#الأمومة_تضحية_مطلقة يعني باختصار حياتك كلها مش إلك بس لطفلك.. انك تكوني #أم يعني ممنوع تتعبي وممنوع تمرضي لأنه ما في أي إنسان ممكن يعوض مكانك بالنسبة لطفلك.. انك تتعودي تاكلي أكلك بارد وبسرعة.. وإنك تنسي شو يعني النوم الكافي لصحتك.. إنك تبتسمي حتى تشوفي طفلك بضحك وانت بعز تعبك أو زعلك.. انك تطلعي لإنه زهقان وببكي حتى لو كان نفسك بساعة راحة.. وأهم جزء انك تتحملي كل التعليقات اللي بتسمعيها لأنه كل الناس اللي حوليكي بصيروا يخافوا على ابنك أكتر منك.. انسي دائمآ انه فلان أو فلانة يساعدوكي لأنه طفلك بالنسبة لأي انسان صغنون يلعبوا فيه، وبس يبكي او يجوع او يحتاج أي شي رح يجي عندك.. المشاوير والطلعات والترويح عن نفسك بصير عبء أكبر منك لما تكوني حاملة طفل وكل شي ممكن يحتاجه.. هواياتك اللي كانت تفرحك ما بتلاقي وقت تمارسيها والناس اللي بتحبيهم ما بتعرفي تحكي معهم كلمتين على بعض.. "نامي على نومته" هاي اكبر خِدعة الا اذا غلبك التعب لانه على نومته بتوقفي وانت صافنة من وين تبدأي تنامي تشتغلي تاكلي ترتاحي .. وفوق كل تعبك لازم تتقبلي انه المجتمع ما بعذرك أبدآ أبدآ يعني مضطرة تجاملي بالمناسبات تساعدي وانت منهكة تبتسمي وانت نفسك تبكي وتتحملي الجملة الشهيرة للناس "ليش انت شو بتعملي مفكرة ما حد خلف غيرك" لا العفو انا ما بعمل اشي أبدآ والناس كلها خلفت بس تقبلوا انه أول تجربة للأم بتكون صعبة وبتكون الأم بدها مراعاة من المجتمع نفس مراعاتها لطفلها ومش محتاجة تجريح وعتب من حدا لأنه هي بحق حالها مقصرة عشان هيك ما تعتبوا اذا قصرت معكم .. ورغم كل الجهد ببقى الطفل "زينة الحياة الدنيا" بوجوده حياتك أحلى وغلاته بقلبك بتكبر كل يوم أكتر 😍😍😍😍 الله يحمي كل الاطفال 👐 #مجرد_أمومة