7wamel_storiesq8 السلام عليكم الله يعطيك العافيه على الحساب الرائع في البدايه كنت اخاف أقراء القصص اللي فيه بحكم تجربتي الأولى في الولاده صعبه ..لاكن الأن صار من أحب الحسابات على قلبي .. اتركم مع قصتي في ولادتي الأولى قبل ثلاث سنوات ونص .. طبعا أنا حملت بعد زواجي يمكن بعشره شهور طبعا أنا اللي كنت أبي الحمل ومرا خاطري فيه وبين قوسين كنت شاكه بنفسي إني مقدر أحمل لأن صاحبتكم أكلت شريط حبوب منع حمل كامل وأنا صغيره 😂😂 وكنت حاطه في رأسي هالموضوع قلت أخاف يأثر علي الموهم أول ست شهور من زواجي أكلت حبوب منع حمل بعدها شهرين عزل طبيعي زوجي ماكان مستعجل على الخلفه صراحه كان يبين لي عادي ..المهم بعد شهرين من العزل رحت لممرخه شعبيه لان كنت أحس تعبانه وبين قوسين وأنتم بكرامه كان المويه بعد الجماع تنزل طوالي ماتقعد وتوقعت هالشي طبيعي المهم قالت لي الحرمه عندك ميلان بالرحم مررا وهو سبب نزول هالمويه طوالي امترخت عندها شهرين والحمد الله بعدها حللت طلعت حامل طبعا وفرح زوجي بالمره وانا كمان ❤️مرررت الشهور حلوه وانبسطت في حملي صحيح الوحم متعب وأنا كنت أدرس بالجامعه بس مرت الامور على خير وطوال حملي ما أشتكيت من أي الم والحمد الله سويت سونار بالشهر الرابع وقالت لي ولد وانبسطت الحمد الله نجي لشهر التاسع انا كنت اقول ماراح أطول بولد بدري ومن هالكلام الاخت تحسب الولاده شي سهل 😂😂وكنت اتابع بمستشفى حكومي المهم خلص التاسع وطاف الموعد وأختكم على حالها تنتظر الولاده 😂😂وكنت أبي اشرب زيت الخروع بس أستغفر ربي وأتركه مابي اتسبب على نفسي والمستشفى عطوني موعد لطلق الصناعي لو ماجتني ولاده قبل هالتاريخ وكنت أدعي ربي أن الله يسهلها علي وكان وقت أختبارات نهائيه بالجامعه وأختبرت يومين أصعب مادتين عندي وكنت مواصله هاليومين رجعت البيت نمت ما أرتحت بالنومه في ألم بس مو عارفه أيش هو وقمت على العصر وأقول لأمي وأختي عنه قالوا أذا منتظم ولاده وكان الالم منتظم فعلا كل ربع ساعه أحس بألم خفيف لا يذكر أنبسطت وكأني ملكت الدنيا بما فيها ماكنت أدري وش بيحصل لي 😂😂🙊المهم وأمشي وأخطط البيت رايحه جايه مبسوووطه وكل مازاد الألم أنبسطت مجنونه الحمد الله والشكر نسيت اقولكم أني قلت لأمي وأختي الألم مو منتظم كنت أبي اروح وأولد ماحد يدري على أساس مفاجئه 🌚بعدها بالليل على الساعه تسع وانا قاعده أمشي نزل معاي دم 🙀وخفت وأنا بكريه ما أدري وين الله حاطني وأقول لا أختي وتهزئني تحسبني أمزح 😂😂كالعاده وحلفت لها صدق وقالت أنتظري لين الساعه ١٢ وروحي جت الساعه ١٢ بالليل ورحت طبعا تحممت وتنظفت ورحت دخلت وكشفوا علي قالوا كويس في طلق والرحم ١ سانتي 🌚🌚يالله يالأحباط وقعدت بالانتظار وأسمع قصص ولادات الحريم قبلي وأسمع الأصوات 😨😨من غرف الولاده ولما أسمع صوت البيبي يبكي أتمنى انا بمكانها وخلصت طبعا على الساعه أربع دخلوني تنويم وزوجي ياعمري مواصل يومين وقال بروح أنام بالسياره قلت لا روح نام بالبيت وساعتين وأتصل عليك تجي يعنني بخلص بسرعه 😒ههههه المهم على الساعه خمسه صباح بدا الألم جد اللي مايستهبل 😅😅 😅😅وقاستني الممرضه وطلع اثنين سانتي بغيت أموت قلت كل هذا و٢سانتي عطووني أبره الظهر وأبكي وبكا قوي بعد 😂😂وتكلم غرف الولاده تحت وتقول هاذي مجنونه تبكي نزلوها تحت وبالفعل نزلوني تحت وقبل ينزلوني أنفكت مويه الرأس طبعا جوالي كان معاي وأرسلت أختي اني نزلت ولاده وكانت تدعي الله يخليها لي بعدها يوم نزلت تحت كانت الالام فضيعه جدا جدا وكنت أقولهم وين أبرة الظهر أنا طالبتها وأبكي وكان عندي قابله سعوديه حامل وكان كل دعاي بوقت الولاده لها 😂😂كانت حنينه معاي وتمسك أيدي وتقرأ علي وعطوني الكمام كل ما جا طلق وكنت أحس أني في غيبوبه وماكنت أصرخ وقت الطلق كنت أقول يارب يارب يارب لين يروح الطلق وكانت تقيسني من تحت ماكان مؤلم مثل ماتقولون أبدا ومرا أربع سانتي وبعدها ساعتين سته سانتي وبعدها بساعتين ثمانيه سانتي أنا أنهرت وين أبره الظهر وكان الإلم مو محتمل الله يجازي أمي وأمهاتكم الجنه بعدها على الساعه عشر عطوني أبرة الظهر وكان الرحم ثمانيه سانتي وكان هذا أكبر غلط سويته بعدها الحمد الله كلمت أختي وبكيت يوم سمعت صوتها لأن ذكرني في أمي وأنا محتاجتها بس ما أبغى اقولها تنهار أمي وتبكي كأنها هي الوالده وكلمت زوجي تعال وجيب شنطه البيبي نمت ساعه وقمت اقول لنيرس ليه ماولدت 😂😂حسبالي بولد وأنا نايمه ..بعدها سمعت النيرس تقول معاذ يبي يدخل بالانقلش الكلام وحسبالهم ما أفهم قلت نعم من اللي بيدخل لا أشوف رجال يدخل علي فاهمين مستقويه الأخت 😝 وبعدها بنص ساعه كشفوا علي وكان عشره الرحم مفتوح وقلت لأختي وزوجي كان تحت بالمستشفى المهم جت دكتوره سعوديه حسبي الله عليها تهاوشني أنتي اللي تساعدين نفسك ولا أنتي ًجنينك تموتون تخيلوا بس أثر الكلام على نفسيتي وتقول يالله معاذ يالله أياد تعالوا أدخلوا وأنا وجهي كذا 🙀قلت عطوني طرحتي عطوني عبايتي الأخت تبي تتغطى 😂😂المهم وتناديهم وكل واحد يقيس من تحت 😰وتسألهم عن التشخيص فأر تجارب أنا 🌝 ونادت بعد طبيبات الأمتياز طبعا ساكته خايفه من الدكتوره خارشتني 😂😂😂 بعدين قالوا أدفعي ماعرفت لأن أنا مأخذه أبرة ظهر ومو حاسه بشي بعدها قالوا نبض الجنين ضعف وانا أسمع جهاز النبض مافيه شي 🌚🌚 وفرحانين الأمتياز بالعمليه لانها تسجل في ملفهم ويوقعوني وطبعا طوال هالوقت زوجي مايدري وأختي بعدها ويأخذوني على غرفة العمليات واقولهم أنا أحس في شي ينزل ويقولي دكتور الأمتياز أسكتي ويحط يده على فمي الحيوان وأقولهم طيب خبروا زوجي تراه تحت ويقولون طيب طيب 😁😁وقلت لهم أبي بنج نصفي ويحط الكمام على وجهي وقال تشهدي 💔💔 💔💔تخيلوا بس بعدها صحيت في مكان كله نيرسات وشي أسود واقف على الباب طلعت اختي فديتها يوم مارديت عليها أستاذنت من دوامها وجت وكانت تبكي وراحت غرفه الولاده حقتي وكان النور طافي قالت بس أختي ماتت قالوا لها النيرسات أختك فلانه قالت أي قالوا أيييييييه تذكرنا عمليه 🌝🌝 وتعطيك أختي وضعيه حياة الفهد 😂😂تسدح على الجدار بعدها جتني بالأفاقه وكنت فاتحه عيوني وأشوفها تبكي عند الباب ووراها شي لابس أخضر أحسبه زوجي 🙈وأناديه حتى الحب في البنج ماتركني أختي حقدت علي تقول أنا أبكي وهي تنادي أسم زوجها وهي بالبنج 😂😂ويطلع دكتور يقول الحمد الله على السلامه جبتي ولد ويأخذوني لتنويم يمكن الساعه ٢الظهر وتدق اختي على زوجي تعلمه والمسكين مايدري عن شي والقولون معه وااااااصل حده قعد ساعه بعدين جاني طبعا كل من دخل علي بكيت أحس أني رجعت الحياه من جديد وجابوا لي ولدي وبعد بكيت 😂😂فلم هندي مررا هههههه وقعدت أربع أيام بالمستشفى بعدين طلعت والحمد الله ولدي عمره ثلاث سنوات ونص وحامل بالشهر الثامن دعواتكم لي لأنهم مقررين لي قيصري لأن العمليه الاولى تألمني مرررا 😂😂وبس