السلام عليكم بنات بعرف انو هذا البرنامج خاص بس بمواضيع الحمل ومابيصير فيه المواضيع الخاصة بس
بدي مساعدتكن وبتمنى الكل يساعدني او ع الأقل يدعيلي انا من32يوم كنت حامل وبأخر الشهر الثامن ولدت بنتي ولادة مبكرة وتوفت بعد الولادة بساعة مالحقت شوفها وضمها ع صدري حتى انو دفنوها بدون ما شوفها او المسها واحترق قلبي عليها كانت عندها مشكلة بالعظام وقف نموها بالاسبوع 23 ولمن ولدتها كان حجمها صغير وما تحملت تعيش وتوفت 😢😢😢وتركتني لحالي💔💔 وانا صارلي 32 يوم من توفت بنتي وزوجي من وفاة بنتي تغير علي هو من اول زواجنا ماكان منيح معي بس هلأ معاملتو صارت اقسى صار يجيني سكران واحيانا يضربني ويغلط علي قدام اهلو او يطردني من غرفتي وانجبر نام مع اخواتو البنات وفوق كل هذا صار يقولي انتي موتي بنتي انتي يلي قتلتيها مع انو أنا ما دخلني بوفاة بنتي في حدا عاقل بيقتل بنتو روحو يلي انتظرتها بكل ثانية 😢😢😢😢😢الدكاترة كأنو شاكين انو جيناتنا انا وزوجي هي السبب بتوقف نمو بنتي الله يرحمها لانو زوجي أبن عمي بس لمن رحنا ع دكتورة الجينات قالت مادخل الجينات وفيني احمل تاني مرة بس هو رفض وقالي بس تخلصي الاربعين بتشربي مانع ومن كم يوم اجى علي وهو سكران وصار يحكي علي ويخانقني وضربني😔😔😔 وقلي برجع المسا ما بلاقيكي بالبيت بس ما قدرت روح ﻷنو أهلي بعاد عني بسوريا واو ضاعن مو منيحة يعني مو ناقصن وومساكين يالله مدبرين حالن وظليت بالبيت مع أهلو بالبحرين لانو ساكنة مع اهلو بنفس البيت
واليوم طلعلي بشغلة جديدة بيقولي عندي تقارير انك قتلتلي بنتي ورح احبسك قلتو طيب اذا عندك تقارير طلعن وحبسني بس انت بتعرف اني بريئة وبنتي توفت لانو رئتها صغيرة ما اكتملت وانا يلي رح اطلب رنا يحاسبك لاني لما حملت بنتي طلبت اني نزلها ولمن عرفت انها بنت ما فرحت بالعكس كرهت البنت ولمن كنت حامل كنت تبكيني وتضربني وكنت تتهددني بالسكين او تحاول تخنقني وما رحمتني لأني حامل أنا يلي رح أطلب ربي يحاسبك وسكت وطلع من البيت
والله كتير مخنوقة ومتضايقة وضايعة تعبت كتير قلت ان شاء الله بيتغير بس ألي سنة متزوجة ما تغير بالعكس عم يصير للاسوء واهلو عجزوا معو واكتر من مرة ادخلوا بيناتنا بس هو مانو مهتم بأي حدا والمهم حالو
خايفة كتير والله ومتنمية اهلي حدي متمنية يكون عندي سند يساعدني ويحميني من زوجي وكلامو القاسي وضربو ومعاملتو السيئة تعبت تغربت عن أهلي وتعذبت مع زوجي كتير خلال هالسنة وفوق كل هذا توفت بنتي 😢😢😢 كتير تعبت والله بس مالي غير رب العالمين بحاول اتروكو وانزل ع أهلي وخلص بقول الطلاق احسن حل بس ابي وابو زوجي عندن مشاكل بالقلب وع اصغر مشكلة بيتعبوا ووامي وامو مرضانين بسكر لمن تصير اي مشكلة بيتعبوا يعني مارح يتحملوا
بس بنفس الوقت بقول كيف بدي ظل عند زوجي بهذا الوضع وبهي المعاملة وهي عشرة عمر يعني مو شغلة يو او يومين حتى اصبر ماني قدرانة ظل هيك طول حياتي متعذبة معو وبلا كرامة وعطول اسمع بهادلو وكلامو وأهانتو ألي وضربو يعني يا الطلاق يا اني عيش جسم بدون روح صرت بين نارين 😔😔😔😔😔
بدي ارتاح والله تعبت حتى النفاس لسى ما خلصتو حتى اقدر صلي وادعي ربي وانا ساجدة ما فيني غير ادعي بالليل وبالنهار حتى ربي يفرجها تعبت نفسيا وجسديا شو اعمل ضعت والله يا بنات وتعذبت واحترق قلبي
شو بتنصحوني بنات او ع الاقل ادعولي الله يفرجها علي وارتاح الأتكال على رب العالمين والحمدلله على كل حال
وأسفة اني طولت عليكن يا اخواتي بس مالي حدا وأهلي بعاد عني ومحتاجة نصحية او دعوة ع الأقل بظهر الغيب يفرجها علي مع زوجي ويصبرني بوفاة بنتي شام 😢😢😢😢
العضوة: 47589 , 9 years ago
@user-61474 تسلمي 💕💕 ما اعرف وش طينتهم هالرجال الي يتعاملو مع نسوانهم فهالطريقة وشلون يقدرو يرفعو ايدهم عليهمالعضوة: 37503 , 9 years ago
اختي انا كنت اقرأ مواضيعك من زمان لمن بنتك توقف نموها وبعدين لمن حكيتي ماتت والان بعد الولادة والالم الي تمرين فيه ... اولا: احتمال حالة بنتك الصحية الله يرحمها بسبب وراثي بحت وتابعي حملك الجديد جيدا منذ البداية ثانيا: اسأل الله ان يرزقك بصبرك على وفاة ابنتك ببيت الحمد في الجنة قال - صلى الله عليه وسلم - : ((إذا مات ولد العبد، قال الله لملائكته: قبضتم ولد عبدي؟ فيقولون: نعم، فيقول: قبضتم ثمرة فؤاده؟ فيقولون: نعم، فيقول: ماذا قال عبدي؟ فيقولون: حمدك واسترجع، فيقول الله: ابنوا لعبدي بيتًا في الجنة وسمّوه بيت الحمد)) (1).العضوة: 37503 , 9 years ago
ثالثا: التجئي إلى الله عز وجل وادعيه سبحانه بأن يهدي زوجك ويسخره لك ويجعله قرة عين لك والمهم ان يترك الشراب ويصلي ويبر والديه حينها سيعود لرشده ويعود اليك نادم وانسان عاقل ويقوم بحقوقك اعملي انت وعائلته على نصحه وابعاده عن هذا المسكر وفقك الله وفرج همكالعضوة: 41904 , 9 years ago
@user-47589 اه حبيبتي الاستغفار بعمل المستحيل ..استغفري وادعيليالعضوة: 62789 , 9 years ago
اللة يفرجها عليك انشالله وصخر زوجك ورزقك بل ذرية صالحة وعوضك عن بنتكالعضوة: 63527 , 9 years ago
عظم الله اجرك حبيبتي والله يعوضك يارب نصيحتي مش سهله عليك بس يمكن موت البنت رحمه لك من الله عشان يخلصك منو بدون مايتضرروا اطفال توكلي على الله واستخيري قبلها وشيلي اغراضك وروحي بيت اهلك اكرم لك من الذل والاهانه وصدقيني لو يحبك ومتمسك فيك راح يرجع لك وانتي ماغلطتي ابدا وارتاحي في بيت اهلك بيكفيك حزنك على بنتك و مهما كانت ظروف اهلك مستحيل تكون اصعب من اللي انتي عايشه فيه والله يكتب لك الخير يارب وراح ربي يعوضكالعضوة: 54343 , 9 years ago
@user-61516 و انا كمان رايي من رايك اختي صبا الورد.. الله بحكمتو ما راد انو هالبنت تعيش و تتعذب مع امها عند هالمخلوق المريض.. انصحك ما تحملي منه مرة ثانية و لو فيكي تشتغلي و تدبري حالك احسنلك تنفصلي عنو.. الله يصبرك و يعوضك و يجعل بنتك شفيعة الك يوم الحسابالعضوة: 26216 , 9 years ago
الله يفرج همك يارب وييسر امركالعضوة: 53332 , 9 years ago
@user-52861 والله حبيبتي زعلتيني عليكي 😢بتمنى من الله يفرجه عليك