السلام عليكم ورحمة الله وبركاته .. كيفكم يا اخواتي الكرام جمل الله ايامكم واوقاتكم بكل سعادة وخير ❤️ والله يثبت حمل كل من حملت ويتمم لها بخير 💐 والله يقوم كل وحدة تنتظر ولادتها الجايه بالسلامه يارب ياكريم 💐 والله يرزق كل محرومة بالذرية الطيبة الصالحة الي تقر العين 💐 يا اخواتي انا اليوم حلمت بحلم غريب اتمنى الي عندها خبرة جيدة تفسرلي حلمي هذا حلمت اني رايحة لموعدي بالمستشفى وقالولي بتنومين وبنولدك وكنت فرحانه ، ويوم كنت ع سرير المستشفى بغرفة كذا سريرها واسع وكانت معي امي وكنت لابسه لبس واسع فضفاض زي لبس روب النفاس وجاتني بنوته صغيره توها تحبي جميله جداً وتاخذ العقل ربي يحفظها واشوفها تبكي مادري وش تبي ، والحريم الي حولي بالغرفة يقولو جوعانه ويتيمه تدور حد يرضعها ومانقدر نرضعها واخذتها بحضني وابرضعها وامي تقولي شلون ترضعيها صدرك مافيه حليب قلتلها بتوكل ع الله وارضعها نفسي تكون بنتي واخت ولدي الجاي واول ماحطيتها ع صدري التقمته وصارت ترضع وهي مبسوطة وانا انبسطت معاها وامي انبسطت انه شلون صدري مافيه حليب لاني باقي ماولدت وسبحان الله در الحليب عشان هاليتيمه ورضعت البنت لين شبعت وراحت وانا حطيت فوط امتصاص الحليب ع صدري عشان الحليب مايعدمني لانه كان كثير ماشاء الله هذا كان حلمي ، علماً اني الان بالشهر التاسع وباقيلي 5 ايام وانتهي منه ، وقمت من حلمي ذا بطني حيل ثقيله ومفاصلي وعظام العانه والحوض تألمني بشدة .. تكفون يا اخواتي الي تعرف تفسر بشكل جيد وعن خبرة تعلمني فقط الي عندها خبرة كويسه ارجوكم وادعولي بالولادة السهلة اليسيرة القريبه عاجلاً غير اجل .. ❤️