هلو بنات شلونكم حبيت افيدكم ببعض النصائح للحمل بتؤم ان شاء الله تكون سبب نبدأ بأسم الله اول شي تسويه لازم تنضفين الرحم بأيام الدوره واني اكلج شلون تنضفيه جيبي تمر وبذور رشاد وكمون وحبة حلوه وزنجبيل مطحون كل هالمواد طبيعيه وماتضر ابدا اخلطيها واكلي منها من اول يوم الدوره الى يوم 12 من الدوره طبعا هالمواد تنضف الرحم وبنفس الوقت تنشط المبايض وبهالحاله احنه ضربنه عصفورين بحجر الشغله الثانيه حبيباتي اول يوم الدوره جيبي اناناس او عصير الاناناس الطبيعي واشربي كاستين باليوم على الريق وابقي وراها نص ساعه ياله تاكلين عصير الاناناس جدا مفيد لتنشيط المبايض الشغله الثالثه كل يوم اكلي 3 ملاعق كبيره سمسم ابيض غير محمص والسمسم ايضا مهم جدا جدا الشغله الثالثه والاهم والي هواي جربوها مايحملون والحمد لله حملن بفضلها روحي للعطار وجيبي ميرميه وبردقوش هالعشبتين لو شكد مااحجي عنهن مااكدر اوصف شكد مهمات للانثى وللحمل وتنشيط المبايض وتكبير البويضه ويعالجن خربطة الهرمونات اخذي ملعقه من الميرميه وملعقه من البردقوش خليهم بكلاص كبير وصبي فوكهن مي يغلي وغطيهن ربع ساعه واشربيهن مرتين باليوم كرري هالشي كثري من الحليب والاجبان والبيض لازم قبل شهر على الاقل والاحسن 3 اشهر تبدين تاخذين حبوب الفوليك اسيد وكلنه نعرف هالحبوب شكد بيها فوائد عجيبه للمبايض اخذي منها باستمرار راح ترفع نسبة الحمل بتؤم 70 باالميه واخيرا وليس اخرا اذا جان اكو عدكم عامل وراثي بالتؤم من جهه الام او ام الام راح تكون نسبة حملج بتؤم اكبر وبالاخير لازم تتابعين ايام الاباضه وتشوفين كم بيضه نازله وشكد حجمهن ملاحضه بنات كل هالاشياء الي ذكرتها تاخذيها من اول يوم الدوره الى يوم 12 من الدوره تتوقفين اذا مصار حمل ممكن تكرريها بالدوره الثانيه واني عفت الاشياء الي مو طبيعيه والي ممكن تضر مثل الكولوميد وغيره وانطيتجن فقط الاشياء الطبيعيه