9 years ago
  • المرحلة الثالثة (الأشهر 9,8,7)
السلام عليكم بنات بعرف انو هذا البرنامج خاص بس بمواضيع الحمل ومابيصير فيه المواضيع الخاصة بس بدي مساعدتكن وبتمنى الكل يساعدني او ع الأقل يدعيلي انا من32يوم كنت حامل وبأخر الشهر الثامن ولدت بنتي ولادة مبكرة وتوفت بعد الولادة بساعة مالحقت شوفها وضمها ع صدري حتى انو دفنوها بدون ما شوفها او المسها واحترق قلبي عليها كانت عندها مشكلة بالعظام وقف نموها بالاسبوع 23 ولمن ولدتها كان حجمها صغير وما تحملت تعيش وتوفت 😢😢😢وتركتني لحالي💔💔 وانا صارلي 32 يوم من توفت بنتي وزوجي من وفاة بنتي تغير علي هو من اول زواجنا ماكان منيح معي بس هلأ معاملتو صارت اقسى صار يجيني سكران واحيانا يضربني ويغلط علي قدام اهلو او يطردني من غرفتي وانجبر نام مع اخواتو البنات وفوق كل هذا صار يقولي انتي موتي بنتي انتي يلي قتلتيها مع انو أنا ما دخلني بوفاة بنتي في حدا عاقل بيقتل بنتو روحو يلي انتظرتها بكل ثانية 😢😢😢😢😢الدكاترة كأنو شاكين انو جيناتنا انا وزوجي هي السبب بتوقف نمو بنتي الله يرحمها لانو زوجي أبن عمي بس لمن رحنا ع دكتورة الجينات قالت مادخل الجينات وفيني احمل تاني مرة بس هو رفض وقالي بس تخلصي الاربعين بتشربي مانع ومن كم يوم اجى علي وهو سكران وصار يحكي علي ويخانقني وضربني😔😔😔 وقلي برجع المسا ما بلاقيكي بالبيت بس ما قدرت روح ﻷنو أهلي بعاد عني بسوريا واو ضاعن مو منيحة يعني مو ناقصن وومساكين يالله مدبرين حالن وظليت بالبيت مع أهلو بالبحرين لانو ساكنة مع اهلو بنفس البيت واليوم طلعلي بشغلة جديدة بيقولي عندي تقارير انك قتلتلي بنتي ورح احبسك قلتو طيب اذا عندك تقارير طلعن وحبسني بس انت بتعرف اني بريئة وبنتي توفت لانو رئتها صغيرة ما اكتملت وانا يلي رح اطلب رنا يحاسبك لاني لما حملت بنتي طلبت اني نزلها ولمن عرفت انها بنت ما فرحت بالعكس كرهت البنت ولمن كنت حامل كنت تبكيني وتضربني وكنت تتهددني بالسكين او تحاول تخنقني وما رحمتني لأني حامل أنا يلي رح أطلب ربي يحاسبك  وسكت وطلع من البيت والله كتير مخنوقة ومتضايقة وضايعة تعبت كتير قلت ان شاء الله بيتغير بس ألي سنة متزوجة ما تغير بالعكس عم يصير للاسوء واهلو عجزوا معو واكتر من مرة ادخلوا بيناتنا بس هو مانو مهتم بأي حدا والمهم حالو خايفة كتير والله ومتنمية اهلي حدي متمنية يكون عندي سند يساعدني ويحميني من زوجي وكلامو القاسي وضربو ومعاملتو السيئة تعبت تغربت عن أهلي وتعذبت مع زوجي كتير خلال هالسنة وفوق كل هذا توفت بنتي 😢😢😢 كتير تعبت والله بس مالي غير رب العالمين  بحاول اتروكو وانزل ع أهلي وخلص بقول الطلاق احسن حل بس ابي وابو زوجي عندن مشاكل بالقلب وع اصغر مشكلة بيتعبوا ووامي وامو مرضانين بسكر لمن تصير اي مشكلة بيتعبوا يعني مارح يتحملوا بس بنفس الوقت  بقول كيف بدي ظل عند زوجي   بهذا الوضع وبهي المعاملة وهي عشرة عمر  يعني مو شغلة يو او يومين حتى اصبر ماني قدرانة ظل هيك طول حياتي متعذبة معو وبلا كرامة وعطول اسمع بهادلو وكلامو وأهانتو ألي وضربو يعني يا الطلاق يا اني عيش جسم بدون روح صرت بين نارين 😔😔😔😔😔  بدي ارتاح والله تعبت حتى النفاس لسى ما خلصتو حتى اقدر صلي وادعي ربي وانا ساجدة ما فيني غير ادعي بالليل وبالنهار حتى ربي يفرجها تعبت نفسيا وجسديا شو اعمل ضعت والله يا بنات وتعذبت واحترق قلبي شو بتنصحوني بنات او ع الاقل ادعولي الله يفرجها علي وارتاح الأتكال على رب العالمين والحمدلله على كل حال وأسفة اني  طولت عليكن يا اخواتي بس مالي حدا وأهلي بعاد عني  ومحتاجة نصحية او دعوة ع الأقل بظهر الغيب يفرجها علي مع زوجي ويصبرني بوفاة بنتي شام  😢😢😢😢

84 تعليقات

العضوة: 52861 , 9 years ago

@user-20214 ان شاء الله ربي يزرع بقلبي القوة واقدر ارتاح تسلمي ياغالية وربي يفرح قلبك ويجزيكي كل الخير

العضوة: 61474 , 9 years ago

@user-52861 حبيبتي ربي يعوضك خير ويصبرك ع فراق بنتك ويجعلهه شفيعهة الك بلاخره وبلنسبه الزوجك يااختي ع الوصف الي وصفتي زوجك بيه مااعتقد ينصلح حاله ولايتغير فلافظل ترجعين لاهلك وتحفظين كرامتك وتكملين جامعتك وإنشاء الله ربي يرزقك بعمل تعيشين منه ويمكن الله يرزقك برجل ثاني يقدرك ويحترمك ويرزقك منه احله اطفال هذه رايي وبدعيلك بان الله يقدملك البيه خير الك ويسهل امرك ويفرح قلبك

العضوة: 63876 , 9 years ago

@user-52861 ما تتحملي الظلم من زوجك يرضى عنك ... لو بتشوفي فرصة تروحي ع أهلك فيها واتركي هالغبي معلش ع هالمصطلح بس زوجك غبي وما عنده رحمة ولا دين

العضوة: 56434 , 9 years ago

ربي يصبرك ويعوضك والله يصلح زوجك امكن وفاة بنتك خيرة لك اكلي مانع للحمل الى ان يتعدل الوضع لو ماتعدل الطلاق افضل لك وحاولي تلقي عمل .

العضوة: 52861 , 9 years ago

@user-53112 ربي يعوضك ويفرح قلبك

العضوة: 61194 , 9 years ago

الله يصلح حالك حبيبتي مارح زيد عن الصبايا كلهم حكو الي فيه النصيب المكتوب باين من عنوانو والله يخترلك الخير

العضوة: 52861 , 9 years ago

@user-41654 تسلمي اختي ربي يرحم امواتك واموات المسلمين بس ياغالية ماعندي جنسية انا جيت ع البحرين اقامة مافيني اظل لحالي لانو اقامتي ع اسم زوجي ويقدر بأي لحظة يلغي اقامتي 😔

العضوة: 47589 , 9 years ago

الله يهون عليكي ما بعرف شو طينة هالرجال الس يعاملو نسائهم بقسوة دول حيوانات مو بشر الله يشرح لك صدرك اختي دبري حالك واتطلقي منه خبري اهلك بطريقة حلوة حتى ما يتاترو

العضوة: 62970 , 9 years ago

صلي ها الليلة صلاة إستخارة و إذا لساتك ما تصلي ادعي و ربنا يعملك لي فيه الخير

العضوة: 47589 , 9 years ago

@user-61474 كلامك جواهر يريت تسمع منك صاحبه الموضوع وادعيلهاا تلاقي نصفها الثاني والله يرزقها زوج يحترمها واطفال يقرو عينهاا وتتعلم وتتوظف

العضوة: 63366 , 9 years ago

الله يفرج عليك ويعوضك خير يارب

العضوة: 61970 , 9 years ago

لاحول ولاقوة الا بالله ربي يصبر قلبك ويجعل بنتك شفيعه لك ويحنن قلب زوجك عليك بمشيئته.. ربي يفرج لك همك

العضوة: 52861 , 9 years ago

@user-61474 ان شاء الله اقدر ارجع ع أهلي ع الأقل أظل عند ابي وامي عايشة بكرامة ومرتاحة ومعي سند وماني متعذبة وربي يعوضني ادعيلي ربي يساعدني 😢

العضوة: 61474 , 9 years ago

@user-52861 حبيبتي ربي يهون عليك معاناتك ويريح قلبك أنشاء ألله تقدري ترجعي لحظن اهلك وناسك وتعيشي بكرامه بينهم وتكملين حياتك براحه بحق شهر رجب الخير

العضوة: 61474 , 9 years ago

@user-47589 حبيبتي تسلمين هذه من ذوقك يارب يفرح قلبهه انقهرت عليهه واحترق دمي من زوجهه الله ياخذ حقهه منه