9 years ago
  • المرحلة الأولى ( اول 3 اشهر)
مرحبا بنات انا ولدت لي ١٤ يوم صراحه ولادتي كانت صعبه والحمد لله ربي نجاني انا وبنتي ع اخر لحظه قبل ولادتي بيوم صار راسي يعورني ورجولي ورمه وتنفخت حيل وكان موعدي ثاني يوم رحت عادي ومثل الروتين الدايم سويت فحص بول تكرمون وضغط وطلع ضغطي مرتفع حيييل ١٩٣ وكل شوي تسال الممرضه انتي تعبان معصب فيك ضغط واقولها لا ودخلوني ع طول للدكتوره قالت معاك تسمم حمل بس مادامك بالاسبوع الاربعين ولاده على طول وانا فرحت وابشر اهلي 😢وقاست قالت فاتح ٤ يالله ع غرفه الولاده نزلت وعلى طول فتحو مويت الراس وعقبها بدو تحاليل وبدا الطلق الله يسامحهم المفروض التحاليل بعدها المويه وانا اصيح ابي ابره الظهر وبعد نص ساعه طلعت التحاليل وعطوني الابره ابد مايمدي تخدرت الا جتني الدكتوره حسبي الله عليها قالت يالله اولدك وتصيح علي وشقتني شقين واحد منهم خطا طبي ودخلت ادينها قسم احس فيها واصيح اقول للحين ماتخدرت وهي تقول دفي والطاقم كله واقف يشجع شوي قامت طولها قالت خلاص شوفي انا اخلي مسوؤليتي اذا ولدتي طبيعي الطفل بيموت او قيصري ويطلع معوق ويموت ماتتصورون الصياح والخوف اللي انحطيت فيه تخيلو الطاقم اللي معاها انصدم يقولون حرام تعبانه وفيها ضغط كذا تقولين وهي تصايح انا مالي دخل ياهي تموت ياللي فبطنها قلت لها انا اموت عادي اهم شي اللي فبطني يعيش ولديني قيصري حتى لو معاق ودخلوني الولاده وانا ابكي وههم يسون العمليه وطلعت بنتي ودوها العنايه المركزه وانا ودوني قسم الافاقه اسال عن بنتي يقولون ماندري و

24 تعليقات

العضوة: 28630 , 9 years ago

وتمسكني رجفه بجسمي يحطون اكياس حرريه ومناشف حاره وانا انتفظ ودخلو امي علي تخيلو ماعرفتني مع اني انا ووحده بس معاي وتقول وين ريم وانا اصيح اقول يمه انا هنا وهي تبارك ي قلبي قلت لها كذا وكذا يمكن ماتت البنت اطلعي علمي زوجي وتطلع وتقوله وهي تصيح وهو قال الحمد لله بروح اسال وراح وشاف البنت بالعنايه حاطين اكسجين وطمنته الدكتوره ان البنت الحمد لله وصعها ممتاز وتتنفس طبيعي وحتى الدكتوره جت تشوف وش صار ع البنت وانصدمت انها عايشه وكلامها خطا ورجعوني قسم الولاده وحطوني لحالي بغرفه ومعاي ممرضه وطفو الانوار ومغذي مغنيسيوملمده ٣ ايام ماشفت احد من اهلي يبون الضغط ينزل ومو راضي واسال عن بنتي

العضوة: 28630 , 9 years ago

الا زوجي مصورها ويترجاهم يدخل يشوفني وشفتها وتطمنت بعدها جاني الم فضيع ازود من الولاده بالكتف وجنبي قالو اكيد من الضغط الكبد او الكلا ضربت معها ويالله اتنفس اصيح اقول راح اموت وودوني اشاعه طلع هوا داخل وقت العمليه بين الضلوع وطلعوني بعد ٤ ايام للجناح وبنتي نقلوها للعنايه المتوسطه طلعت انا من المستشفى وبعد ٣ ايام طلعو بنتي معاي الحمد لله وهذي هي جنبي والحمد لله ع النعمه وحسبي الله ع الدكتوره طلعت من الموت والحمد لله

العضوة: 17964 , 9 years ago

@user-28630حمد الله عسلامتك وسلامه بنتك انتي كنتي باي مستشفى

العضوة: 28630 , 9 years ago

انا بمدينه الملك عبد العزيز الحرس الوطني اتوقع كذا اسمه

العضوة: 27513 , 9 years ago

الحمدلله على سلامتكم من جد اي مستشفى ؟!

العضوة: 21582 , 9 years ago

يالله ولادتك جدا صعبة الحمدلله اللي ربي نجاك منهم.. الحملله ع سلامتك انتي والبنوتة

العضوة: 10571 , 9 years ago

الحمدلله على سلامتك وسلامة بنتك وحسبي الله على الدكتوره 😢

العضوة: 24072 , 9 years ago

ماشالله ربك جابك في واقت مناسب انا زيك تقريب ماتت بنتي في بطني من ولادتها لأنه ماكنت اعرف تسمم الحمل الحمدالله علي كل حال الله يرزقني في حملي الثاني يعوضني ربي مبروك ماجاكم حبيبتي الحمدالله ع سلامتك سلامت النونو 😭..

العضوة: 12119 , 9 years ago

الحمدلله على سلامتكم والله يحفظها لج وربي يكتب لج الاجر والثواب

العضوة: 14104 , 9 years ago

حمدا لله على سلامتك وعلى البركه ماجبتي

العضوة: 36135 , 9 years ago

ي الله الحمدلله ع سلامتج 😢💔 @user-28630

العضوة: 3263 , 9 years ago

حمدلله ع سلامتك وسلامة النونو ...

العضوة: 3263 , 9 years ago

اي منطقه ذا المستشفى ..

العضوة: 29077 , 9 years ago

الحمدلله على سلامتكم 😭

العضوة: 24400 , 9 years ago

مبارك والحمد لله على السلامه.