السلام عليكم بقولكم قصة ولادتي بولدي حملت فيه بعد زواجي بتسعة شهور طبعا بعد مراجعات واخذت منشط والحمدلله صار حمل تاخرت دورتي طبعا ماكنت متوقعه الحمل اخذت تحليل منزلي وسويته وفعلا طلع خطين كانت صدمه وفرررحه شعور لايوصف صراحه امي وخواتي كانو ينتظروني عند الحمام لما طلعت وخبرتهم قعدوا يناقزون من الفرحه😂فديتهم طبعا زوجي كان دوام ولما اتصلت وخبرته مسكين ماصدق ويقعد يححلفني ساعه وانا احلف له اني حامل😂يﻻا استوعب مرررره انبسسط طبعا بدا الوحام مررره صعب تطريش وتعب لين الشهر الرابع وبدا يخف بعدها صار الحمل خفييف ماحسيت فيه ليين نص الشهر الثامن بدا الثقل والتاسع هنا المووت البطيئ طبعا كانوا معي كم وحده نفسي وانا سابقتهم بالحمل وماشاء الله كل يوم تدق وحده تخبرني بأنها ولدت واتحمس انا ابي اولد خلاص تعبت نفسيا وجسديا ولكن ياجبل مايهزك ريح لا الم ولا هم يحزنون والله وانا اخلص التاسع كله واسبوع من العاشر طبعا وضع الجنين الحمدلله كان كويس وعطتني الدكتوره موعد اسبوع من الشههر العاشر لو ماولدت حيولدوني صناعي وخلصت الاسبوع وكنت انتظر موعدي ع احر من الجمر كنت اضن من يحطون لي صناعي اولد ع طول قبل موعدي بكم ساعه تسبحت وتكشخت حتى شعري استشورته😂 ماادري ايش ينتظرني ورحت قبلها مشيت ساعه للمعلوميه من دخلت شهري التاسع وانا يوميا امششششي بس مافي فايده عموما رحت موعدي س12 بالليل وع ماجهزوا غرفتي والاجراءات س2 وانا ع سريري وحطوا لي التخطيط وجت الدكتوره فحصتني من تحت وسوت شي وجت بتطلع ساألتها وش سوت قالت حطيت لك تحميله طلق صناعي😲طبعا من غير ماتقولي ولو ماانا سألت ماكان قالت انا بدا الخوف عندي وبديت ارتجف ماادري ليه مع ان ماكان في الم بس خفففت مره ومر الوقت وجت س 9 صباحا وماجاني اي الم وجت الدكتوره فحصتني ومافتح الرحم ولا سانتي وعطتني تحميله ثانيه ونفس الشي ماحسيت بألم وجت س 4 العصر وحطت لي تحميله ثالثه حسيت بعدها بألم زي الدوره بس خفيييف اخف من الم الدوره ومع التخطيط مررره تعبت وكل شوي تجي تفحص ومايفتح الرحم ولا سانتي لين جت الساعه 6 الصباح من اليوم الثاني وفحصتني وماكان في استجابه من الرحم وجاني الدكتور قال لازم عمليه رفضت انا وزوجي وقلتلهم عطوني فرصتني دام الجنين وضعه كويس بطلع ع مسؤوليتي رفضوا وزعلوا وحذفوا الاوراق علينا انو نخلي مسؤليتنا اذا صار شي للجنين صراحه خفت مره وخصوصا بطني تحججر مره وارتفع لفوووق وانا طفشت من الوضع والتعب وقررت اسوي العمليه وفعلا ع الساعه 8 وقعنا ع الاوراق وجهزوني للعمليه ماخبرت احد نهائي بس انا وزوجي اهلي واهله بمنطقه ثانيه الساعه 9ونص دخلت غرفة العمليات وكانت في غرفه ثانيه وحده تولد طبيعي وتصييح كنت اقول لنفسي الحمدلله اني عمليه 😊😂 اول مادخلت الغرفه وشفت الاجهزه واجلس ابككككي واصيح يقولي الدكتور يابنتي والله للحين مالمستك وحطولي اكسجين مااااحسيت بنفسي الا وانا مغطيه بغرفه بااارده سبحان الله ع طول جلست ابكي وانادي بأسم زوجي طلعوني ع طول واول ماشفته واجلس اصييييح مدري ليش 😢😂وسألت عن الطفل قال بخير ومافيه شي وارتتتحت الحمدلله بعدها نزلوني لجناحي الخاص وكنت متحمسسه اشوف ولدي ماجابوه لين العصر لاني كنت تعبانه مرره فعلااا العمليييه متعبببه كنت ابببكي مااقدر حتى اكح بس الحمدلله كم يوم وتعافيت ومن شفت ولدي نسسيت كل شي سبحان الله عمر ولدي الحين سنتين ونص وحامل بالشهر السادس دعواتكم اولد طبيعي والله يحفظ لكم اطفالكم ويرزق كل محروم وصل الله وسلم ع حبيبنا محمد