السلام عليكم كيفكم يابنات .. انا محتاجة بس كلام منكم يقويني انا مضايقه ام زوجي كل مااروح عندها تخليني انظف واشتغل بالاول قلت حرام حرمه مسكينه ولحالها وكبيرة بالسن بس من يومين جت بنتها من ديرة بعيدة وبتجلس عندها الى عيد الحج ماشاءالله بنتها معها سبع بنات اصغرهم ب اول متوسط واكبرهم خلصت كليه وتدرس هندسه يعني كبار المهم طول الفترة بنات بنتها يرسلولي تعالي ننبسط ونسولف وانا اروح ام زوجي عارفه اني حامل ومعي ضغط مااعرف وش فيها تتعمد تخليني انظف وتهاوش البنات مايساعدوني للعلم انا عندي بيت وثلاث اطفال يعني حرام اجي من بيتي منظفه وكارفه واروح عندها وتشغلني ماادوي وش قصدها وهل اللي تسويه يرضي ربي اخر شي البارح اول ماجيتها ببداية العصر قال نهى سوي لي نسكافيه وابريق شاي لكم يعني بالله كنتو تنتظروني اجي علشان اسوي لكم شاي المهم اسكت وسويت وجلست بعد اذان المغرب جت بنتها الثانيه معها بنتين الكبيرة بعمري 26 الصغيرة 24 متزوجه وحامل المهم نادتني من بين ١١ وحدة جالسه تعالي يانهى فكي شبوك المكيفات ونظفيهم بالصابون والكلوركس بنتها قالت لا امي انا وبناتي ننظفهم هاشتها مالك دخل وخري عني لاتتدخلي بنتها ماسمعت لها اخذن مني السلم الله يعافيها وفكتهم ودخلتهم الحمام قالت تعالي نهى غسليهم لحقتنا بنتها قالت امي انا انظفهم خلاص الحرمه حامل وتعبانه شكلها قالت لا المهم قالت لها خلاص لاتنظفهم بكلوركس يضر الجنين قالت خلاص غسليهم بتايد بس واتخيلو جلست تحرسني لمن خلصت جلست بس خمس دقايق قالت لي قومي نظفي المطبخ والقدور ياهوه طيب البيت ملايان انقهرت وقمت اتافف للامانه ولا وحدة من بناتهم رحمتني غير بنتها الثانيه لانها مجربه قساوت ام الزوج ونظفت المطبخ وريحت شوي قالت غسلي لبناتك لاتستني تتعبئ حفاضتها وقمت ونظفته ولبستها وربي من جيت العصر الى وحدة بالليل ماجلست جلسه على بعضها مريحه وخلاص تعبت اتصلت على زوجي اقوله تعال خذني ولا بجي لموزين وجاني على طول قالي ايش فيه جلست ابكي وقلت له كل شي قالي وش تبغي اسوي فيها اضربها خلاص لاتروحي مو لازم بدل مايواسيني يزودها انا ماابغى مشاكل وربي بس الان مضايقه لان زوجي حتى ماسمح خاطري بكلمة حتى لو كذب ووالله العظيم ماني مستنيه يتهاوش مع اهله بس تمنيت ع الاقل ياخذني بحضنه بس مع الاسف قول لي وش رايكم باللي صار هل هذا الشي يحصل مع امهات الازواج للعلم امي حنونه مع حريم اخواني
العضوة: 7836 , 10 years ago
لاتروحين دام زوجك راضي انك ماتروحين مالله حاد انك تروحين لهم ...لو هي لحالها كان صار كلام ثاني ..بس عندها تلدكتوره والابله ...يسدوونالعضوة: 13410 , 10 years ago
معليش زوجك صادق وش تبين منه يسوي صعبه يتكلم في اهله او حتى يقول انهم غلطانين وما شاء الله عليه كويس منه قالك ماتبين لاتروحين انتي اللي تجنين على نفسك كل اسبوع روحي انتي وزوجك يوم سووووووا وحطي تحتها مية خط بين مغرب وعشاء سلمو عليها وارجعو واذا قالت متغيره علي اتعذري بالحمل وبعد الولاده اتعذري بالطفل الجديد وخلاص خلي نظامك كأنك ضيفه والله يسخرهم لكالعضوة: 11168 , 10 years ago
اذا رحتي لها روحي ساعه بس واطلعي عشان تشوف عيالك او ارسليهم لها مع ابوهم ترى شرعاً انتي مو واجب عليك زيارتهاالعضوة: 5836 , 10 years ago
قللي روحاتك عندها او بعد ماتولدين روحيالعضوة: 3263 , 10 years ago
لاترووووحي لو ايشالعضوة: 13749 , 10 years ago
يمكن حماتك ما بتحب غير شغلك لانك نظيفة وبتعرفي كل شي بيتا وما بتوثق بحدي غيرك ،لكبار بصيرو حريصين عغراض بيتهمالعضوة: 6399 , 10 years ago
نهي اختي جزاك الله خير انتي ماجوره اولا ...... ثانيا خدماتك ما توصل لدرجه تنظفي مكيف والله هذي لو عمتي بحترمها علشان اولادي بس بحدود وباين عليها استغلتك لانك تسمعي كلامها ف كل حاجه ..... انتي بعد غلطانه فهميها اني حامل وخلي بناتك يساعدوك ولا جيبي خدامه ..... زين انها ما عمتي هذي ولا ما تشوف خير منيالعضوة: 11231 , 10 years ago
خلك رسمية معها وزيارتك لها. بالعباييه نص ساعه وارجعي بيتك وبسالعضوة: 6399 , 10 years ago
العمه شي طبيعي باغيه خدمات بالمجان ...... فى نهايه انتي وعقليتك عاد كيف تتصرفي ولا بتوصلي نفس مستوي اللي انتي فيه ماشي احساس ما تحس فيك انتي الغلطانه ع حسابك صحتي مستحيل اشتغل انا حاليا حامل ..... ف السادس والله هم يخدموني عمتي وحمياتي...... مع اني ما استاهل بصراحهالعضوة: 12730 , 10 years ago
ههههه امينه صريحه كثير ههههههه والله انا يكرهوني بس لا اخدمهم ولا شي لو رحت اشيل بيدي شي يعني كيك او شي مالح والجمعه لازم اتغدى واتعشى معهن بغسل المواعين لاني اكلت طبعا في البدايه ما كنت اشيللهم شي الين قالو نحنا كناينه ما ايجيبو مثل باقي الحريم عشان احط لسانهم بحلقهم قعدت اشيلالعضوة: 10868 , 10 years ago
حبيبتي نهى اهل الزوج ماينعطون وجه واصلا المفروض تجينهم زياره ابو نص ساعه وانتي جالسه بعباتك وتطلعين لاتطولين عندهم عشان ماياخذون عليك .. واذا جلست تتأمر عليك ولا كأنك تسمعين او اذا مامنها امل ابد لاتروحين لها الا بالاعياد منتي مجبورهالعضوة: 4691 , 10 years ago
مع الاسف انتم تعطو ام الزوج وجه وبعدين تتضايقو انهم صارو يمونون عليكم ويحملونكم شغل البيت .. اذا انتي من البداية راضية اكيد هي بتقول عادي تتحمل هذي لو اخليها تكنس الشارع مابتقولي لا .. وغلط تقولي لزوجك يعني حتى لو قلتي له اكيد ماراح يعلق لان تلاقينه يتضايق بس مايبين وانا صراحه انقهرت عليك زي ماانقهر ع اختي وباقي الاخوات اللي يعانون نفس مشكلتك مفروض توقفونهم عند حدهم !!!!العضوة: 15538 , 10 years ago
صدق لا تروحين لهم واذا بنات حمواتكك يبغون السوالف يجونك ف بيتك🌚العضوة: 1943 , 10 years ago
الله يشفيها يارب ' نهى لاتروحي لها ماانتي مجبوره ' اذا اتصلو اعتذري قولي تعبانه وارسلي عيالك مع ابوهم لجدتهم وكل مايتصلون قولي تعبانه عندي شغل ! لاتصيري كذا طيبه بزياده تلقين بناتها عاجبهم الي تسويه بس ساكتات ' خلاص زوجك قال لاتروحين بكيفك لاتروحين ' واذا بعدين قال شي روحي زيارة نص ساعهالعضوة: 13115 , 10 years ago
حبيبتي يقولك المثل اذا لقيت الي اضعف منك دقه وعي لقتك ضعيفة ومحترمتها قامت تتسلط عليك لاتروحيلها واذا رحت حطي رجل على رجل ولاتسوي شي لو تكلمك من هنا لبكرة وردي عليها خوفيها منك عشان لاتسترجي تتطاول عليك