فقت من الصبح رتّب البيت و أمسح الغبرة و جهّز القعدة ، فاق هاشم #ابني_الكتير_غلبة_عمرو_5_سنين🙂 قلي ماما ليش عما تشتغلي البيت بكير ؟! قلتلو : ماما جايين لعندي الجيران بعد مايخلصوا من سوق الخضرة بدنا نعمل الصبحية عندي قلي : ومين كمان بدو يجي ؟! قلتلو : بس جيران الحارة ماما ، بس انشالله ما تجي عمتك العقربة اليوم وتخربلنا القعدة 😣 #لسا_يادوب_خلصت_هالجملة أندق الباب واجوا الشلة 😍 قعدنا وبلشنا نقرقع متّة بس كان وجه أم عبدو ما تمام ؟! قلنالا شبك ولوووووه ليش مخنق وجهك! قالت : والله ابني خزاني خزوة غير شكل قدام وحدة مأنزعة وبكرهها ، جاية من السوق ومعي كيس البطاطا ولأجل الصدفة كل ما شوفها بتسألني شو طابخة بكون بدي اطبخ #مفركة_بطاطا😅 بتقوم بتقلي أكلة الشطّاطّة مفركة بطاطا🙂 ف شفتا اليوم وسألتني شو جايبة بالكيس استحيت قلها بطاطا قلتلا مشترية فروج بدي اشويه ف نط ابني وقلي : ماما مو ع أساس حرام الكذب ؟! بالكيس في بطاطا وبدك تطبخي مفركة بطاطا ، ليش الكذب☻ مشان هيك مقهورة كل ما أتذكر نظراتها كيف كاتمة الضحكة بنقهر بزيادة😭😭😭 _ نطت أم سعيد وقالت لك اسكتي أهون من مصيبة ابني والموقف المخزي يلي حطني فيه 😭 كان عنا رفيق جوزي ، ف صار بدو يفوت عالحمام ، جوزي قال لأبني روح دلّو للضيف ع الحمام فات الزلمة ، وقلو بصوت عالي عمو بس تخلص قلّي ، مشان نادي ماما تجي تشطفك😂😂😂 ........ أم تيسير والشلة فرطوا خواصرون من الضحك 😂😂 ف قالت أم تيسير والله بضل أهون من خزوة بنتي اجت سلفتي قعدت بالصالون وبنتي كل شوي تتصفن فيها شي تفتل يمين وشي تفتل شمال ، وكل شوي تدور حواليها وعما تدقق فيها قالتلا سلفتي ؟! ليش هيك عما تتصفني فيني ؟! قالتلا أمي بتحكي عليكي انو انتي الك وجهين ، لحد الآن ما لقيتو للوجه التاني وينووو ؟! يا ويلي من وقتا ما عاد زارتني يا خجلتي😂😂😂😂 ........ نطت جارتي نورة قالت سمعوا هي 😆 مرّة أجاني خطابة ، ف أنا كتير كنت بحكي بنعومة وشافني العريس وعجبني وعجبتو فات ابن أخي مبوزم ف الشب عمل حالو انو عما يلطف جو قلو تعا حبيبي ليش زعلان ؟! قلو من ورى هي البقرة ضربتني ، هلق هي عاملة حالا آدمية نصيحة مني طلقها لأنو متل الغولة بتعيط وبتضرب وفجعانة كمان من يومها لهلق ما شفت وجه الجماعة😂😂😂😂 ............ ياااااااه شو ضحكنا ، قلتلون الله يجيرنا من كل هالضحك😂😂 الحمدلله انا بنبّه ولادي عالمزبوط ، وبفهمهم وبوعيهم وألف ألف ألف الحمدلله ما تعرضت لموقف متل مواقفكم ولا أنخزيت أبدا" 😌 #فجأة_اندق_الباب قلتلو هاشم قوم ماما شوف مين ع الباب ضلت أم سامر يمكن هية 😍 فتح ابني الباب وشهق شهقة قوية قلتلو : مين ماما ؟! ضحك وقلي : هديك يلي حكيتي عنها ؟! انشالله ما تجي العقربة وتخرب القعدة عرفتيها ؟! #عمتي😂😂😂😂 يا أرض انشقي وابلعيني ، ابلعيني واعلكيني واطحنيني وادفنيني🙃 سوّد الله وجهك يا هاشم 🙊🙈🙉