السلام عليكم ، كيفكن صبايا رحت عند الدكتورة من 15 يوم لمراقبة الحمل ... وكان وضع الجنين تمام .. ولكن خبرتني انو في شي كما قالت ورم ليفي بحجم 3x3 خارج الرحم . قلتلها شو يعني قالت بس ذكريني دايما نشيك عليها لنشوف اذا عمتكبر لانو احيانا بتكبر بفترة الحمل... مع العلم انو عمري 23 وهذا اول حمل لي اخر دورة كانت 18/4/2016 سبحان الله خايفة على الجنين مع انو متوكله ومفوضة امري لربي خاصة اني اعيش في سوريا وللاسف لم يعد فيها دكاترة جيدة :( باول حملي يمكن من الخوف بسبب القصف شفت دم..بس الحمد لله كان براني ولكن رحت عند دكاترة كتير وحدة قالتلي اجهاض والتانيه قالتلي جرثومة القطط. وبالاخير رحت عند دكتورة طلع ما معي شي والحمد لله وطمنتني انو الحمل تمام.... لهيك صرت متوسوسة وخايفة والله المستعان. طمنوني شو يعني ورم ليفيهل يؤثر عالجنين...؟ قرات عالنت انو ممكن اذا عملت لها عملية صعب يصير حمل بعدين ؟ اذا عندكم معرفة طمنوني ولا تنسوني من الدعاء بهالايام المباركة.