9 years ago
  • المرحلة الأولى ( اول 3 اشهر)
لكل بنت لسا في بيت أبوها أرجوووووكي استمتعي على قد ما بتقدري ... ١- نامي كتيييير و لما تقومي ارتاحي شوي و بعدين كملي نوم .. اختمي ١٢ساعة نوم وإذا حدا صحاكي من النوم ارجعي عيدي من الأول .. بكرة لما تتجوزي و يصير عندك ولاد مارح تعرفي ترمشي مو بس تنامي رح تتحولي لزومبي عايش بالبيت ( أغنية الست دي أمي أصلها الست دي زومبي سهرانة طول عمرها ) ٢-اي شي بيوجعك اركضي لعند الدكتور و اطمني على حالك ولا تهملي حالك استمتعي بنعمة انك قادرة تحددي للدكتور مكان الوجع .. بعد ما تتجوزي و يصير عندك ولاد مارح تقدري تحددي الوجع جاي منين بالضبط لأن كل شقفة بجسمك بتكون عاملة مع التانية سيمفونية أوجاع ٣- قد ما فيكي احكي مع صاحباتك و زوريهم و بعد الزيارة ارجعوا احكوا مع بعض .. لأنه بعد ما تتجوزي و يصير عندك ولاد رح تنسي شكل صاحبتك و لما تفكري تحكي تلفون رح يكون نص الحديث معها والنص التاني ( فوت غسل ايديك .. شو وقعت عالأرض .. وطي صوت التلفزيون .. كمل دروسك .. ااااه معك انا معك 😏) أو اذا كان أصغر ((خدي بده يحكي معك .. وهو عم يتنفس بأدن رفيقتك لا راضي يحكي ولا قبلان يعطيكي السماعة )) ٤-كلي كلشي بالبيت حتى اذا قدرتي كلي أبوكي و أمك لأن بكرة بس تتجوزي و تخلفي رح يبقى الأكل قدامك وانتي قاعدة عينك بتطلع عليه بس مستنية دورك ااااه دورك لا تستغربي ٥-اشربي شاي كتير قد ما بتقدري قبل الأكل و بعد الأكل و بوسط الأكل .. لأنك بعد الجواز و الخلفة كاسة الشاي بالنسبة الك يا باردة يا رح تنكب عليكي سخنة يا حدا عم يشاركك فيها و فجأة رح تتعكر هي ومزاجك سوا .. ٦- قضي نص يومك بالحمام ماتستعجلي خدي كتبك و موبايلك وقضي الويك أند بالحمام .. لأن بعدما تتجوزي و تخلفي رح تفوتي الحمام بأعجوبة و يا ريت لحالك رح يكون ولد معك جوا و تنين واقفينلك عالباب وكأنك آخدة تصريح دخول الحمام تحت المراقبة

14 تعليقات

العضوة: 35550 , 9 years ago

ههههههههههه فعلا

العضوة: 11636 , 9 years ago

هههه والله صدقتي

العضوة: 30102 , 9 years ago

قضوها ببر ومساعدة والدينكم لانه بعد ماتتزوجي رح تحتاجي ماماتك وتبكي لترجعي عندها وتندمي ع كل شي سويتيه وماساعدتيها ولا فرحتيها لانك بجد رح تبعدي عنها

العضوة: 38524 , 9 years ago

هههههههه اي والله

العضوة: 43181 , 9 years ago

جد طنشوو وعيشي حياتك فبيت ابوك او بيت زوجكك. استمتعي لـ انك بتعيشي مره وحده بالعمر عيشي كل لحظه

العضوة: 35989 , 9 years ago

نسيتى اختى انهم سوف يكبرون ويتزوجون ويدعون لكى بيت فاضي وهذا الذى تتضمارينا منه سوف يبقي ذكريات جميلة راح تتذكريها وانتى تضحكى وتبكي فى نفس وقت اذا تمتعي اختى بكل لحضة سوف يكبرون يوما ما وتشتاقي اليهم كثيرا

العضوة: 34047 , 9 years ago

ههههههههههههههههههههههههههههههههههههههههههههه بالذات الحمام 😂😂😂😂😂😂😂😂😂صايره معاية😂😂😂😂😂😂

العضوة: 35239 , 9 years ago

@user-37060 خههخخخخهههه

العضوة: 32629 , 9 years ago

@user-37060 والله يا حبيبتي انا عم اقرى حكايتك وعم اضحك لاني متلك بالظبط مو ااخد راحتي بنوب انا متلك تماما عم افتكر اليوم الي كنت اسهر فيه واصحى ايمت ما بدي انام واكل واخرج واحكي متل ما بدي اييييييه وينهم دوك الايام حاسا نفسي بعسكرية عم نفذ شو بيطلبو مني ااااخ على ايام النوم والخروج والحكي وايام كنت اجلس ااكل براحتي وجعتيلي قلبي😂😂😂😂😂😂😂😂

العضوة: 21078 , 9 years ago

ههههههههههههههه م يحس بالنعمه الا اللي فقدها صح كلامك١٠٠٪

العضوة: 32990 , 9 years ago

@user-37060 لك الحمد ياربي على نعمة الأطفال يا اخوات اشكروا الله على نعمة الأطفال هذه كلها ستكون زكريات استمتعوا بكل لحظة من طفولتهم ايام وسوف يكبرون الله يحفظ أطفالنا ويجعلهم صالحين مصلحين ويمد في أعمارهم ويجعلهم غرو عين لنا