تحمست اكتب قصة ولادتي تزوجت وعمري 23 واخذت 6 شهور ماحملت وكان زوجي يبغى يوديني احلل كل شهر ليه ماحملت وانا اصلاً ماابغى احمل بدري ووسوس فيني وقتها حسسني اني خلاص مابجيب المهم بعد 6 شهور حملت وانبسطنا ومرت ايام الوحام عااديه لكن ظهري المه مستمرر لين التاسع ووقتها كان زواج اختي بنفس شهري وكانت تقول امي امسكي نفسك ولاتمشي لين ينتهي زواج اختك لاتحوسينا 😂 وكنت عند اهلي وقتها المهم بالليل جاء اخذني زوجي وجاب لي عريكه عشان فيها تمر والا يبيني اولد واكلتها وخلاني امشي غصب وانا خايفه من امي لان بقى يومين ع زواج اختي 💔 المهم بعدها رجعت عند امي ونمت وع الصباح كذا ع الساعه10 صحيت من نومي والا المويا منكبه خففت صراحه مدري ايشش واقوم واصحي امي وقالت يلا ع المستشفى ودخلت المستشفى "طبعاً كان يوم اربعاء وزواج اختي الخميس "كشفوا علي وقالوا واحد سانتي ونوموني عشان المويات نزلت كثير المهم كل شوي يزداد الالم عندي وكان الرحم مو راضي يفتح الا سانتي والالم يزداد وكل شوي يكشفوا ع بالي خلاص بولد وطلعت لسسى مافتح وقالوا لي لازم طلق صناعي وانا رفضت الطلق الصناعي ع كثر ماخوفوني فيه الحريم وامي تحاول فيني ورفضضت المهم وامس تعطيني اعششاب وكل شووي الالم يزيد واصارخ اقول لامي نادي الدكتوره تكشف علي كنت خلاص ماعاد اتحمل كانت ع الساعه 3 الفجر وانا متنومه من الصباح وجات كشفت علي طلع اربع سانتي قالت يلا ولاده وارتحت اني خلاص بتخلص من الالم لكن ماكنت ادري ان قدامي مشوار طويل 😰😭 المهم ودوني عند التنويم اللي قريب الكشك ويرفضوا يدخلوا امي وانا اصارخ وقتها ولحد عندي احس ان فيه شي بينفجر وانادي عليهم تعالوا انا بموت واصارخ ولحد يمي😭 وتجيني ام وحده جنبي دخلت وتمسح ع راسي وتقراء علي ارتحت الله يسعدها وطلعوها المهم طولت من الساعه 3 الفجر اطلق لين الساعه 7 المغرب وقبلها الساعه جاني استشاري مصري الله لايسامحه ع اللي سواه فيني والله مانساه وانا في قمة آلمي جاني يهاوشني يقول انتي ليه مااخذتي الطلق الصناعي حالتك انتي والجنين بخطر شووفي التخطيط كيف وكان التخطيط مُخيف ويجلس يصارخ علي ايش ذنبي انا تخوفني 😭 قالي الجنين راح يجيه نقص اكسجين وحياته بخطر لان المويات نشفت وخلاني انقلب ع جنب وانا متت من الرعب وتجمعوا علي الدكاتره والاستشاريين يشوفوا حالتي وقرروا علي عمليه وانا كنت طول اليوم اقول ريحونني ابي عمليه كنت راضيه بالعمليه ولا الطلق الصناعي انا تجنن من الطلق العادي لاني طولت وانا اطلق يوم كامل ولافيه نتيجه المهم ودوني للعمليات ارتحت وقتها يوم ودوني وبنفس الوقت خايفه ع اللي ببطني وتمت العمليه بسلام وصحيت وانا بغرفة الافاقه كأنني بحلم شعور ماانساه ماادري انا ولدت او لا ايش صار فيني ماادري انظر ببطني واقول لا خلاص ولدت انا وانادي السستر كان صوتي خافت يالله اتكلم وجتني واقولها بنتي وين كيفها قالت لي ماندري احنا مسؤولين ع الام بس بعدها خفت وتوترت واقوول اكيد بنتي فيها شي وماتبغى تعلمني طولت بغرفة الافاقه دخلت المغرب العمليات وطلعوني لغرفتي الساعه 1 واشووف امي اول شي سألتها عن بنتي اقول كيفها يمه وتقول بخير شفتها بالحضانه وتشبهك قلت يمه تكفين لاتكذبين علي صدق شفتيها وتحلف لي انها شافتها وبخير وماكنت مصدقه لان خوفني الدكتور لين ارسل لي زوجي صورتها وهي بالحضانه 😭😭 وارتحت بعدها طبعاً بنتي طول وقت تنويمي وهي بالحضانه عشان المويات ويسوو لها تحاليل وتطول وماارتحت لين نزلوني لها من البكرا عشان اشوفها بكيت يوم شفتها حالتها تحزن وكانت عندها سستر وبس ادخل يدي لها من فتحة القزاز 😭😭 شعور لايووصف حزنت على حالتها والحمد لله طلعت تحاليلها باليوم اللي خرجوني فيها والتحاليل سليمه الحمد لله يارب والحين بنتي بتجي سنتين الله يحفظها لي .. وهذي بنتي بعد اسبوعين من ولادتها