خاص بالحوامل المقبلات على لولادة: فاش يدخل شهرك وجدي صاكك وصاك طفلك قبل ما يوصل موعد لولادة باش فاي وقت شدك لوجع تلقاي كلشي واجد ماشي عاد تكوني تالفة مع لوجع..، المهم هالي غادي تحتاجي فاش تمشي تولدي: 1- صاك الام: -مانطة + ايزار ومخدة -زوج بيجامات طوال و عراض يكونو قطن باش يسهال عليك تلبسيهم و تسلتيهم خصوصا الى ولدتي بالفتيح او لغراز ماغيش يكون عندك جهد لحوايج ضيقين..، ويكونو مفتوحين من صدر باش تقدري ترضعي. -زوج فوطات صغار لمسيح -ليكوش ديال نافسة -بابي جينيك و لنجيت. -بيرميدات -كيلوطات على الاقل ثلاتة لتبدال -2 زيوف حياتي تحزمي راسك حيث ف فترة لولادة ربعين يوم تيكون راس محلول -بينوار الى كان لجو بارد حيث نافسة دغية تتجمع لبرد عظامها تيكونو مفكوكين. -بانطوفة تكون رطبة ومريحة -ريحة و ديودورو حيث نافسة تتولي ريحتها مجهدة مع دم نفاس و رضاعة. -صابونة -شيتة سنان و معجون اسنان حيث غادة تكوني قريبة لولدك ماخاصش يشم ريحة الفم. -ماكياج باش لي جى ايشوفك ايلقاك منورة. وماتنسايش وراقك انت و راجلك ديريهم معاك فالصاك فطوكوبي د لاكارط ديالك و ديالو و نسخة من عقد زواج و وراق التامين صحي وملف الجنين لي متبعة بيه مع طبيبك (تحاليل + فصيلة دم ديالك). 2- صاك المولود: - مانطة + ايزار و مخدة ديالو. - 3 ولا ربعة من لباس داخلي (طريطقات) نوعي بين كم و نصف كم. -طاقية فحالة الى كان الجو بارد -ثلاتة ولا ربعة لبيسات مجموعين بحال كومبينيزو. -ليكوش حجم صغير -بابي جينيك رطب للرضيع -سماط + كماط - 3 فوطات صغار للرضيع - فوطة كبيرة ولا بينوار للاستحمام. - صاك خاص بالرضيع - كريم ترطيب لرضيع. المهم هذشي لي مهم تهزي معاك نهار لي تمشي تولدي..، والله يفكك على خير و لعقبة لي تتسنى تحمل بالذرية صالحة يارب و لعقبة لي مازال مادة يدها لحنا و تتسنى بولد لحلال.