السلام عليكم ورحمة الله كتبتلكم امس انو كان معي مغص وجا مرتين ومع الم ف الظهر واليوم كان عندي موعد الدكتورة وكل شيء في السونار طالع فيه كلو تمام وزن البيبي والميه الحمدالله بس قلتلها احس الحركة حقت البيبي قليلة ولمن يتحرك يرفس بقوة. فقالت لي لازم تخطيط طلق وسويته مدة ساعة وجاتني النيرس قالت لي معاكي الآلام طلق الجهاز بيبين قلتلها بس انا ماني حاسة بشيء قالت لا لا معاكي طلق ورحت عند الدكتورة تاني لتقرأ التخطيط قالت معاكي طلق خفيف وكانت تبى تسويلي فحص داخلي وتحريض كمان. بس انا رفضت لانو ليسا باقيلي اسبوع وأخلص شهري... سؤالي دحين اللي سويته صح بأني رفضت التحريض!!!! ودا الطلق اللي معايا ليه ما بحس فيله !!!وأخذ شيء يقوي الطلق ولا استنى الين ما يزيد من ربنا !؟🌹الله يسعدككم فيدوني وربي يسهل ع كل حامل يارب💓 ف التخطيط اللي فوق نبض البيبي واللي تحت قوة الطلق ووقتها كل دقيقتين