انا حبيت اكتب تجربتي في تأخر الحمل عشان اعطي اي وحده تأخرت بالحمل جرعة أمل وتفاؤل ، ولأني حسيت بإحساسهم وعرفت وش كثر هالشي يأثر على الانسان
( بسم الله الرحمن الرحيم)
انا تزوجت وبعد ٤ شهور من الزواج اصبت بمرض السكري والحمد لله على كل حال و من سادس شهر زواج بديت افحص وكل مارحت مكان قالو لسى بدري لازم بعد سنه نسوي لك تحاليل تأخر الحمل، وبالفعل بعد سنه فحصت وقالو هرمون حليب وزوجي سليم الحمد لله ، كنت احس بثقل وألآم في صدري ما اخذت له ادويه ابداً شربت البردقوش والمراميه ٢٠ يوم ووقفتها وبعدها بشهر عدت التحليل وقالو طبيعي انتظم ، وبدت محاولات الحمل مع المعالجات الشعبيات والحجامه والتمريخ وكل اعشاب الدنيا جربتها عشبة المدينه والقسط وكل وحده تبيع خلطات تنشيط جربتها لدرجة ذقت امر الاعشاب اشربها وانا جمب الحمام على طول اشربها واستفرغ ، ومعدتي تعبت من كثر الاعشاب وبدون نتيجه .. يتبع
العضوة: 2424 , 9 years ago
بعد سنه ونص من الزواج رحت عدت التحاليل بعد الاعشاب والتمريخ والحجامه وكل شي ، قالو عندك هرمون ذكوره ! صرت البس ذهب طول الوقت لأني سمعت انه يزيد هرمون الانوثه وسويت سونار عالرحم قالو رحمك مقلوب بس مايأثر على الحمل ، وصرت اخذ حبوب زيت زهرة الربيع المسائيه ، ، وشهرين وعدت التحليل قالو انتظم وهرمون الانوثه عندك مرتفع!!! مافهمت كيف مرتفع بس طنشت لحد ماكملت سنتين زواج بالضبط ، بعد سنتين رحت سويت تحاليل من جديد وفحوصات وقالو عندك تكيسات شدييييده في المبايض وضعف تبويض ! وجداً تحطمت لأني كنت اسمع ان التكيسات صعبه جداً وعلاجها يطول ! .. يتبعالعضوة: 32060 , 9 years ago
@user-2424 رفعالعضوة: 2424 , 9 years ago
سكري كان جداً مرتفع حتى على الريق يوصل ٣٠٠ وعليها بدون ما آكل شي ! وحالتي النفسيه جداً سيئه! ماهو تسخط ولا عدم رضا بس الناس يجرحوني كثير او تجي وحده في العيد في وسط الناس تقول لي ماحملتي؟ وتجرحني في وسط الناس بعدين تقول لي الله يرزقك!! انتي اذا تحبيني وتبين لي الرزق ادعي لي في ضهر الغيب مو تذكريني وتحسسيني ان عندي نقص !!! وفوق ذا في وسط الناس والكل يسمع!! ، انا شخصيتي ماني حساسه بس صرت حساسه غصب عني !!! الناس ماترحم والله !! او تجي وحده تخبي بطنها عنك عشان ماتدرين انها حامل وانتي عارفه مدري ماتبي تجرحني ولا خايفه احسدها !!!.. يتبعالعضوة: 2424 , 9 years ago
تخيلتو معي وش كثر هالشي يجرح؟ اذا ماتبين تجرحيني بيني لي انو عادي ولا تحسييني اني ناقصه شي ولا تخبين عني لأن اللي تسوينه هو اللي يجرحني ويحسسني بالنقص صدق حتى وانا ناسيه!! او تجين في قروب قريباتك وحده حامل وتقول لكل القروب في الخاص وماتقول لك !!! تنصدمين بعد ما تولد الكل تكتشفين انهم عارفين ومتحمسين يستنونها تولد وانتي اخر من يعلم !! ليش طيب؟! وش المغزى !!! انتي تخافين على مشاعري بس ترى لو قلتي لي مثلي مثلهم ابداً ماراح انجرح لأنك ماحسستيني اني ناقصه شي وتعامليني طبيعي !العضوة: 3449 , 9 years ago
الله يفرجهه عليكي حبيبتي ويصبر قلبك .. متابعه القصهالعضوة: 32060 , 9 years ago
@user-2424 كلامج صح انه متزوجه صارلي4سنوات صارحمل واجهضت قبل سنه ولحد هسه ماكو حملالعضوة: 32060 , 9 years ago
@user-2424 والله انه زوجت حماي طلعت حامل ورا زواجي بسنتين وماكالو حامل لمن صار عليه 6اشهر بعدين حجو حامل والله بالعكس افرح لوحده حامل ليش ازعل اكول بالكت انه وراهم اطلع حاملالعضوة: 2424 , 9 years ago
والمصيييبه اذا اكتشفتي ان اللي تخبي هالشي خايفه من الحسد !!!! يا الله على كمية الجهل !!! موب كل من انحرم من شي يحسد!!! حرام اتقوا الله هالشي جداً يجرح والله العظيم!!! ترى فيه ناس عندهم البيت مليان اطفال وتحسد اللي تحمل !!! الحسد موب مختصر على المحرومين !!! مثل مافيه محروم يحسد فيه ذا نعمه يحسد!! ومثل مافيه ذا نعمه يحمد ربه ولا يفكر يحسد فيه بعد محرومين يحمدون الله ولا يفكرون يحسدون !!! .. يتبعالعضوة: 32060 , 9 years ago
@user-2424 الله يرزقك الذريه الصالحه ويقر عينك بشوفت ضناج يارب العالمين هو ارحم الراحمينالعضوة: 2424 , 9 years ago
عمري مافكرت احسد احد ولا اتمنى لأحد الشر حتى اللي يعادوني !!! تبغوني احسد احبابي واقرابي!!! كان اكثر شي يقهرني ان بعض الناس الجهله يفكرون ان المحروم يحسد اللي عنده اطفال! والمريض يحسد المتعافي! والفقير يحسد الغني!! وش هالتخلف والمرض!! يعني فوق اللي صابه وألمه وتعبه ماتراعونه تقومون تزيدون عليه بعد!! كنه انسان سيء !!! .. يتبعالعضوة: 2424 , 9 years ago
المهم حبيت احطكم في الصوره واحسسكم بوضع اي وحده متأخره بالحمل ! ، نرجع لموضوعنا الاساسي بعيداً عن جهل بعض الناس ، السنه الثالثه من زواجي قررت ابعد واعتزل الكل واتفرغ لعلاجي واراعي نفسيتي قبل كل شي ! .. يتبعالعضوة: 2424 , 9 years ago
بديت متابعة التبويض وقالت لي الدكتوره ماراح ينفع معك التنشيط لازم تسوين ريجيم ، وبالفعل سويت دايت وكان دايتي اكل صحي تماماً بدون قيود بس اكل صحي بدون مقلي وبدون سكر والملح قليل والخبز بر وكنت اسوي رياضه واشرب مويا كثيييير ، في ٣ شهور نزلت من وزني ١٢ كيلو والحمد لله رب العالمين .. يتبعالعضوة: 2424 , 9 years ago
وكنت اخذ منظم السكر لأن طبيب السكر صارفه وطبيبة النساء ايضاً ، والمفاجأه بعد نزول وزني سكري بدا ينتظم والتراكمي صار نسبته طبيعيه ووقف لي الطبيب ادوية السكر وجلست بس على المنظم الحمد لله !! ٣ دكاتره انصدمو كيف السكر يصيب انسان ٣ سنوات تقريباً ويثبت معه وياخذ ادويه وبعدين يرجع طبيعي !! قالو لي مستحيييل انتي ماكان فيك سكر ابداً مافيك ولا حتى نسبه بسيطه!! وماصدقو الا لما شافو تحليل التراكمي القديم والجديد وقارنو!!.. يتبعالعضوة: 2424 , 9 years ago
القديم كان ٩ونص من ١٠ !!!! كان عالي جداً بس باقي نص درجه ويوصل اعلى نسبه للسكر ويصير خطير جداً !! والجديد خمسه ونص !! والنسبه الطبيعيه ٦ ونص ، سبحان الله العظيم مافيه على الله شي صعب ، بعد هالمعجزه زاد ايماني وثقتي بالله وعرفت اني زي ماشفيت من السكر تماماً راح الله يرزقني بالضنا الصالح ! وبدت تتحسن نفسيتي ومرتاحه ومعتزله كل انسان يتعب نفسيتي .. يتبعالعضوة: 2424 , 9 years ago
رحت لدكتورتي لمتابعة التبويض وقالت التكيسات خفت الحمد لله والحين نقدر نسوي تنشيط ان شاء الله بيجيب نتيجه ، سويت تنشيط ٦ شهور كامله وكانت كلها بدون نتيجه تفرح الا اخر شهرين منها .. يتبع