7wamel_storiesq8 مرحبا حبيباتي اول شي اشكرا صاحبة الحساب لانها فعلا نجحت بالحساب هذا ونوستنا فيه صارلي شهور طويله اتابعه من زمان.. صار كل ليل لازم اقرأ قصصكم المهم بدخل بقصة ولادتي الاولى انا عندي ولد وجبت بنت وبعدها ولد يعني ثلاثه ربي يحفظهم بينهم تقريبا٣ سنوات وشوي.. ولادتي الثانيه والثالثه نفس الشي فأبي اقولكم الاولى تزوجت وعمري١٩ ماكنت افكر بالحمل او شي شاغلني مااذكر شنو لانه قبل٩ سنوات في يوم كان زوجي معطيني مبلغ حول١٠٠ دينار وراح عنده مشوار لي اخر الليل ورحت انا لاهلي اتصل علي وقالي الدوره متأخره صح قلت ١٠ ايام تقريبا قال قومي روحي الصيدليه واشتري تحليل حمل ماعندج عذر وفلوس ومعطيج قلت هااا يالله طيب واروح واشتري وسيدا من وصلت البيت واحلل ويطلع خطين واضحين حيييل انا الشعور مستحيل انساه انصدمت او كانه احد قالي انتي بتدين بشي جديد واطلع من الحمام تكرمون واروح لمرت اخوي اوريها قلت شنو معانته قال حامل مبروووووك😌😌😌😌طبعا وقتها تلفوني كان ولا٢٠ مكالمه من زوجي عادانا خليته شوي وعقبها دقيت قال ليش ماتردين بشررررري قلت حامل قال لا لا قلت والله قال تضحكين علي صح قلت والله العظيم فرررح واستانس الا على دخلت امي للبيت وابشرها وانصدمت وضحكت واستانست وخافت علي بنفس الوقت..نجي عاد لمرحلة الحمل ماكان في وحام ابدا ابدا لدرجة زوجي شك مافي حمل ليش ماارجع او ادوخ مثل الافلام😂😂كنت احب النوم بس واحب الكاكاوات بس وتمر شهور الحمل عااااادي مافي شي وادخل التاسع ولافي اي بوادر ابدا ابدا وخلصته ودخلت العاشر ثلاث ايام وكانوا امي ومرت اخوي عندنا جايبين كيكه لبيت حمولتي لمناسبه مااذكر شنو وعقبها راحوا صعدت شقتي الساعه١٢وزوجي نام وانا انسحدت وفجاه جاني الم خفيف عقبها غفت عيني ماوعيت الا الساعه٥ الفجر زوجي يبي يروح الدوام كان هالكلام يوم الخميس الصبح وقالي لاصار شي بلغيني قلت طيب وارد انام طبيعي ولاكانه في شي وتجي الساعه١٢ الضهر واقعد من النوم وانا للحين ماتحركت اتصلت على اهلي يطرشون السايق علي اذا خلصت قالوا اوك اول ماقعدت ورحت للحمام تكرمون وانا انزل ملابسي لقيت نازل مني مثل المخاط طويل ابيض ومعاه احمر خفيف تذكرت اني قبل انام امس جاني الم وتذكرت انه انا خلاص مخلصه التاسع المهم خلصت شغلي واروح لاهلي واعلم امي ومرت اخوي قالت امشي طبيب الفروانيه خل نفحص قلت طيب ورحنا تقريبا كانت الساعه٣ العصر بيوم الخميس ورحت وقاس دكتور وكنت مسحيه حيل قال واحد سانتي انتي بكريه ومطوله وكنت مبلغه زوجي اني راح اروح الطبيب المهم قالي ردي البيت واشربي دارسين ولاتروحين الطبيب الا بليل بعد الساعه٨ قلت طيب وارد البيت مافيني ولا الم ولاشي وقلت لزوجي كلام الطبيب قال خلاص بحاول اطلع من الدوام ع الساعه٩ قلت طيب ورحت بليل طبيب الصباح على اني بولد فيه لانه كنا نمر بأزمه ماليه شوي قالوا مانستقبلكم وكنت اشوف حريم بالدراجات والدين وخالصين وبالممر بدون ملابس بس شراشف منظر يخرررع وقعدت ابجي مابي اولد الا بمستشفى الراشد وقعد يحوس بالسياره وكلمت امي قلت مابي اولد الا هناك دبروني وابجي قالت خلاص لج فلوس عندي وزوجج يدبر الباقي قلنا اوكي ونروح تقريبا هالكلام الساعه١٢ بليل تخيلوا الخميس يعني يوم كامل ونروح وادخل ع دكتور وفحصني قال ثلاثه سانتي دخول ع طول بلغت امي ومرت اخوي وقلت لاتجون مافي شي الحين بس تعب عالفاضي ورحت غرفة الوضع وابدل وادخل وانا عيوني تلاقط مدري شنو الطبخه ماحس بشي ولا الم بعد جم ساعه وانا اون ونين من الالم ياربي وانا ماعرف ولاشي بس كنت اون افكر شنو قاعد يصير ياويلي شنو هذا ياربي عفوك واتلوى لين ١٠ الصبح وسمعت صوت امي وخالتي ام زوجي ومرت اخوي وزوجي كان معاهم وانا اقعد انادي😂😂واسمع مرت اخوي تقول كم سانتي تقول لسه ماما مافتح وكنا باشتاء شهر١٢ واقعد بالوضع على البنج واصحى من الالم مافي شي تغير ماحست الا بالممرضات يطقون السرير تحتي ويشيلون رجولي فوق يالله يالله ولاده وانا داااايخه مادري شنو الموضوع بتكلم موقادره واسمع شدي شدي مثل الحلم اسمعهم والله الغرفة مغلقه بالمره وراي دريشه حسيت بشي واحد واتذكره وطلع فعلا صح اللي هو صوووت مطرررر واسمعهم يالله شدي شدي الا ولدي طلع وماسمعت صوته مثل اللي جمبي ولدت عالمغرب الساعه٥ وكنت بتكلم بقول شفيه ليش مافي صوت الا تخدرت ع طول بعدها بساعتين صحوني قلت شنو صار وين بيبي قالوا مبروك مدام جبتي ولد حلو واجد قلت زين طيب مافي شي ليش مايبجي قالوا شارب ماي عادي طبيعي وجابوه لي مدري شنو حسيت فيه حسيت بمهمه صعبه ماكنت ابدا متخيلتها.. لما سالت اهلي اللي برا ينطروني قالوا شفنا الدكتور والسسترات يركضون بولدي شرقان وكان اسود ويطقونه على ضهره زوجي يقول مستحيل انسى المنظر عبالي في شي طحت على الكرسي من الصدمه بعدها بشرونا... طولت عليكم ادري بس جدا اندمجت