السلام عليكم يسعدك ربي على هالحساب الجمميل حبيت اشارككم قصتي ف مولودتي الاولى ، عمري ٢١ قبل كل شي الحمدلله حمداً كثيراً طيباً مباركاً فيه اللهم اني احمدك واشكرك على تيسيير ولادتي الدعاء يابنات قبل كل شي والتوكل على الله وحسن الظن به كفيله انها تريحك مع كل شي بكريه دخلت الشهر التاسع اخذت منه تقريباً ١٧ يوم وكنت مستبعده الولاده خصوصاً من كثر الكلام انو البكر تطول وكذا فالليل جربت رياضه القرفصاء لإول مره سويتها ١٠ مرات اللي هي السكوات ، طبعاً كذا هبال قلت اجربها 😂 واسويها وانساها معاد سويتها كانت الساعه ١٠ مسآء الفجر قمت انظف بيتي وارتبه م خليت شي م نظفته لو مكاييجي مطلعتها ممسحتها ومرجعتها مدري فضاوه او شكلي كنت حاسه 😂😂💔 وكنت احس ب الم ف ضهري بس متجاهلته بحكم اني كل يوم امر ف هالالم طبيعي تعودت عليه صليت وانسدحت ع السرير كان الوقت ٥ ونص الفجر توني اطقطق ب جوالي الا احسس ب مووويه دافيه بس ناظرت السرير يوههه شي يخوف انفكت موية الجنين ولاهي راضيه توقف مره ي بنات تقولون احد جاي ومسبحني ف سريري وامشي والمويه مازالت تمشي واكلم اخت زوجي وتجي تركض هي وام زوجي وياالله ابدل ملابسي وعطول المستشفى حتى ف السياره كانت المويه ماشيه شي يخوووف م احس ب الم ولا شي 😭💔 دخلت الطواريء ورحمي مفتوح ١ سانتي ولا فيه اي بوادر طلق ابد خلوني ع السرير ساعه وحولوني ع مستشفى خاص لان م فيه سراير طلعت منهم ورحت للمستشفى الثاني الساعه صارت ٩ الصباح وانا بس اكبر همي المويه كنت اقول الطفل خلصت مويته والدكتوره تضحك تقول مافيه شي اسمه خلصت مويته 😂💔 ، المهم وعقب الفحص طلعوني لغرفة فوق وحطو جهاز التخطيط والطلق وكل شي كويس ولا احس ب اي الم ماكان فيه طلق قعدت الين الساعه ٥ العصر وصار ٢ سانتي من بعدها بدا الطلق يجي شي خفيف الظهر بس البطن م حسيت بشي قبلها قلت لهم ترى ابي ابرة ظهر وخذو مني تحليل عشان يشوفون اذا كل شي سليم يعطوني واجلس ع الاجهزه والمغذي الين الفجر صار ٣ سانتي م ذقت طعم النوم انام ثلاث دقايق تصحيني الطلقه هلكاااانه ميته تعب 😩💔 من كثر ما ابي فرقى السرير كل شوي اقولهم حمام حمام 😭 يجون يفكون المغذي والاجهزه واروح الحمام ارتاح شوي وارجع 😂😂 صار الحمام اريح من السرير 😩😖 يوم جت الساعه ٦ الصباح الا بدى يحمى الطلق 💔 الله يأجرنا ويرزقنا الثواب كانت الطلقه مره تذبح ومتواصله لحد هنا االرحم ٣ ميييته انتظر يفتح زياده عشان اقدر اخذ ابرة الظهر كنت اتلوى بالسرير من الالم واصرخ بس مافيه دموع 😂 واقول خلاصص ابي عملييييه معاد ابي شي ثاني 😭💔 واختي معي تقول اهجدي بس 😒🤕 جت تكشف مره تكشف مره ثانيه صار الرحم ٤ ويعطوني حقنه شرجيه للبراز اكرمكم الله ينزل كل شي وبععدهآ طيييييران لغرفة الولاده 😩 ويالله على ماجا دكتور التخدير تبع ابرة الظهر بغيت اموت 😩💔 تأخرر جا ع الساعه ١٢ الظهر وعطاني الابره اهه يابنات كمية الراحه اللي جت عقبها 💔 ماقول الا جعل مثواه الجنه اللي اخترعها يابنات اللي ماجربتها تجربها ولا عليكم من كلام احد لو فيها خطوره واحد ب الميه م كان المستشفيات الكبار يعطونها مثل الحرس والعسكري وغيرها كشفت الرحم صار ٧ معاد تحسين ب الطلق وغير كذا تسرع فتح الرحم قالو يالله ارتاحي نامي لين ينفتح ١٠ عشان م تتعبين ف الدفع م اخفيكم من الوناسه اني معاد احس ب شي طار النوم 🌚🌚😂💔 والطلق حااامي ف الجهاز ولله الحمد والمنه م احس ب شي ويالله ع الساعهه ٢ كشفت علي قالت ١٠ سانتي 😭 كني مبشررره بالجنه وقتها قالت ابخليك وانتي ادفعي كانك بتتبرزين لين ينزل راس البيبي ف الحوض مره وخلتني وراحت ☹ وانا ادفع ادفع الممم فضيعع 💔 كانه شي حاشرني تحت ويسوون لي قسطره للبول عشان معاد يمدي اروح الحمام كانت مرهه حااااره تعور ☹ ويالله انقلب ع جنبي وادفع 😭 ومره ع ظهري وادفعع 😭 لحالي نص ساعه اساعد نفسي بعدين اجتمعوو علي ورفعو رجولي وعقمو المكان ويعلموني اذا شافو الجهاز انو الطلق بدا ومع كل طلقه اكتممممم نفسي وادفعععع 💔 وكانو كلهم صراخهم علي ويحمسوني ويالله بقوه ادفعي لاتوقفين الا اني اتعب واوقف لين تجي الطلقه عشرين مره دفعت الين اخخخخر مره ضغطت ضغطت ع نفسي وشقوني عشان راس البي بي والحمممدلله يارب طلعت بنتي طيبه ومتعافيه 😭💔 م صدقتت اني خلصت اناظر الساعه ع طول الا ٣:٥ دقايق الحمممممممدلله يارب الحمدلله بدأت مرحلة الخياطه م حسيت فيها لاني مبنجه من قبل بس ع الاخير حسيت وعطوني بنج زياده ونظفوني والحمدلله يارب كنت بموت من العطش وقت الولاده ورافضين يعطوني مويه بس يبللون شفايفي يوم خلصت قلت ابي مويه قالو ابشررري توقعتهم بيجيبون جيك ابو خمسه ريال ☹ شوي جابت لي ربع كاس دافي قالت بسس 😔💔 - فكو مني الاجهزه وكل شي شالوه شعور صراحه مره جميل انك تخلصين وتنسين التعب مع ابرة الظهر كنت متوقعه خلاص ماراح احس ب اشي شي الا اني ف الدفع حسيت بقوه والمني والحمدلله يارب شي اهون من شي طولت عليكم ويمكن كلامي مب مرتب ابنصحكم بالدعاااء والاستغفار والتوكل على الله واببببرة الظهر يابنات نصييييحه لوجه الله وادعو لي 💜 واي نسيت اقولكم من كثر م ادفع واقوف راس بنتي يوم طلع صار فيه زي الطبقات مدري كيف اشرحها لان راسها يطلع واوقف شوي واكمل ☹ ! وشكراً 💜