السلام عليكم موضوعي اليوم بعيد عن الحمل تقدرون تقولون شوية فضفضة في الفترة الاخيره صارو أغلب البنات والمتزوجات نظرتهم سلبية جداً عن الزواج والأنجاب نسمع بعض المتزوجات طول الوقت تردد ياليتني ماتزوجت ياليتني ماحملت ياليتني تدلعت عند أهلي وتجلس تدعي على زوجها وتطلع عيوبه قدام الناس وتدعي على عيالها أحياناً وأنو خلاص وقفت حياتها وماعاد لقت وقت لنفسها طيب ليش ماتفكر تحمد ربها على هالنعم؟ترى كثيييييير يتمناها ومو لاقيها وفالنهايه هذي سنة الحياة والفطرة السليمة وتشريع من الله على هالارض عشان نتكاثر ويفخر بأمتنا الرسول عليه الصلاة والسلام صح ولا لا!خلاص هذي مرحله عمريه وصلنا لها لأننا قدها وراح نعيشها بكل تفاصيلها ليش كل هالتذمر وبقسوة؟؟بالنسبه للبنات حدث ولاحرج اذا سمعت هالكلام تكون خلاص قررت مستحيييل أتزوج مافيه أحد يستاهل كلهم زي بعض و و و أو تجلس تشوش على غيرها وش لك بالزواج والعيال والهم !!لو الجلسه بدون زواج شي كويس ومريح للأبد كان كلنا رفضنا بس أرجع واقول الله ماخلقنا عبث ولا جعل الزواج والأنجاب أساس ل هالحياة الا لحكمة وبس طولت عليكم بس شي فالخاطر وحبيت أقوله واعرف أرائكم ..❣