10 years ago
  • المرحلة الأولى ( اول 3 اشهر)
انا في الاسبوع التاسع و للحين ما احس انو في نبض .. قبل اسبوعين رحت عند الدكتورة قالتلي تعالي بعد شهر حنسويلك سونار عشان دحين مرة صغير ما حيبان شي معايا .. و قاعدة استنى و ان شاء الله خير .. بس انا سؤالي انو من يوم ما حملت ما صار معي استفراغ بس احس بلوعة خفيفة يعني مرات ما يجي ببالي الاكل و مدري كيف .. و احس انو جسمي كذا مجهد يعني لازم اتمدد او انام ما اسوي شي .. هل هالشي يدل انو الجنين تمام ؟؟ عشان من اول حملي ما سويت سونار

7 تعليقات

العضوة: 6167 , 10 years ago

حبيبتي الوحم من عدمه مو دليل على اي شي .. لان من وحده لوحده يختلف .. ولكن النبض ماتوقع تحسين به هذا مايبان الا بالسونار كيف بتحسين به .. اهم شي تنتبهين لنفسك وتاكلين كويس حتى لو مانفسك بالاكل بس عشان النونو .. ولا تفكرين بأشياء سيئه وادعي ربك وكلي امرك له والله كريم .. ان شاء الله تسمعين نبضه وتتطمنين .. ❤️

العضوة: 6777 , 10 years ago

حبيبتي نانو الحمد الله كلو تمام يعني .. يسعدك ربي و يتمملك ع خير يارب 😚😚

العضوة: 10516 , 10 years ago

عادي حبيبتي لاتخافي اكيد صاير حملك متأخر انتبهي على نفسك واخذي حمض الفوليك لانه ضروري اول الحمل عشان الجنين يكبر وان شالله مافيك غير العافيه

العضوة: 6777 , 10 years ago

كيف يعني متاخر ؟؟ الفوليك مداومة عليه الحمد الله

العضوة: 7758 , 10 years ago

عادي طبيعي زيي ، م سويت سونار غير بالشهر الثالث عشان ابعد نفسي عن الوسوسه ،، لانه الجنين وهو صغير مره مرات م يبان ويقولو مافي نبض ويخوفون الواحد .. مدام تحسي بجهد وتعب هذا من الوحام 💕

العضوة: 5186 , 10 years ago

ايوه حبيبتي هذا وحم ف ناس وحمهم قوي وناس خفيف تعب ونوم ولاتروحين تسوي سونار الا بعد شهرين ونص يكون بان وكبر

العضوة: 6777 , 10 years ago

انا بداية شهر 8 حفوت الثالث .. ان شاء الله بسوي سونار و اتطمن ع وضعو .. الله يطمنكم يارب زي ما طمنتوني 😘😘