10 years ago
  • المرحلة الأولى ( اول 3 اشهر)
انا متزوجه من ٥شهور والحين بفضل من الله ومنته وربي عالم بنيتي حملت ومااخذت موانع لاني بيوم عرسي انصدمت ان زوجي ماقدر يجيني طبعن خففت عليه وقلت طبيعي وجلسنا بعدين نضحك ونسيت الموضوع ومن بكره لما سافرت نفس الشي يرغب فيني بس مايقدر بوقتها تعبت نفسيتى وكنت كاتمه بنفسي ووقفت معاه ويشهد الله علي انه انسان كويس وطيب واخلاقه عاليه ومحترم وماشفت منه الا كل خير وبطبعه هااادي جدا رجعنا من السفر وقلت يالله نروح سواء نكشف ومتجاوب معي بس لما جاء موعده ماودي احرجه قلت روح لحالك انا احس بتعب وراح وطاح بدكتور احسه شغله مو عاجبنى اعطاه ابره موقته حقت يوم وهالموضوع كان بعد شهرين وصار معاشره والحبوب نفعت مره ثانيه وسبحان الله ماخذت موانع خفت اني معد احمل وهو وضعه كذا وتمم ربي وحملت ورحت لدكتوره وقالت لايعاشرك لمدة كمً شهر عاليومين تضايقت من وضعنا دخلت الشهر الثالث وماصار بينا شي المهم زوجي عجزان شكله يعالج اشترى حبوب سنافي والصدمه انه مانفعت معه مشيت الموضوع وهونت عليه اررررحمه مرررره بس انا متضايقه ومخنوقه مررره ومستحيل اصارح احد من اهلي بس وش الحل والله للحين مابعد حسيت اني عروس والله لدرجة لاذكرت الجماع اخاااف خوووف جواتي للحين ماتعودت عليه اكتب وانا اصيححححح حسره على نفسي والرجال طيب وفرحانه اني حامل مهما كان ابي اكون ام بس ابي احد يحس فيني مره نفسيتي تعبانه وزدت مع الحمل

121 تعليقات

العضوة: 18815 , 10 years ago

ي عمري إنتي ..صراحه مو عارفه ايش أقولك لكن جد جد لاتحكي بهالموضوع مع أحد نهاااائيا لو اقرب صديقه او اخت ..خلي الموضوع بينك وبينه وحاولي إنك تدعميه نفسيا ترا وضعه اسوء منك واكيد انو هو محتاج لاحد يفضفضله وشايل هم كبير بس ماعنده غيرك لازم يعالج نفسه اذا سبب نفسي او عضوي وأدعميه انتي نفسيا وشجعيه يعالج ابحثي عن افضل عيادات ودليه عليها اكيد هو يبغى العلاج بس الرجال بهالموضوع صعب ع أنفسهم مايتشجعون ويخافون يضحون بالرغبة اللي جواتهم في العلاج خوفا من انتقاص رجولتهم حتى من الدكتور اللي بيروحوله

العضوة: 14508 , 10 years ago

الله يعينك ويشفيه يعني ماصار بينكم شي إلا مره وحده وحملتي؟

العضوة: 29791 , 10 years ago

@user-18815والله دورت عيادات بس عجزت القي شي اثق فيه ومالقيت بحثت بقوقل بس ماعرفت وزوجي مايعرف يتصرف لحاله ومازلت ادعم نفسيته لدرجة انه تساهل الموضوع احسه ماشاف منى ردة فعل

العضوة: 4691 , 10 years ago

مافيها شي اقنعيه يتعالج .. وخليه يحسن تغذيته واذا مدخن يترك التدخين يعني ياكل سمك ووتمر وعسل اشياء تنفع الرجال ي عمري ماالومك والله بس صحيح كم مرا جالك يعني مرا وحملتي؟

العضوة: 29791 , 10 years ago

@user-14508لا حملت من المره الثانيه وكنت ادعي اني احمل لاني خفت من وضعه وانا عمري ٢٩وكل همي اني انجب

العضوة: 18815 , 10 years ago

انتي اهتمي فيه ودلعيه وكأن الموضوع مو ببالك قومي بواجباتك وعيشي حياتك عادي جدا ..بما انو تساهل طنشيه وهو مستحيل مايفكر فيك وكيف يسعدك ويرضيك

العضوة: 18815 , 10 years ago

انتي من وين ؟ ؟ في عيادات بالرياض لدكاتره كبار وبالخبر وبجده اعتقد

العضوة: 14825 , 10 years ago

غريبه منك ساكته لازم تتكلمي معاه بصراحه مافيها شي ترى انتي الي قاعده تظلمي نفسك ليش هوا كذا اعرفي هوا من يومه والاعنده مشكله والا جالو شي كيف اصلا يكون كذا ويتزوج عادي حرام عليه فانتي نصيحه لاتسكتي وشوفي حل لنو فكري في نفسك انتي توك لكي 5شهور وكذا نفسيتك سارت كيف بالله قدام شوي ومع الشهور والسنين لو قعد كذا والله ماراح تتحملي وراح تسير مشاكل كبيره لازم من الحين تحلي الموضوع وتشوفي حل ويارب يالف بين قلوبكم

العضوة: 29791 , 10 years ago

@user-18815من الرياض

العضوة: 4056 , 10 years ago

ياعمري. الله يكون في عونك ويشفيه احمدي ربك انك حملتي وان شالله تشوفين مولودك على خير ياربوحاولي تقنعينه اكثر بأنه يعالج وركزي عليه بالعسل الطبيعي فيه شفاء للناس وشوفي الجوانب الحلوه في شخصيته الحمدلله وادعميه وان شالله تتحسن حالته

العضوة: 18815 , 10 years ago

بقولك لو زوجك حبيب ومايقصر معك ويقوم بواجباته من نفقه واحترام لك وثقع وتشوفينه يحبك تمسكي فيه وقد ماتقدري ساعديه كلمي عيادات واستشاريين وحاولي ..انتي شايفه الحريم وشكاويهم من ازواجهم وخياناتهم وبلاويهم يعني والله تنامي مع زوج يحبك وتثقين فيه ومو حارقلك قلبك بس عيبه بالفراش ارحم من واحد شاطر بالفراش وذايقه منه الألم وحارقلك قلبك بخياناته وبلاويه غير الخوف ينقلك امراض لو خياناته تعدت للأمور ذيك

العضوة: 20258 , 10 years ago

غلطانه صراحه انتي فكره لبكره مستعده تعيشين مع شخص عاجز جنسيا لبقيه شبابك اذا تقدرين كملي معه ومتى مابغيتي تحملين يتعالج او تسوون انابيب اما اذا ماتقدرين تسريح بإحسان وهذا من أبسط حقوقك الشرعيه الي ربي كفلها لك لو الحرمه بها عله يروح يتزوج ويطلق ولو رجال فيه بلا نداريه خلي نفسك دايم قبل الكل واسالي نفسك تقدرين تكملين ولا لا انا اقولك هالكلام لان شفت اختي كيف ضغطت على نفسها 15 سنه راح شبابها وماقدرت جيب غير 2 بالعلاج بعد وتطلقت بعد هالعمر لو انها مخليته من اول كان تزوجت ومعها 5 اقل شي

العضوة: 29791 , 10 years ago

@user-14825بالعكس جت ايام اصارحه ومايجهله هوا عارف بس وش ذنبه اذا هو شي خارج ارادته ادري اني تعبانه بس اكيد هوا تعبان على حاله ويتناقش معي بالموضوع ويحاول يسعدني بس مايقدر والي صبرني انه شخص عاقل وموحق خرابيط ويخاف الله فيني ومدللني مشالله بس الزين مايكمل💔

العضوة: 18815 , 10 years ago

برسلك اسم عيادات اسمع فيها ..بس قبل بتأكد واقرا عنهم

العضوة: 18815 , 10 years ago

ي عمري انتي مدللك وشخص عاقل وطيب ..صدقيني حاولي معه وادعي دايم بصلاتك وحثيه انتي ع الصلاة والدعاء مافي شي مستحيل مع رب العالمين