10 years ago
  • المرحلة الأولى ( اول 3 اشهر)
اسعد الله اوقاتكم بكل خير 🌹 ،، الحمد لله ع سلامة كل وحده ولدت وشافت ضناها ،، والله يقوم كل ام حامل بالسلامه ويناولها اللي فبالها ،، والله يرزق كل حرمه للحين تحلم بالحمل والضنا بالخلفه الكامله اللي تسعدها ،، ولدت ولله الحمد وصار عمر بنتي شهر و٦ ايام بس اقولكم جد كانت اول الايام سهله وهينه لاني كنت فبيت امي امي كانت تساعدني واختي الكبيره كنت مااحس بصعوبه او تعب رجعت بيت زوجي لي يومين وجد مااقدر اوصف لكم مدى المعاناه اللي انا فيها من قل نوم وسهر وتعب يبكي الطفل وماندري وش فيه وان نام ينام بوقت غلط وصعب تنامين فيه لان الحياه مو بس طفل فيه بيت وزوج واولويات يعني كل شي صاير صعب ،، ودي اعرف كيف تقدرون تقومون بكل شي سواد حتى زوجي حاس بالفرق اني ماعدت معاه وقايمه فيه مثل اول وانا احس اني فاقدته ومشتاقه له بالذات اني كنت معه ٢٤ ساعه وماكان يبعدنا الا الدوام بس الحين بمجرد نجلس مانقدر نقعد لو ٥ دقايق سوا احد حاس بنفس المعاناه اللي احس فيها ؟؟ وشنو الحل برايكم ؟؟

15 تعليقات

العضوة: 18596 , 10 years ago

طبيعي حبيبتي لانه شي جديد دخل حياتك لكن مع الوقت تتأقلمين ويتعدل شوي شوي نوم الصغير كل ماكبر في العمر وهذي هي حياه الام مافيه راحه ابد ماصار لها ثلاث حقوق من فراغ الله يجعل امهتنا في جنات النعيم يارب

العضوة: 15172 , 10 years ago

المعاناة لابد منها بس اهتمي بطفلك اعرفي ليه يبكي ومن ايش فبتقدرين تهدينه وتهدأ الحياة معاه والا اكيد كل شيء يتغير لما يجي طفل النوم الاكل القعدة مع الزوج الرومانسية :( والله يعينك ويعيننا

العضوة: 2116 , 10 years ago

اي والله صدقتوو الله يسعدكم نورتوني بإطلالتكم 🌹

العضوة: 4052 , 10 years ago

ريمي وحشتيني يا عمري كيف صحتك وصحة الاميرة والله موضوعك ع الجرح تماما😢

العضوة: 2116 , 10 years ago

اهلين ام شهود والله وانتي واحشتني ،، شخبارك ؟ طمنيني عنك وعن النونو عساكم بخير ،، والله ياام شهود من حر مافيني هالموضوع بس ربي يعطينا الصبر والطاقه اللي نقدر نقوووم فيهم وفي بيوتنا وازواجنا ،، والله يحفظهم ويخليهم لنا يارب

العضوة: 4052 , 10 years ago

الله يسلمك حبيبتي صدقتي مالنا غير الصبر الله يقوينا والله احيانا يجيني اكتئاب واقعد ابكي من وضعي الزفت ام زوجي عايشة عندي ولا تساعد انا اللي اسهر مع البنت واطبخ واغسل ظهري انكسر وعندي ولد كمان الله يقوينا ويرزقنا برهم يا رب

العضوة: 4052 , 10 years ago

وزوجي احسه طفش مني المسكين ماعندي وقت له ابد واحيانا ينام من غير ما يشوفني احسه محروم

العضوة: 2116 , 10 years ago

يعني الحال من بعضه ياام شهد 😰 الله يكون بالعووون النوم من جهه ومسؤولية البيت من جهه ثانيه والزوج له حق علينا احسهم يندمون انهم تهورو وخلونا نحمل 😂😂😂

العضوة: 4052 , 10 years ago

شكلهم هههههههه حبيبتي مو على فاضي يصيرون اباء لازم يصبرو شوفي حنا كيف حالتنا نتعذب ونسهر وتعبانين كمان بس الحمدلله فترة وتعدي

العضوة: 12171 , 10 years ago

كل أم رح تحس بهذا الشعور طبيعي جدا ببيت اهلك فيه من يساعدك بس ترجعي لبيتك تصير مسؤلية الطفل كلها عليك بالاضافه للبيت والزوج شي طبيعي جدا ومع الوقت رح تتعودي وتنظمي وقتك نوم الطفل ماراح يتعدل وينتظم تمام الا بعمر ٤ اشهر بس هو غالب وقته يكون نايم احرصي وقت ينام النومه الطريله تنامي والنوم المتقطع تخلصي فيه شغلك لكن الوضع جدا طبيعي ومافيه ام مامرت بهالحاله☺️

العضوة: 4052 , 10 years ago

صح كلامك اختي الجنة مو بسهولة تحت اقدام الامهات الله يرزقنا برهم ويحفظهم لنا

العضوة: 2116 , 10 years ago

معك حق ياروزانا ،، الله يقدرنا ونقوم بخدمة هالنعمه على اكمل اوجه والله يخليهم لنا يارب ويرزقنا برهم

العضوة: 11365 , 10 years ago

ي الله خوفتوني من هم المسؤوليه 😫💔

العضوة: 14199 , 10 years ago

افضل حل اختي المشاركة انتي وزوجك خليه يستمتع بمداراة طفله يشاركك التفاصيل ، لاتخليه ينتظر منك زي اول وانتي مشغوله بالططفل ،، خلي طفلك محور اهتمام البيت اتمنى وصلت فكرتي لك

العضوة: 2116 , 10 years ago

@user-14199 حالياً جالسسسه اعمل مثل ماقلتي زوجي الله يعطيه العافيه صايره يده بيدي ع طول ارضع بنتي واشبعها واخليه ياخذها وانا اقوم اخلص اشغالي واوقات انام وهي معه ومبسسوط فيها وطاير فضروري المشاركه الحمد لله انه معي وعندي لو لوحدي اكلت هوى والله