خبر بجد ديقني جدا و قلقني عندنا في مصر زوجه لاعب معروف توفت بسبب تسمم الحمل و طبعا يا جماعه كل ده طبعا قضاء ربنا بس لازم ناخد حظرنا و ناخد بالاسباب الي ممكن تضع طفلنا و حياتنا في خطر و اهمها عدم المتابعه مع طبيب اثناء فتره الحمل ،، بالله عليكم بلاش نكسل و لا ناجل و لا نوقف ادويه من دمغنا و لازم نعرف ان زمن اهلنا غير زمنا ، اهلنا مكنش عندهم التلوث الي في الجو و الاكل زينا اهلنا كانت صحتهم مختلفه و ظروفهم مختلفه مكنوش بيحتاجو تحاليل ولا تطعيمات ولا ادويه فبلاش نقارن نفسنا بيهم و مش عشان واحده و لا عشره نعرفهم مكنوش بيتبعو و حملهم كمل علي خير يبقا نقلدهم و نقول عادي يا جماعه كل واحده حملها مختلف عن التانيه و في واحده ممكن تمر بمضاعفات التانيه متمرش بيها و اهم حاجه في المتابعه قياس الضغط و التاكد من نبض الجنين و حجمو ده بيتوقف عليه حاجات كتيره جداا ،، نصيحه لوجه الله و ربنا يكملنا علي خير و ييسر امورنا و يحفظ حمل كل واحده امين ،،