موضوعي حابه أتكلم فيه وتشاركوني باي شي عشان ارتاح شوي او ألاقي حل مناسب للموضوع انا وزني 37 وعمري 23 وطولي 155 وحامل بالشهر الثالث الأسبوع 11 على كلام الحاسبه والأسبوع 9 على كلام السونار الموضوع هو وزني وانا كل العالم يقولون لي من امي وأبوي وحماتي وأهل البيت وزوجي وجيران وكل حد نعرفه او مااعرفه يقولون لي اغصبي حالك عالاكل وآكلي وايد واشربي ماي وايد وآكلي كذا وكذا وهذي النصائح ترفع ضغطي فجاه وأحس بالعصبية انا ابي اكل اي شي مفيد لي وللبيبي واشرب ماي كثير بس ماقدر اي شي أكله واشربه على طول عالحمام الغثيان ولما ما اكل أكون بخير وتمام الحين كل اللي ينصحوني بهالشي مب عارفين أني بصير ام لأول مره وانا أكيد ابي جنيني وطفلي يكون بخير وانا تهمني حياته وصحته وهو لسه ماجا عالدنيا واخاف عليه وأحبه بس مب متعمده مااكل لو كنت اقدر كنت باكل عشانه بس وش اسوي إذا مااقدر لهالشي اتنرفز ومادتي بالنهايه وش الحل مع وزني ومع نصائح الناس !!!