قواعد الحمل الأربعون : 1_من اول يوم في الحمل لازم تعرفي بتبدأي شهرك امتى و هتولدي امتى 💡🕐🕔 2_متابعة الحمل بتحافظ عليكي و ع البيبي ✔✔ 3_المتابعة الصح مرة في الشهر أول 6 شهور و كل أسبوعين في السابع و التامن و أسبوعيا في التاسع 👍👍 4_لو عندك ضغط او سكر او حصلتلك مشاكل الحمل اللي فات متابعتك بتكون الضعف✌ 5_الفوليك أسيد أول 3 شهور ما تنسيش 💊💊 6_ الفوليك أسيد بيحمي الجهاز العصبي للطفل 7_الحمل بيحتاج أكل متوازن و متنوع 🍪🍫🍧🍳🍤🍗 8_ ابعدي عن اللحوم المصنعة و الفسيخ و الشاي و القهوة🍔 9_ابعدي عن المدخنين في فترة الحمل🚭🚭 10_السكر الدايت و مشروبات الطاقة و لبان الترايدينت ممنوع ف الحمل 11_ممنوع تاخدي أي دوا من غير استشارة الطبيب ❌❌❌❌ 12_ما تحاوليش تخسي في الحمل ... ما تتحديش الطبيعة 😄 13_متوقع تزيدي في فترة حملك حوالي 12 كجم 14_أول 3 شهور في الحمل وزنك ممكن ما يزيدش ماتخافيش😉 15_الغثيان بالذات الصبح عرص طبيعي جدا للحمل 16_قسمي أكلك على وجبات صغيرة و متنوعة بدل 3 وجبات كبار 🍊🍋🍡🍢🍇 17_لازم تكوني عارفة فصيلة دمك من أول الحمل💡 18_أشعة السونار مش بتأثر على الجنين ✔✔✔ 19_لو حصلك نزف في اي وقت من الحمل استشيري طبيبك فورا 20_ حركة البيبي بتتحس في نص الخامس في اول حمل و قبل كده لو انتي مش بكرية 21_حركة البيبي لازم تحسيها كل يوم بعد كده 22_ لو حركة البيبي قلت او اختفت استشيري طبيبك فورا🚩🚩 23_الحديد بيتاخد من الشهر الرابع حتى نهاية الحمل💊💊💊 24_ الحديد بيحميكي من الأنيميا و مخاطر نقل الدم 25_حقن الرئة بتتاخد من الأسبوع 24 ل 34 للحالات المعرضة للولادة المبكرة 💉💉 26_محلول الحديد لازم تاخديه في مستشفى 🏨 27 _ ما تسمعيش كلام جروبات الفيس بوك..بيفتوا بغير علم ..... ممكن يودوكي ف داهية انتي و جنينك💀 28_لو نزلت عليكي مية كتير لازم تروحي للطبيب🚩🚩 29_لو حسيتي بوجع أو تحجير في بطنك لازم تستشيري الطبيب💡💡 30_ اللي بيحدد هتولدي طبيعي أو قيصري هو الدكتور ....مش نصاحة أنك تجتهدي مع نفسك 😷 31_اوعي تاخدي ميزوتاك أو فيجوبروست او أي حاجة تفتح الرحم من نفسك ممكن يموت البيبي و يموتك ده لازم يتاخد تحت اشراف طبي ✖✖✖✖✖✖ 32_لو حسيتي بصداع شديد أو زغللة في العين روحي للدكتور فورا 33_ ضغط الحمل و تسمم الحمل حالات خطيرة الكركديه مش بيعالجهم ...خالص 😷😷 34-سكر الحمل ممكن يأثر عليكي و ع الجنين لازم تلتزمي بالانسلين و النظام الغذائي عشان يمر حملك بسلام💡💡 35 - لو فصيلتك سالبة هتحتاجي حقنة ال RH لو ولدي طفل موجب او نزفتي أو أجهضتي أو حمل خارج الرالرحم 36_تاني ....ما تسمعيش كلام الجروبات و تضري نفسك📵 37_التهاب مجرى البول شائع جدا في الحمل و ممكن يسبب ولادة مبكرة .،..خدي العلاج و ما تستهونيش 38_تجنبي التعامل مع القطط خاصة قطط الشوارع ❎❎ 39_لو بتولدي طبيعي ممكن تاخدي أسبوعين بعد التاسع بشرط تتابعي حملك كويس جدا 40_انتي في مرحلة متعبة لكن جميلة ...... 9 شهور من الحب و الأمل و الحياه.