أكشناتكم مع الحمل والولادة بشاركم قصتي ؛؛ تزوجت عمري ١٨سنه وحملت بعد ١٠ شهور من زواجنا طبعاً زوجي متحمس أني أحمل وكل شهر يحسب ويتمنى ماتجي الدوره ويطلع حمل في هالشهر ماحسبنا حمل زي أي شهر ومشينا وتم الشهر وماجتني وكان معانا عرس وتم العرس وبعد مارجعت من العرس شتريت فحص منزلي وسويته طلع خطين زوجي طاير من الفرح اليوم الثاني على طول وداني عياده خاصه وكشفت وطلع حمل وتبارك لنا الدكتور أنا نصدمت وهو يضحك ويقولها أمين وهي تدعي لي الله يتمم لي خلصت خمسه شهور الوحام حمدلله وحامي خفيف أبداً ماحسيت فيه بس استفرغ من أشياء الدسمه والثقيله عالغداء ضروري😂 ودخلت السادس صارلي أيام جاني وجع مادري من وين جاي كنت عند أهلي يعتقدو ولاده مبكره وتبكي أمي ونروح مستشفى حكومي كان زحمه وانتظر السيد والحوامل كثير واغلبهم ضغط وسكري وبعدها جت عندي ممرضه الله يسعدها وضعي مايسر قالت بسوي لك جهاز وسوت مافي شي ولا ولاده سوت فحص الله يكرمكم بول و دم ظهر أنو في دوده زايده و ارتبشو أهلي زوجي برا المدينه في شغل بلغونا ننتظر دكتور أستشاري صباح يوصل جى وشاف حالتي يقول مبين في حصى ف المراره وبنسوي لك عمليه نطلع البيبي وبعدها نسوي ليزر المراره درسو الموضوع أربع دكاتره جت الممرضه تقول لا تأكلي شي ممنوع الأكل و شرب بنسوي لك عمليه س٢ ظهر بعدها اجو دكاتره وثنتين ممرضات قالو مانقدر نطلع البيبي كبير وانتي الشهر سادس انتظري ثلاث شهور تولدين وتالي نسويلك عمليه ثلاث شهور مت فيهم و رجعت حيه من تعب يومياً أروح المستشفى أخذ مهدي اذا ما اخذته أموت وتعب وابكي واقرئ سوره مريم واسمع ف تلفون ادعيه وادعي لنفسي ودخلت شهري مامشيت لما قررت أمشي يجيني وجع المراره واجلس أقول بكره بمشي وبعده أول سبوع التاسع العاده أنام بدري الليله طولت وكل شوي يجيني وجع المراره ويروح س٤ الفجر الله يكرمكم ادخل واطلع الحمام بعدها شفت كنه طلع مني ماي الله يكرمكم تذكرت انو مو ألم مراره ولاده رحت ل أمي بلغتها وتقولي انتظريني بشيل عباتي وتبلغ اخوي نروح المستشفى دخلت الحمام الى وأحس شي بينزل مني وأصرخ ذيك الصرخه إلي طلعت لي بنوتي على الأرض😳😅 أمي دخلت نصدمت بالوضع البنت ف الارض وأنا واقفه بكت وتصارخ مدرت وش تسوي ماعرفت تسوي شي والمشيمه ماطلعت بلغت جدتي الله يطول بعمرها جتنا طوالي تبكي وخايفه تبي مقص ماحصلت مقص ولا أي شي تسوي فيه تقول منتظرينها تموت بين يديكم وتبكي ويروح اخوي يشتري مقص وقصت المشيمه و ربطتها في فخذي واخذو بنوتي وغسلوها ونظفوها وهي ولا بكت ولا سمعنا لها صوت نايمه بنت أمها فديتها تحب النوم مثلي رحنا المستشفى جلسو ساعه وطلعو المشيمه وهي ماطلعت تضغط ع بطني وماتطلع وتضغط تقول تنسمي بقوي وادفعي عشان تطلع نص ساعه وطلعت وأنا فكرت بموت منها جلسو نص ساعه يسولفو وتالي جى التعب والألم سوو تنظيف وخياطه بدون بنج مت من تعب مافكرت بعيش وأنا اذكر ربي واشهد وأهلل واقول يارب ثبتني يـارب وادعي وخلصو والحمدلله عديت على خير بعد أتعب حمل و ولاده تيسرت بدايه تعبوني وموتني في المسشتفى بس حمدلله على كل حال عديت على خير بنتي لحين عمرها سنتين بضبـط الله يحفظها ويبارك فيها❤️ السموحه على الإطاله.. الله يرزق كل محروم بالذريه الصالحه و فرحه لم تكن بالحسبان الله يبشركم باللي تتمنوه . منقوووولة للفائده ...