10 years ago
  • المرحلة الأولى ( اول 3 اشهر)
السلام عليكم كيفكم يابنات .. انا محتاجة بس كلام منكم يقويني انا مضايقه ام زوجي كل مااروح عندها تخليني انظف واشتغل بالاول قلت حرام حرمه مسكينه ولحالها وكبيرة بالسن بس من يومين جت بنتها من ديرة بعيدة وبتجلس عندها الى عيد الحج ماشاءالله بنتها معها سبع بنات اصغرهم ب اول متوسط واكبرهم خلصت كليه وتدرس هندسه يعني كبار المهم طول الفترة بنات بنتها يرسلولي تعالي ننبسط ونسولف وانا اروح ام زوجي عارفه اني حامل ومعي ضغط مااعرف وش فيها تتعمد تخليني انظف وتهاوش البنات مايساعدوني للعلم انا عندي بيت وثلاث اطفال يعني حرام اجي من بيتي منظفه وكارفه واروح عندها وتشغلني ماادوي وش قصدها وهل اللي تسويه يرضي ربي اخر شي البارح اول ماجيتها ببداية العصر قال نهى سوي لي نسكافيه وابريق شاي لكم يعني بالله كنتو تنتظروني اجي علشان اسوي لكم شاي المهم اسكت وسويت وجلست بعد اذان المغرب جت بنتها الثانيه معها بنتين الكبيرة بعمري 26 الصغيرة 24 متزوجه وحامل المهم نادتني من بين ١١ وحدة جالسه تعالي يانهى فكي شبوك المكيفات ونظفيهم بالصابون والكلوركس بنتها قالت لا امي انا وبناتي ننظفهم هاشتها مالك دخل وخري عني لاتتدخلي بنتها ماسمعت لها اخذن مني السلم الله يعافيها وفكتهم ودخلتهم الحمام قالت تعالي نهى غسليهم لحقتنا بنتها قالت امي انا انظفهم خلاص الحرمه حامل وتعبانه شكلها قالت لا المهم قالت لها خلاص لاتنظفهم بكلوركس يضر الجنين قالت خلاص غسليهم بتايد بس واتخيلو جلست تحرسني لمن خلصت جلست بس خمس دقايق قالت لي قومي نظفي المطبخ والقدور ياهوه طيب البيت ملايان انقهرت وقمت اتافف للامانه ولا وحدة من بناتهم رحمتني غير بنتها الثانيه لانها مجربه قساوت ام الزوج ونظفت المطبخ وريحت شوي قالت غسلي لبناتك لاتستني تتعبئ حفاضتها وقمت ونظفته ولبستها وربي من جيت العصر الى وحدة بالليل ماجلست جلسه على بعضها مريحه وخلاص تعبت اتصلت على زوجي اقوله تعال خذني ولا بجي لموزين وجاني على طول قالي ايش فيه جلست ابكي وقلت له كل شي قالي وش تبغي اسوي فيها اضربها خلاص لاتروحي مو لازم بدل مايواسيني يزودها انا ماابغى مشاكل وربي بس الان مضايقه لان زوجي حتى ماسمح خاطري بكلمة حتى لو كذب ووالله العظيم ماني مستنيه يتهاوش مع اهله بس تمنيت ع الاقل ياخذني بحضنه بس مع الاسف قول لي وش رايكم باللي صار هل هذا الشي يحصل مع امهات الازواج للعلم امي حنونه مع حريم اخواني

61 تعليقات

العضوة: 14814 , 10 years ago

لا تروحي لم مو واجب ولا فرض حلوة ذي شايفين خدامه 😒الله لا يحط أحد مكانك استغفر الله العظيم انقهرت وانا مالي دخل ناس عجيبه مايخافون الله أعوذ بالله

العضوة: 14107 , 10 years ago

حبيبتي الله يجبر بخاطرك واحتسبي شغللك وتعبك عند رب العالمين ولاتخافي حقك عند ربي مايضيع واحتسبي واستغفري وبيجيك الفرج قريب

العضوة: 15076 , 10 years ago

لاتروحين الا مره بالاسبوع وعشر دقايق سلمي واطلعي وريحي عمرك من الكرف

العضوة: 6769 , 10 years ago

حبيبتي انا مرة سمعت استشارية تقول بما معنى كلامها اكيد بيتأمرون عليك شغالة و ببلاش ما تكلفيهم لا قرش و لا هللة و لمن تتغيرين عليهم و تجلسين زي الضيفة هما بيزعلون و ممكن يقومون الدنيا و يقعدونها لييييش عشان خسرو شغالتهم الامينة المجتهدة و المطيعة ايوة هذي نظرتهم لك و انت كارفة على بالك بيحترموك و لا بيقدرو و لا بيمدحوا

العضوة: 6769 , 10 years ago

و معليش اختي امهم مريضة سرطان او كبيرة بالسن الله يشفيها بس انت مو مسؤلة بيها عيالها و بناتها انت ما عليك من الشرع لها و لا شي اللهم زيارة اذا كانت ما تأذيك ، ارجوك ارجوك بطلي زياراتك لهم من العصر الين واحدة بالليل هذا النوع من الزيارات ﻷهلي و بس نص ساعة و زوجك معك و ارجعو بيتكم سوا

العضوة: 6769 , 10 years ago

، و الي فهمته ان بيتك بعيد عنهم يعني لازم سيارة احمدي ربك على ذي النعمة تجي انتي يا قلبي تجري وراهم و تجلسي من العصر لليل غصب يستغلونك انا الشغالة و هي الشغالة ما تجلس غير ساعتين تنظف و تمشي مو اكتب هالكلام عشان اقهرك بس انت لازم تصحين و تفوقين لنفسك حرام عليك الي تسوينه في نفسك و لجسدك عليك حقا و هذا و انت حامل اجل كيف لو ولدت ايش بيشغلونك

العضوة: 6769 , 10 years ago

و الصراحة زوجك اعطاك الحل الذهبي خلاص لا تروحي لهم

العضوة: 5830 , 10 years ago

شوفي حبيبتي انتي سويتي بأم زوجك خير لا تندمين عليه الله يعطيك العافيهبالرغم من قساوتها وتسلطها عليك معك حق وهي غلط صراحه 🌼 الشي الثاني اللي تقولك ردي على ام زوجك بالكلام انا ما بقوم انا تعبانه وتلاسنيها يسمحو لي عيب هالردود عليها مهما حصل ..هذي ام زوجك الرجال اللي خيره عليك وهذي امممممممه كبيرة سن عقلها مو مثل عقل المتعلمه الفاهمه🌼 ثالثا امه مريضة سرطان بأي يوم ربي كاتبه بتموت وبتندمين لو جرحتيها بكلمه مهما كان غلطها🌼 زوجك مااجبرك ع الروحه عندها وحاط لك بيت وحدك وبناتها عندها خلاص اجلسي معززه مكرمه ببيتك واذا بتزوريها روحي عصر وارجعي بيتك مره باللسبوع🌼

العضوة: 6407 , 10 years ago

انتي صراحه عديمة شخصية ام زوجك على راسك بس ما تعتبرك شغاله عندها و عند بناتها ؟ المره الثانيه التهي ببنتك ولا سوي نفسك تعبانه قولي تعبانه مايسير كذا لا يكلف الله نفسا الا وسعها لا مات الي ببطنك محد بينفعك .

العضوة: 5830 , 10 years ago

وبناتها عندها ما بيقصرون وانتي جزاك الله خير والله انك كبيره بعيني لان ما طلع منك ولا كلمه تجرحها🌼🌼

العضوة: 5830 , 10 years ago

اقسم بالله عمري ما شفت حرمه سليطة لسان ع ام زوجها تحديدا حتى لو معها حق وام زوجها غلطانه الا تندم وتخسر الكثير ام الزوج باختصار الزمي معها الصمت وابعدي عنها مهما حصل منها لا ترتدديها الحل معها الصمت ..والله يا بنات الصمت يكسبك اكثر مما يخسرك نصيحة اخت ونصيحة محبه اما الزوجه اللي بس لسان لسان لسان كلمه بعشر وشوف امك شوف اخوك وربي انها تنكره وتسبب لنفسها مواقف بايخه هي مو قدها

العضوة: 5830 , 10 years ago

اعرف وحده زوجها يحبها صار بينهم سوء تفاهم بسبب امه الله يهديها بس وزوجها لعنها قاامت الزوجه ردت اللعنه ع امه وطلقها من وقتها 3 طلقات توها عروس😧 انا مااقول اسكتي عن حقوقك بس خليك ذكيه ذكييييه

العضوة: 2166 , 10 years ago

انا لو منك.. اقطعها ماعاد اروح لها الا في الاعياد و المناسبات فففففقط بناتك يروحو مع ابوهم انتي روحي زيك زي الضيفه لو كلمتك سوي نفسك مو سامعه.. احمدي الله زوجك ما وقف معاه.. الحمد لله ماعندي ام زوج من كثر ما اسمع تخبيصهم ان شاءالله تشوف في بناتها قبل احفادها و جع يقهرو

العضوة: 15652 , 10 years ago

مافي احسن من الصراحه حبيبتي مع اهل الزوج ولابعضهم مايرحموك تكلمي ودافعي عن نفسك لاتسكتي

العضوة: 15831 , 10 years ago

الله يسعدكم ياطيبات ولا يحرمكم من غواليكم ويبعد عنكم كل مكروه يارب 🌹