السلام عليكم ورحمة الله وبركاته.. اللهم صلي على محمد.. بنات شخباركم بسولف لكم عن ولادتي في بكري اول شي انا اخذت التاسع كله بدون بوادر ولادة وبأول يوم بالعاشر نزلت علي موية الجنين وجاني طلق خفييف ، رحت المستشفى وكشفت علي قالت مسكر بس فيه طلق بسيط .. والدكتورة اسلوبها مرررة سيء وكانت تصرخ وماتجاوبني .. انا بكرية وخايفه وخفت زيادة يوم شفت اسلوبها قلت كيف هذي بتولدني وقعدت اصيح و برد الطلق 😢 جات وحطت لي تحميلة طلق صناعي عشان المويه خلصت على الجنين ومافي طلق وجلست ٦ ساعات ولا فتح الا نص😭 وحطت لي ثانية وجلست فيها بعد ٦ ساعات وصار ٢ ونص😭😭😭😭😭 وحطت لي ثالثه انا خلاص مت هلكت .. الطلق الصناعي ناااااار سبحان الله غير الطبيعي انا ماجربته بس الدكتورة تقول ان الطبيعي الدماغ يحرض الرحم انه يفتح ويدفع الجنين والجسم كله سبحان الله يشارك بهالشي عكس الصناعي .. تحريض خارجي للرحم بس بعد التحميلة الثالثة وصل ٣ ونص وانا ميتة خلااااص مو قادرة اتحمل دقيقة وحدة .. طلبتهم يسوون لي قيصرية طبعاً انا رايحه مستشفى اهلي فوافقوا ماهتموا اهم شي الفلوس ، جابو الاوراق لزوجي و امي يوقعونهم بس مارضو 😭😭😭😭😭😭 قالت الدكتورة طيب دامها تعبانة كذا بعطيها ابرة ظهر قلت جيبيها بموت اي شي تكفون بموت جابت طبيب التخدير وحط لي الابرة .. اه من بعد الالام والعذاب والنار اللي بظهري ورحمي ارتحت اخيراً .. ونمت ٣ ساعات ماحسيت بنفسي .. بعدين جات تشيك كم فتح لقته فاتح ٩ والجنين بالحوض بس نبضه نزل 💔💔💔💔 ماقدرت تصبر لين يوصل ١٠ عشان الجنين لايصير فيه شي قالت ولادة يلا وطلعت زوجي وامي طبعاً انا اسفل جسمي كله مخدر من الابرة مو قادرة ادفع والجنين تعب 💔😭 جات ممرضتين سمااان فلبينيات ويضغطون على بطني باكواعهم بكل قوتهم يساعدون الجنين يطلع ولافيه فايدة راسه كبير شوي😁 ورحمي واقف على ٩ مافتح اكثر من كذا .. شفطته الدكتورة مرة مرتين ثلاث لين طلع بس انشق راسه ياحبيبي هو 💔 ومختنق لونه اززززرق ولاصاح !!! على طول اخذوه لدكتور الاطفال برا وانا ميتة اصرخ شفيه ولدي ليه ماصاح ليه ماصااح!!! والدكتورة تخيط مو رادة علي 😩 جلست تخيط ساعة الا ربع بعدين قالت خيطتك تجميلي داخلي وخارجي بس فيه اجزاء متضررة كثير ماقدر اخيطها داخل 😔 بحط عليها انسجة ترممها 😔 وانا مو هامني شي بالي عند ولدي محد طمنّي عليه 😩 بعدين جا الدكتور وقال الجنين ماكان يوصل له اكسجين كافي لانه طول بالحوض .. بنراقب تنفسه لمدة نص ساعة اذا مشى الحال بنجيبه لك ترضعينه ويطلع معك عادي .. اذا مامشى الحال بنخليه بالمستشفى 💔 بعد ثلاث ساعات تحسن و جابوه وشفته😩❤️❤️❤️ اجمل شعور يالله ربي لاتحرم احد 😩❤️❤️❤️ ماينوصف والله.. بعدها طلعت لغرفة مابعد الولادة .. وكنت اتشنج وماقدر ارفع راسي واموت من الالم من ظهري وراسي ورقبتي ماقدر احركها .. ومجرد ما اوقف او اجلس يغمى علي💔 حتى دورة المياه الله يكرمكم ماكنت اقدر اروح طبعاً هذا كله من ابرة الظهر.. جا طبيب التخدير وتهاوشو اهلي معه ليه البنت صارت كذا ركب علي مورفين مخدر .. ولا استفدت منه الالم نفسه ولا اقدر اتحرك ولا اوقف ولا اجلس ولاامشي ولا الف رقبتي ولاشي .. قال حصل غلط وانا دخلت الابرة شوي زيادة فصار الدم مايوصل للمخ بشكل مناسب .. بسحب دم من ذراعها وبرجعه مكان الابرة💔 وفعلاً هذا اللي صار .. تحسّنت بنسبة ٧٠ بالمية من ناحية اني اتحرك وامشي بس الصداع وتشنج رقبتي ماتحسنو.. قال لي طول فترة نفاسك استمري على القهوة العربية والكوكاكولا .. عشان فيهم كافيين يروح الصداع وكان نفاسي سيء لأني كنت اشرب باليوم دلة قهوة و٤ كولا عشان الصداع كله منه حسبي الله عليه ماخفيت الا بعد شهر ونص .. الحمدلله طلعت من هالتجربة بأحلى طفل ❤️ صحيح تعبت لكن تعب مخلوف ان شاء الله بأجر بعلّق على شيء للبكريات لأني كنت مكانهم😅 .. قد تكون ولادتي متعسرة بس هالشي مايعمّم على كل البنات مو شرط .. وحدة اعرفها تقول واحد من اطفالها ولادته كأنها امساك الله يكرمكم لا اكثر ولا اقل .. لا تقيسين تجربتي عليك ولا تخافين من شي توكّلي على الله وربي مارح يحملك فوق طاقتك تأكدي❤️ اما بالنسبة لتجربتي في ابرة الظهر فهي سيئة بكل المقاييس وللآن اشتكي من الم مكان ضرب الابرة بس السوء مو فيها السوء كان بالدكتور الله يسامحه .. الابرة مع دكتور تخدير شاطر = ولادة سهلة بإذن الله بس اهم شي اللي ناوية تاخذها تحرص ان الدكتووور يكون شاطر ويعرف لها .. وانها تخليه يوقفها قبل ماتحين الولادة الفعلية ودفع الجنين .. عشان تقدر تدفع ولا يشفطون طفلها وقد يتأذى مثل ماحصل معي .. وربي يهوّن ويتمم على كل حامل ويحفظ لنا مارزقنا ويصلحهم وينبتهم نباتاً حسناً❤️ اللهم صلي على محمد..