9 years ago
  • المرحلة الأولى ( اول 3 اشهر)
انا حبيت اكتب تجربتي في تأخر الحمل عشان اعطي اي وحده تأخرت بالحمل جرعة أمل وتفاؤل ، ولأني حسيت بإحساسهم وعرفت وش كثر هالشي يأثر على الانسان ( بسم الله الرحمن الرحيم) انا تزوجت وبعد ٤ شهور من الزواج اصبت بمرض السكري والحمد لله على كل حال و من سادس شهر زواج بديت افحص وكل مارحت مكان قالو لسى بدري لازم بعد سنه نسوي لك تحاليل تأخر الحمل، وبالفعل بعد سنه فحصت وقالو هرمون حليب وزوجي سليم الحمد لله ، كنت احس بثقل وألآم في صدري ما اخذت له ادويه ابداً شربت البردقوش والمراميه ٢٠ يوم ووقفتها وبعدها بشهر عدت التحليل وقالو طبيعي انتظم ، وبدت محاولات الحمل مع المعالجات الشعبيات والحجامه والتمريخ وكل اعشاب الدنيا جربتها عشبة المدينه والقسط وكل وحده تبيع خلطات تنشيط جربتها لدرجة ذقت امر الاعشاب اشربها وانا جمب الحمام على طول اشربها واستفرغ ، ومعدتي تعبت من كثر الاعشاب وبدون نتيجه .. يتبع

213 تعليقات

العضوة: 2424 , 9 years ago

اخر شهرين قبل الحمل ، الشهر الاول وصلت بويضتي ١٦ الحمد لله صح النسبه مايصير معها حمل بس اول مره تكبر كذا كانت ما تتعدى ٨ مع التنشيط ! بس كنت متفائله ومرتااااااحه الحمد لله وصار عندي اصرار استمر اكثر وكنت ابكي اقول للدكتوره عطيني ابرة تفجير وهي رافضه قالت بنستنى تبويض الشهر الجاي اذا ما كبرت اكثر صدقيني اوعدك اعطيك الشهر الثاني تفجير .. يتبع

العضوة: 2424 , 9 years ago

متابعين معاي ؟ 🌚 ولا تعبتكم وطولتها؟

العضوة: 22466 , 9 years ago

متابعين كملي

العضوة: 32060 , 9 years ago

@user-2424 كملي حبي

العضوة: 2424 , 9 years ago

اخر شهر قبل الحمل بديت اقرأ سورة البقره يومياً اقرأ جزء واخذ ٣ ايام عشان اختم ال٣ اجزاء! كنت ابدى قبل بدايتها سورة الفاتحه وكل ماختمت البقره اعيدها ما اخليها ولا يوم !! كنت الح بالدعاء والهمني الله ادعيه ادعيها في صلاتي وسجودي وبعد الصلاه منها/ في السجود ، ربي لا تذرني فرداً وانت خير الوارثين ، ربي هب لي من لدنك ذرية طيبه انك سميع الدعاء ، ربنا اتنا في الدنيا حسنه وفي الاخره حسنه وقنا عذاب النار .. يتبع

العضوة: 2424 , 9 years ago

وبعد الصلاه كنت ابكي من قلبيييي احس اني ارتاااح كل مابكيت وشكيت لله همي ، كنت ادعي اقول يافطر السماوات والارض افتح ابواب السماء لدعواتي ، كنت اقول يامن يجيب المضطر اذا دعاه استجب لي وابكي بحرقه من قلبي وادعي الله يرزقني ويفرح قلبي وادعي انه يجبر قلبي ويجبر خاطري بالضنا الصالح ، اقول يارب وان عجز الاطباء فأنت الذي لا يعجزك شي في الارض ولا في السماء .. يتبع

العضوة: 2424 , 9 years ago

كنت مستمره عالمنشط ، وكل يوم الصباح اكل ملعقة عسل اصلي واكل شوي حبه سوداء وسمسم ، وكنت اكل مع الوجبات وبينها اناناس وكنت مرتاحه جداً كنت احس ان الله يسمعني وانا ادعي كنت احس اني بفرح هالشهر وجت ايام التبويض ووقفت كل شي استخدمه واستمريت فقط على سورة البقره

العضوة: 2424 , 9 years ago

شافت الدكتوره البويضه وانصدمت قالت انتي شو ماكله ؟؟ بويضتك كبيره جداً حجمها ٢٤ !!! وممكن من كبرها ما تنزل تتحول كيس !! بس انا ماتحطمت هالمره مدري ليش احس بفرحه وبالفعل رجعت البيت وانتضمت عالجماع يوم ويوم لا ورحت اليوم ١٤ وقالت البويضه نزلت لازم يصير جماع اليوم ! وصار وكنت مستمره على سورة البقره وفرحااانه كثير مدري وش السبب .. يتبع

العضوة: 2424 , 9 years ago

جا موعد الدوره ما نزلت وعدت ١٠ ايام مانزلت ، ماكنت ابي احلل بدري مع اني كنت احس بنغزات والم وادوخ جداً ، وبعدها حللت في البيت وطلع خطين واضحيييين من الفرحه نسيت نفسي واقعد اصارخ وانطط بشده خوفت زوجي جاي يركض يقول وش فيك وانا اببببكي 😭😭😭 الحمد لله يارب ..

العضوة: 2424 , 9 years ago

كان من بداية حملي كل شهر ينزل شوي دم واخاف جداً وكل حملي مشاكل ، لحد ماوصلت اخر الشهر الثالث وهنا كانت المفاجأه حامه بتوأم مابانو من البدايه لأنهم في كيس واحد 😭 من الفرحه مدري كيف اشكر الله سبحانه بعد ٣ سنوات صبر عوضني بتوأم طول الوقت اسجد وابكي مدري كيف اشكر ربي .. يتبع

العضوة: 2424 , 9 years ago

عدت الشهور بمشاكلها لحد ما دخلت نص الرابع وصارلي نزيف شديد وقالو المشيمه نازله جداً وتنومت بالمستشفى اسبوعين وطلعت وارتحت في البيت بعدين ارتفعت ، وفجأه في اخر الشهر الخامس قبل الشهر السادس بإسبوع واحد بس توفوا الاجنه الاثنين والحمد لله على كل حال يااارب كنت مابي ابكي ولا اتسخط بس احيانا ابكي غصب عني لأني تعودت على حركتهم وشفتهم بعد ما نزلتهم كانو كاملين مافيهم شي ، وكنت متفائله ان اللي رزقني اول مره بيرزقني مره ثانيه.. يتبع

العضوة: 35989 , 9 years ago

ابكيتنى قصتك بصراحه فرحتك بحمل افرحتنى حتى بكيت الحمدلله ربي يجعلهم صالحين ويتربو فى عزك وعز ابوهم ويجعلهم بارين بيكم الحمد لله

العضوة: 2424 , 9 years ago

بعدها بشهرين عوضني ربي عوض سرييييع الحمد لله ياااارب وحملت بجنين واحد بدون اي تنشيط حملت طبيعي والحين انا في بداية الرابع اللهم لك الحمد كما ينبغي لجلال قدرك وعظيم سلطانك ! حتى دكتورتي موب مصدقتني اني ما اكلت اي منشط سواء طبيعي ولا طبي لأن التكيسات رجعت بس سبحان الله قدرة الله فوق كل شي .. يتبع ❤️

العضوة: 2424 , 9 years ago

حبيت اكتب هالقصه لكل وحده متأخره بالحمل واقولها لا تيأسين ثقي بالله سبحانه لأن الله عند ضن عبده فيه ! وقالها رسولنا الكريم تفائلو بالخير تجدوه! ومقوله لعلي بن ابي طالب يقول كل متوقع آت !!! اصلا التشاؤم واليأس من سوء الضن بالله !! خذو بالاسباب واتكلوا على الله وفوضوا امركم له وصدقوني بيفرحكم سبحانه ❤️.. يتبع

العضوة: 2424 , 9 years ago

اي انسان يحاول يتعبكم ويحسسكم بالنقص سواء بقصد ولا بدون تجاهلوووه مهما سووا الناس الرزق على الله ماهو عليهم ولا تنجرحون من تصرفات احد لأن كل واحد يمثل عقليته بتصرفاته واحمدوا الله على العافيه مما ابتلاهم به من جهل كل ما شفتو هالاشكال ، خلوكم اقوياء ولا يهزكم شي لأن اللي كتب هالشي الله وحده ومادام كتب تأخير فيه خيره بس احنا مانعرفها لأننا مانعلم الغيب .. يتبع