7wamel_storiesq8 السلام عليكم,,,شكراا لج ع هالحساب المفيد..شكرا لكل اخت نزلت قصتها ،،من كل قصة استفدت شي..، تزوجت من سنه الحين والحمدلله يوم الجمعه ولدت(١٦-٩-٢٠١٦) .. يعني صارلي اربع ايام بس.. حملت بعد زواجي بثلاث اشهر.. كان الوحام اول شي متعب بعدين دشيت الخامس والسادس والسابع احلى شهور والثامن والتاسع تعب وثقل بس الحمدلله رب العالمين كانت حياتي ماشيه بانسيابيه وراحه وهدوء نفس ماكنت اضغط ع نفسي ابدا وانشغلت بمراجعة القران . وخلال الشهر الثامن امي تعبت وتنومت وسوولها عمليه وانا كنت مرافق لها بالمستشفى وكنت اقول يارب عوضني بهذا التعب انك تسهل ولادتي ..والحمدلله كان موعد ولادتي يوم العيد وولدت بخامس العيد ..ما شربت اي شي عشان يسهل الولاده فقط كنت امشي واشرب ماي واايد ولما بدا الطلق شربت حلبه صبح ومساء..بداني الطلق يوم الاربعاء بس مش منتظم رحت وكشفت كان ٢ وقالت تنويم طبعا قلتلها بروح اييب اغراضي بس شردت😂. عاد الخميس بدا الطلق ينتظم كل ١٠ دقايق والالم الحمدلله كنت اتحمله واسوي التنفس (واايد ساعدني وخفف عني) وزوجي مداوم ودوامه بعيد ..خبرته يستاذن ويجي عندنا وصل ع العصر ورحت المستشفى اكشف قالت ٢ونص يلا تنويم وانحشت للمره الثانيه ههههه.. لان الالم كان محتمل مع انه ينزل دم .. رحت بيتي طلعت الدرج ونزلت وامارس تقنيات التنفس وكل التجارب 😂وبعدها رحت امشي وزاااد الالم لكني كنت استغفر واخذ نفس وسبحان الله يا بنات بس تروح الطلقه يجيني نعااس فضيع واغفى ..صار الطلق كل ٣ دقايق .. بعد المشي طلبنا عشا وعصير اناناس واكلت لييين بس😂.. ورجنا البيت .. بعدها خلاص صرت ما اتحمل الالم حسيت اني بصرخ ..رحنا ع طول قسم الولاده كانت الساعه عشر مساء قلتلها خلاص ماقدر اتحمل بتنوم ..تنومت ويات الدكتوره تكشف قالت اثنين ونص وسوت لي توسعه (يعور بس مع التتفس والاستغفار يهوووون) ..وتسدحت وشغلت الرقيه الشرعيه وسورة مريم واستغفار والله يا بنات اني اقول هالاشياء عشان تستفيد كل ام .. سبحان الله التوكل ع الله وتفويض الامر كله له يصير الموضوع بسيط وسريع .. . طبعا كنت بروحي ما خبرت احد من اهلي ولا اهله اني رايحه اولد .. لان لو باخذ حد باخذ امي وامي حرمة كبيره فديتها ومريضة كلى (ادعولها ربي يجزاكم خير) ..المهم الممرضه اللي استقبلتني ياناس عسسل واخلاقها عاليه همزتني وواستني وشغلت لي سورة الزلزله وجلست معاي ولا عذبتني بالكشف الله يجزاها خير ..وطبعا هذا كله بالدعاء كنت ادعي ربي سخرلي ناس طيبه تصبر علي وتساعدني ..ع الساعه ٢ ليل قلتلها ابا مخدر عشان انام خلاص تعبت عطتني ابرة عشان انام خلاص تعبت عطتني ابرة وسبحان الله صار العكس ما نمت زاد الالم وايد قالت شكله الابره ساعدتج اكثر ..بعدها كشفت طلع ٦ وفتحت الماي والساعه ٥ الفجر طلع حبيبي (سميته سيف سمي ابوي الله يرحمه)..لما دفيت كنت ادف بالطريقه الصحيحه وكل هذا تعلمته من النت لذلك ما تعذبت وايد دفيت ثلاث مرات والرابعه طلع وسوتلي جراحه وخيطتني ولا حسيت والحمدلله رب العالمين ع كل شي .. لا تخافون يا بنات نصيحه هدي عمرج وارتاحي وانشغلي بالدعاء والاستغفار وكرري رب لا تعذبني بذنوبي لا الا انت سبحانك اني كنت من الظالمين.. اسفه طولت ماعرف اكتب قصص هههههه بس اللي ابا اقوله انه خلي كل حياتج لله سواءا حمل او ولاده او غيره واحتسبي الاجر يا اختي الغاليه ❣