السلام عليكم ورحمة الله وبركاته .حبيت اكتب قصتي بالحساب الجميل للفائده .الله عزوجل ذكر بان احب الناس لله انفعهم للناس .لذالك نكتب للنفع ركزو للنفع وليس للتخويف والترهيب لعل الله يجعل دعوه من احدى الاخوات الي تقرا القصه تكون سبب في فرج كربه او رفع درجه . المهم تزوجت والحمدلله ربي من عليه بالحمل من اول شهر وكان الوحم نفسي وليس جسدي الين 4 والحمدلله اموري زبطت وجا التاسع الجميل .(التاسع هوا احب الشهور للمراه😍🙇 ) ياربي لك الحمد والمنه كنت ماني خايفه ابدا ابدا ومتحمسه للولاده لجل اشوف ولدي المهم صحيت على الم زي الدوره مغص خفيف بس من الحماس طرت ع المستشفى ودقيت على امي وجاتني ياعمري عليها ولمن كشفت طلع 1 سم 🙊 قالتلي ارجعي ولمن يجيك منتظم تعالي وفعلا طلعت وبدى ينتظم طبعا انا رحت المستشفى الفجر والطلق بدا ينتظم على قريب العصر بس صبرت وكانت في مباره مهمه للسعوديه ومادري مين زوجي يتابع وانا اتئلم بصمت قمت ورحت تروشت بمويه دافيهه وامشي واخذ رطب ويانسون وجات الساعه عشره زوجي يقولي نامي قلت طيب انا ماكنت ابغى اقلقله عليه ولو اني عارفه مستحيل انام لان الالم منتظم خليته ينام لجل يصحصح معايه وقت الولاده ولمن جات الساعه 3 الفجر خلاص حسيت اني على قولهم استويت 😂وقام وداني ودخلت قالتلي الرحم مفتوح 6 ونص الحمدلله وطلعت للكشك واذن الفجر كان كل همي اني بصلي مع ان المفروض ماعليه صلاه دام الدم نازل ولكن جهلا مني وصرت اصلي بصباعي 😶😩 محد نبهني على ذي النقطه وجلست ادعي واستغفر ومرت الساعات على الساعه 8 الحمدلله خلااااص فك الرحم 10 وخرج النونو حقي وياربي لك الحمد كانت بنسبه ليه رغم الالم ميسره .لان الله عزوجل قال لايكلف الله نفسا الا وسعها .كل حرمه تحس بالالم تقول بموت وماقدر لا حبيبتي دام الله اعطاك الالم يعني جسمك قادر على تحمله ولكن الايحاء الايجابي والتوكل له دور .ربي قال انا عند ظن عبدي بي فليظن بي مايشاء .يعني ان بغيتي تظنين بالله خير بتلاقيه وان ظنتي عكسه بتلاقيه .والحمدلله حملت بعد ولدي بولد ثاني .وكلها تتسهل بالتوكل والدعاء وممارسة الرياضه والتفاااااائل .كل يوم تخيلي ان الله راح يسر ولدتك وان الله راح يكون جنبك وانك احسن من غيرك .والله عزوجل راح يعطيك قد تخيلك .دعواتي لكم جميعا واتمنى الدعاء لي بتيسر الامور .احبكم بللله جميعا ❤ بعطيكم نصايح بسيطه بخبره متواضعه جدا يمكن تفيد لبعضكم باذن لله . اولا بعد التوكل والتفائل .عليك بالرياضه لو من الشهر السابع او الثامن والتاسع وفي تمارين خاصه بذالك تسمى لاماز ) خفيفه ولا فيها مجهود يعني مو تقولو رياضه وكيف تراها جدا هاديه وبسيطه قريبه لرياضة اليوقا . وثاني شي وقت التاسع فقط نكتفي بالعسل والمويه الحاره واذا جا وقت الطلق عليكم بالمشي او الدرج والكوره حقت اليوقا راااااائعه لفك الرحم افتكر بولدي الثاني كنت العب فيها والرحم فتح 4 ونص وتبارك الله مو ذاك الالم .والشي الاخير وقت وقت الطلق حاولو لاجات الطلقه تدفون .هذي الطريقه خطره فلي ماتفهمها وتخاف منها لاتسويها الدف يكون خفيف جدا لجل ماينفجر الرحم . وارجع اقول الي ماتفهم لا تسويها . الله يسر لكم جميعا ولو طلبو منكم قسطره او كشف للرحم لا تترددو لصالحكم كل ماكشفت كل ماتوسع اكثر . وحاولو قد ماتقدرون تقضون التاسع بالنوم عشان لو جات الولاده تكونون مرتاحين من ذي الناحيه .دعواتي لكم واتمنى تدعون لي بالتسهيل لاني وشك ولاده 3 الله يسعدكم جميعا ❤ انا مو صاحبة القصه نقلتها لكم ..