مرحبا
انا تزوجت زوجي وهو مطلق من اربع سنوات... وعنده 3 أولاد
اكتر شي متاكده من أنه كارهها وكل الي حواليه بيأكدو هالشي
وانا متزوجه من سبع شهور وجديد حملت
من ساعه ما حملت وأولاده عم يعملولي مشاكل وانا صابرة وبقول أجري عند الله
من فترة صارت طليقته تبعتله مسجات وتحاول تتحركش فيه
انا بصراحه عم بتجاهل حركتها لأنه شايفه زوجي مطنش ها
بس انا بدي أفكار منكم تساعدني تجذب زوجي بزيادة الي ... الحمد لله ربنا مصطفيني بجمال رباني والحمد لله وست بيت معدلة ويشهد الله مش مقصرة بحقه وحق أولاده
انا من يوم ما بلشت حركاتها زادت اهتمامي بنفسي وصرت اعاكس زوجي بمسجات عالموبايل وصرت اتصل عليه و احطله اغاني
وهو اصلا تقيل عهيك حركات
يا حبيباتي اعطوني أفكار تانية اعملها اقربه مني اكتر
ولو كانت أفكار خاصه أفضل بعيد عن عيون أولاده ... خاصه هالفترة كمان الدكتور مانعنا عن بعض
الله يسعدكم ساعدوني
العضوة: 46317 , 9 years ago
في مثل بيحكي وين رحتي ياجديده. ...رحت أجيب بخت للقديمه. ...في كتار رجال بيحنو لنساوينهم الله بعينكالعضوة: 44465 , 9 years ago
رفعالعضوة: 38605 , 9 years ago
انتي قلتي مطلق من اربع سنوات اذن لو كان بدو ياها مرة أخرى لكان رجعها ولكن اختار من بعد يتزوجك .هذا بحذ ذاتو جيد .وكل مطلق او مطلقة عندهم اولاد لازم يتحاكو .لانو في علاقة الاطفال .فقط لايتعدى الكلام شيء خارج عن الاطفال او كثرة المساجات بدون فايدة والراجل لاتحاولي ترضيه في كل شيء يعني دائما خليكي طبيعية وتصرفي على طبيعتك لانهم مايحبوا تتصنعي في بعض الامور .واحكي له بصراحة انو كثرة الكلام معاها يزعجك مادام الاولاد عنده ما لازم يحاكيها بكثرة الا عند الضرورة .العضوة: 44115 , 9 years ago
@user-38605 ....... انو مو معاك بانو المطلقين يكون بينهم حكي حتى لو كان عندهم عيال لانه م يجوز ومحرم بس اذا احد من اخوانها او ابوها عادي يكلم طليقها عن العيال فقطالعضوة: 40618 , 9 years ago
@user-38605 حبيبتي هو ما بحكي معها ابداااااااا بس هي صارت تتحركش فيالعضوة: 40618 , 9 years ago
@user-46317 انا متاكده ما حنلها لانها هي بتجري وراه ... بس يا حبيبتي قلبي ناقزني اتضل تتحركش فيه ويحنالعضوة: 40618 , 9 years ago
يا حبيباتي طلبي واضح بدي طرق اجذبه الي ما انتو شايفات أيامنا هاي مو طليقته بتجري عليه بس والله في بنات حلال كتااااااااار بيخربو البيوت وعدم المؤاخذة لو ما الوحدة عبت عين جوزها حلالها وين هو يروح؟العضوة: 19789 , 9 years ago
انتي لاتعطيها أكتر من حجمها بعيدين ينتبه ويصير يجاكرك بيها طنشيه وهو راح يبعد عنها فيه مثل بيقول الممنوع مرغوب فهمتي حبيبتي انتي من اي بلدالعضوة: 42438 , 9 years ago
اختي خليه يغير رقمهالعضوة: 38605 , 9 years ago
@user-44115 ايه صح عندك حق ولكن قليلا الي يشوف من هاذا المنظور فمعظم المطلقين من الممكن يتحدثوا عند ظرف معين .@user-40618 اذا هو مو غلطان يا حبيبتي لاتقلقي روحك خليها تحكي الي بدها ولا دييري فبالك لانوا اذا ضغطي على الموضوع يصير في مشاكل عيشي واعتني باطفالو قربيهم منك كصديقة فالرجل اذا يشوف انك تعامليهم منيح وهم دائما مبسوطين .راح يعشقك أكثر واعتني الي في بطنك وببيتك فبالاخير اختارك انتي تعيشي معو ويكمل حياتو معك ويشارك الحلوة والمرة .فاضحكي وعيشي حياتكالعضوة: 38605 , 9 years ago
انا زوجي تزوجنا ولقيت صور حبيتو القديمة لازالت عندوا وهوا ورجاني ياهم وما تكلمت يعني ابتسمت وما حطيتها في بالي فالقصة صارت من زمان وهو لو بدو ياها لكان تزوجها ولكن هو من نصيبي .سكرت على الموضوع وبعد مرور وقت طويل دخلت على الكمبيوتر وحذفت كل شي .بعدين دخل وشاف كل شي محذوف وما تكلم يعني سياسة مع الرجل احسن من الدخول في نقاشات .والحمد لله كل شي على خير كيف ماقلت خلو شخصيتكم طبيعية لا تتصنعوا في اي شيء احكي كيف انتي البسي كيف انتي ناقشي بافكارك اضحكي افرحي كيف انتي كوني انتي بكل تعاملك كوني دائما حنونة ومدللة كيف انتي اقسم أنه راح يموت عليكيالعضوة: 40618 , 9 years ago
@user-19789 انا من الخليل سكان الاردنالعضوة: 40618 , 9 years ago
@user-42438 صعب جدا شغل زوجي حساس وصعب يغير رقمه هو مو معطي ها عين بس متل ما بيقولو كتر الزن أقوى من السحرالعضوة: 40618 , 9 years ago
@user-38605 الله يكرمك ويجبر بخاطرك ... كلامك أثلج صدري بس مش غلط الوحدة منا تبتكر طرق تجذب زوجها الها الله يبارك فيكي يارب 😚😚 ويجزيك الخيرالعضوة: 46791 , 9 years ago
في دعاء رائع لكل متزوجة ضلك ادعيه وماااتخافي على زوجك. ..لو رميتيه البحر راح يرجعلك زي ماهو. ... ادع الدعاء عند السجود. ..أو قبل السلام أو بعد السلام بعد الفريضة. ..اللهم إني استودعتك ديني وامانتي وزوجي وذريتي وقلبي وقلب زوجي وقلب ذريتي واسماعهم وابصارهم وجميع جوارحهم. ... اللهم الف بين قلوبنا وأصلح ذات بيننا واهدنا سبل السلام. ..هاد الدعاء رائع احفضيه .